Jean 6:39 - Nouveau Testament en Gulay 2004

³⁹ Njé ke Bɔ’m ke njèkule’m ade’m se de malang nga, è ndige le kade doo karé bè géa dann de’t tuju lé. Nè è ndige le kade m’ade undei loo teei dann njé ke koo’t ndɔ ke ngeinn’t.

Jean 6:39 ပူးပေါင်းရင်းမြစ်များ

Matthieu 10:15

Kerɔte kuwe, man m’ede sei ndàt, ndɔ gangtà’t nga nyan ke ndɔ ke tee dè njé ke ɓeekon ke Sodome se Gomorhhe nga géa è soo’t dum le dooge ke kêm ɓee-bò’t nè nga ɓai.

Matthieu 18:14

E titeke bè tàkum Nube Bɔ si ke ndi danrán. E ndige kade ngonn karé bè dann madennge’t nè nga ndem oso kɔke lé.

Tà ke Maje ke Luc ndang 12:32

– Sei ke i tooi asinan se nyankulge le’m ke tchɔp bè nga, ebi’t ɓel; tede Bɔ jéi ade sei Konɓee le’n.

Jean 12:48

Nanan ke ute’m mbeng taa tàge le’m lé ɓaa, njègangtà dènn’t ndi tutu ɓá ta. Tà le’m ke m’tam nga kuwe à gangtà dènn’t ndɔ ke ngeinn’t.

Jean 17:12

Njé ke i um de jim’t nga, kété ke m’nain’n se de dè nang nè ɓai m’ngonm de se tɔgmong ke i ade’m. M’ɔge kum’m ɓi m’an-in’n ngang de garar-garar, m’ade doo karé bè géa tuju dann de’t lé; nè è ke ayé tuju ra’n nga kuwe se kar’n bere. E titeke bè tede kade tà ke tò kêm magtub’t ke tò se ninn’n aw’n loon’t deĵ.

Jean 17:2

I ade ngonni tɔgmong dè dooge malang ke dè nang nè. Dooge malang ke i ade de se’n nga, è ade de ndikumgajer se non.

Jean 17:24

Bɔ’m, njé ke um de jim’t nga, loo ke m’a m’ndi tutu ɓaa, m’ndige kade ndii se’m nan’t tutu tɔ. Titeke bè á d’a d’an’n ndubra ke i ule dèm’t nga se kum de. I tár’m kété mari ɓita unde nang nè ɓai.

Jean 17:6

Njé ke i tɔr de dann dooge ke dè nang nè um de jim’t nga, m’ribe se de rii m’ade geri nin ɓá. Dé nè nga, dé leige kuwe kété ɓita ade’m se de ɓai. Tà lei ke m’ndó de nga, d’an dè sêw-sêw.

Jean 17:9

Man m’ɔje sei tà tede njé ke ei leige ke ade’m se de. Man m’ɔje sei tà tede njé ke dè nang nè nga lé.

Jean 18:9

Jésu tam bè le kade tà ke è tam kété ede nè: «Njé ke i um de jim’t nga, m’ɔge kum’m ɓi m’an-in ngang de garar-garar m’ade doo karé bè géa dann de’t tuju lé» nga, aw’n loon’t deĵ.

Jean 5:28

Adi tà ige sei sêl dè tà’t nè nga lé, tede kàde kade dooge ke tooi ɓada à ooi ndu Ngonn doo nga ree ɓá ta.

Jean 6:37

Njé ke Bɔ’m ade’m se de malang nga à reei ram’t. Doo ke ree ram’t nga, m’a m’ute’n mbeng kile’n nata ndan lé.

Jean 6:40

Nyan ke kêm Bɔ’m ndige á tò nè: Nanan ke oré kum’n dè’m man Ngonnnen’t a, unde kêm’n dèm’t a tɔ ɓaa, è à ndi kumgajer se non. Taɓai man m’ade à unde loo tee dann njé ke koo’t ndɔ ke ngeinn’t a tɔ.

Jean 6:44

Ke nè á Bɔ’m ke njèkule’m ndɔr doo ke ram’t lé ɓaa, doo karé géa ase kin se dè’n ree ram’t lé. Doo ke ree ram’t nga, m’a m’ade à unde loo tee dann njé ke koo’t ndɔ ke ngeinn’t.

Jean 6:54

Nanan á ke use danra’m a, an-in mese’m a tɔ ɓaa, ndi kumgajer se non ɓá. Ndɔ ke ngeinn’t ɓaa, m’a m’ade à unde loo tee kɔke dann njé ke koo’t.

Nje Ke Rome 8:11

Nube ade Jésu unde loo tee dann njé ke koo’t. Ke nè á Ndil Nube ndi kêm si’t ɓaa, Nube ke ndɔ ke ade Jésu unde loo tee dann njé ke koo’t nga à ade danra si ke njè kwei à tel ndi kumgajer. E Nube ke njè kade Jésu unde loo tee dann njé ke koo’t nga á à ade a i teli ndii kumgajer tɔ, takul Ndil’n ke ndi kêm si’t nga.

1 Nje Ke Corinthe 6:14

Ndɔ ke Nube ade Kuwe-ɓee unde loo tee dann njé ke koo’t. Jèi géa, Nube à ade j’à j’undei loo teei dann njé ke koo’t se go tɔgmong le’n tɔ.

2 Timothee 2:19

Nè né è bè géa, gir nyange ke Nube kuwe unde nga ngiring nang ngiring-ngiring. Gir nyange ke Nube unde nga, è kuwe ndang tàge nè dè’t se ji’n ede nè: «Kuwe-ɓee ger njé ke ei le’n mbak. Nanan ke ede nè n’ee le Kuwe-ɓee ɓaa, gar-gar à ute ra’n mbeng kɔke dè nyanra ke se dè naje’n lé.»

Jacques 5:15

Ke nè á ngatɔgege ɔji tà se Nube kerɔte ɓaa, Nube à unn njèratur nè kur’n dɔ. Ke nè á njèratur nè ra majelé ɓaa, Kuwe-ɓee à ade kem̂’n à tin mbit dènn’t.

1 Pierre 1:5

Sei nga tɔgmong le Nube an-in ngang si garar-garar takul kundekem̂ le si. E an-in ngang si titeke bè tede kaje ke è uwe dè nja tede le si nga, nain ngɔr ɓaa à kile ra’n ke nata ndɔ ke ngeinn’t.

Jude 1:1

Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.