Jean 6:40 - Nouveau Testament en Gulay 2004

⁴⁰ Nyan ke kêm Bɔ’m ndige á tò nè: Nanan ke oré kum’n dè’m man Ngonnnen’t a, unde kêm’n dèm’t a tɔ ɓaa, è à ndi kumgajer se non. Taɓai man m’ade à unde loo tee dann njé ke koo’t ndɔ ke ngeinn’t a tɔ.

Jean 6:40 ပူးပေါင်းရင်းမြစ်များ

Matthieu 10:15

Kerɔte kuwe, man m’ede sei ndàt, ndɔ gangtà’t nga nyan ke ndɔ ke tee dè njé ke ɓeekon ke Sodome se Gomorhhe nga géa è soo’t dum le dooge ke kêm ɓee-bò’t nè nga ɓai.

Matthieu 25:46

Njé ke ndai dè jigel à ɔti kawi loo ke kure nyan ra de à ɔde kum de tutu sár se non. Nè njé ra nyan se dè najennge à ɔti kawi loo ndikumgajer sár se non.

Marc 16:16

Doo ke um kêm’n dè Tà ke Maje’t ade d’ule’n manné njonm ɓaa, d’a d’aje’n. Nè doo ke um kêm’n dè’t lé ɓaa, tà à uwe dè’n ndɔ gangtà’t.

Tà ke Maje ke Luc ndang 2:30

Tede m’an njèkaje dooge ke i ule’n nga se kum ndan-ndan ɓá ta.

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Jean 10:28

Man m’ade à ndii kumgajer se non m à weii ndan lé sár doo karé bè géa asekum kuwe de hont kɔr de jim’t lé a tɔ.

Jean 11:24

Marthe tel ede Jésu ede nè: – M’ger maje titeke à unde loo tee dann njé ke koo’t ndɔ ke ngeinn’t.

Jean 11:25

Jésu tel ede Marthe ede nè: – Man nga m’ee njèkade dooge undei loo teei dann njé ke koo’t. Man nga, m’ee njèkade dooge ndii kumgajer a tɔ. Nanan ke unde kêm’n dèm’t, ke nè á wei géa à tel ndi kumgajer ɓai.

Jean 12:45

Nanan ke ter’m maje ɓaa, è an njékule’m nga ɓá ta.

Jean 12:50

Man m’ger titeke ndukunn le’n nga, è ndikumgajer se non. Tà ke m’ndi m’tam nga, è gute-ndu Bɔ’m kuwe á m’tam.

Jean 14:17

Njè ra se si ke rang nga è Ndil ke get ke dooge ke dè nang nè asikum kuweii ke ra de’t lé. D’ase kuwe’n ke ra de’t lé tede d’an’n lé a, dé ger’n lé a tɔ. Nè sei ɓaa, i gerii tede è ra ɓee se si a, ndi kêm si’t a tɔ.

Jean 14:19

Mbɔr ɓaa dooge ke dè nang nè à teli kan-in man gugu ndan lé ta. Nè sei ɓaa, a an-in man tede m’ndi kumgajer, sei géa a i ndii kumgajer a tɔ.

Jean 17:2

I ade ngonni tɔgmong dè dooge malang ke dè nang nè. Dooge malang ke i ade de se’n nga, è ade de ndikumgajer se non.

Jean 3:36

Nanan ke unde kêm’n dè Ngonnenn’t nè nga ɓaa, à ndi kumgajer se non. Nè nanan ke unde kêm’n dè Ngonnenn’t nè nga lé ɓaa à ndi kumgajer ndan lé, nè wong le Nube ndi dènn’t ndeĵ ɓá ta.

Jean 4:14

Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.

Jean 5:24

Kerɔte kuwe, man m’ede sei ndàt, nanan ke oo tà le’m, unde kêm’n dè è ke njèkulem’t nga ɓaa ndi kumgajer se non nga ɓá ta. Nube à gangtà dènn’t lé. E doo nè nga tee tà yo’t aw loo ndikumgajer se non ɓá ta.

Jean 6:27

I rai kule tede nyankuse ke dè’n à ngei karè nga lé. Nè i rai kule tede nyankuse ke à tò sár-sár se non. Nyankuse ke à tò sár se non nga, è Ngonn doo á à ade sei, tede Ngonn doo nga nyankorji le Nube Bɔ dooge tò rann’t.

Jean 6:39

Njé ke Bɔ’m ke njèkule’m ade’m se de malang nga, è ndige le kade doo karé bè géa dann de’t tuju lé. Nè è ndige le kade m’ade undei loo teei dann njé ke koo’t ndɔ ke ngeinn’t.

Jean 6:44

Ke nè á Bɔ’m ke njèkule’m ndɔr doo ke ram’t lé ɓaa, doo karé géa ase kin se dè’n ree ram’t lé. Doo ke ree ram’t nga, m’a m’ade à unde loo tee dann njé ke koo’t ndɔ ke ngeinn’t.

Jean 6:54

Nanan á ke use danra’m a, an-in mese’m a tɔ ɓaa, ndi kumgajer se non ɓá. Ndɔ ke ngeinn’t ɓaa, m’a m’ade à unde loo tee kɔke dann njé ke koo’t.

Jean 8:56

Kà si Abraham nga ndɔ ke ra ranel kêmn’t tede le kan ndɔ ree le’m. Ndɔ ke è an ndɔ nè nga se kum’n a, ra ranel dè’t ngain a tɔ.

Nje Ke Rome 5:21

Kété yo on ɓee dè dooge’t tede majelé ke taa loo ɔge. Ɗarinè kêmnoje le Nube ɔr tà dè dooge’t ade ingei ndikumgajer se non le Nube takul Jésu-Krist, Kuwe-ɓee le jéi nga.

Nje Ke Rome 6:23

Oiyo nyan kuge dè ji le kaiya è yo, nè nyan kuge noje le Nube ɓaa, è ndikumgajer sár se non takul kum ke j’umi nan’t bɔk se kuwe jéi Jésu-Krist.

2 Nje Ke Corinthe 4:6

Kété mari, Nube tam ede nè : «Maje kade lookar ndogó dann tilkusge’t!» E Nube nè nga kuwe á ade lookar ndogó dè ɓengre jé’t tede kade jè ribe’n dè ger-gel ndubra le Nube tàkum Kuwe-ɓee Jésu-Krist’t.

Hebreuge 11:1

Kundekem̂ nga, è nyan ke doo unde kem̂’n dè’t tchên. Kundekem̂ nga, è nyan ke doo an se kum’n lé ɓai nè è um kem̂’n dè’t bɔk-bɔk titeke è inge nyan nè nga ɓá bè.

Hebreuge 11:27

Moise unde kem̂’n dè Nube’t á ndɔ ke è inye’n ɓeekon ke Egypte nal ɓel wong ke ayé ra ngar dènn’t. E nda dè njann’t njáng titeke an Nube ke dookunde le’n ase kan’n se kum’n lé nga ɓá bè.

1 Pierre 1:8

Jésu-Krist nga, sei an-in nin lé ɓai nè sei tári nin. Ɗarinè sei an-in nin lé ɓai nè sei undei kem̂i si dènn’t a tɔ. Gir’n ke nè á sei ndii dann bò ranel ke maje ɔr njêt’t.

1 Jean 2:25

Ndikumgajer sár se non nga, è nyan ke Krist unn’n ndu’n ade jèi kété ɓá.

Jude 1:21

I ndii dann tár ke Nube tár sei. Undei kem̂ si dè Kuwe-ɓee’t le jéi Jésu-Krist, i nginei ndikumgajer se non se ke à ade sei se go kem̂kanm le’n.