Jean 6:44 - Nouveau Testament en Gulay 2004

⁴⁴ Ke nè á Bɔ’m ke njèkule’m ndɔr doo ke ram’t lé ɓaa, doo karé géa ase kin se dè’n ree ram’t lé. Doo ke ree ram’t nga, m’a m’ade à unde loo tee dann njé ke koo’t ndɔ ke ngeinn’t.

Jean 6:44 ပူးပေါင်းရင်းမြစ်များ

Matthieu 12:34

Sei ke i tooi asinan se li jênênnge ke njékêmyêrge! Ké a asikum tam tàge ke maje loo ke ra’t wa? Nyan rusu kêm ɓengre doo njin-njin ɓita tà’n tee tànn’t ɓai.

Matthieu 16:17

Jésu ede Pierre ede nè: – Simon, ngonn Jonas, rai neli tede è doo ndul á ade kumi gang dè tà’t nè nga lé. Nè è Bɔ’m ke danrán kuwe ade kumi gang dè tà’t nè nga.

Jean 12:32

Man nga, loo ke ndɔn’t d’a d’unn’m lat kɔke dè nang nè ɓaa, m’a m’ndɔr dooge malang ke ram’t.

Jean 5:44

Sei awi ndoo riɓar ke in ra nan’t dadann si sei’t kuwe. Nè riɓar ke in ra Nube’t kuwe karé nga, sei sangi nin lé. Ké sei asi kundei kêm si dèm’t titeke bain wa?

Jean 6:43

Jésu tel ede de ede nè: – Ebi ra si murin tà ke kété-kété dann si’t.

Jean 6:45

Njéribe-dè tàge ke tà Nube’t ndangi tà kêm Magtub’t le’n edi nè: «Nube kuwe á è njèndó dooge malang nyan.» Doo ke rara ke ur mbi’n oo’n tà le Bɔ’m a, inyei ra’n ade ndó’n nyan a tɔ ɓaa, doo nè nga à ree ram’t.

Jean 6:65

Jésu tam ede nè: – Gir’n ke nè á, ndɔ ke m’ede’n sei kété m’ede nè: Doo karé bè asekum kin se dè ra’n ree ram’t lé. Ke nè á doo karé ree ram’t ɓaa, è Bɔ’m kuwe inye rebe ade’n ree ram’t.

Jean 8:43

Sei unni mbi si dè nyange ke m’ndó sei, gir’n ke nè á sei asikum ger girtàge le’m lé.

Nje Ke Philippes 1:29

Tede Nube uwe se si noje le kade undei kem̂ si dè Krist’t á go karé lé, nè le kade ingei nyankem̂konge tede le Krist.

Nje Ke Colosses 2:12

Dé dubu sei se Krist nan’t ndɔ ke d’ule’n sei manné njonm nga. Nè sei undei loo i teei se’n nan’t dann njé ke koo’t takul kem̂ si ke undei dè tɔgmong’t le Nube ke njè kade è unde loo tee’n dann njé ke koo’t.