Jean 6:37 - Nouveau Testament en Gulay 2004

³⁷ Njé ke Bɔ’m ade’m se de malang nga à reei ram’t. Doo ke ree ram’t nga, m’a m’ute’n mbeng kile’n nata ndan lé.

Jean 6:37 ပူးပေါင်းရင်းမြစ်များ

Matthieu 11:28

Sei malang ke nyankoto ɗuge sei ngong-ngong ade ɔri yàl-yàl nga, i reei ram’t ɓaa man m’ade sei loo taa kebe.

Matthieu 24:24

Njé tête tà kunde tà Krist’t se njé tête tà kunde tà Nube’t à undei loo teei. A rai nyankɔbege se nyanpindege ke tooi ɓel tede le kade bainléa súii njé ke Nube tɔr de kuwe géa tɔ.

Jean 17:11

Nain ngɔr ɓaa man m’inye nang nè ta, tede m’a m’tel kaw rai’t gugu nú. Nè dé ɓaa, dé nain dè nang nè ɓai. Bɔ’m ke njèkêmnda káng, i ngonm de se tɔgmong lei ke ade’m kade d’um nan’t bɔk titeke jè sei j’um’n nan’t bɔk bè tɔ.

Jean 17:2

I ade ngonni tɔgmong dè dooge malang ke dè nang nè. Dooge malang ke i ade de se’n nga, è ade de ndikumgajer se non.

Jean 17:24

Bɔ’m, njé ke um de jim’t nga, loo ke m’a m’ndi tutu ɓaa, m’ndige kade ndii se’m nan’t tutu tɔ. Titeke bè á d’a d’an’n ndubra ke i ule dèm’t nga se kum de. I tár’m kété mari ɓita unde nang nè ɓai.

Jean 17:6

Njé ke i tɔr de dann dooge ke dè nang nè um de jim’t nga, m’ribe se de rii m’ade geri nin ɓá. Dé nè nga, dé leige kuwe kété ɓita ade’m se de ɓai. Tà lei ke m’ndó de nga, d’an dè sêw-sêw.

Jean 6:39

Njé ke Bɔ’m ke njèkule’m ade’m se de malang nga, è ndige le kade doo karé bè géa dann de’t tuju lé. Nè è ndige le kade m’ade undei loo teei dann njé ke koo’t ndɔ ke ngeinn’t.

Jean 6:65

Jésu tam ede nè: – Gir’n ke nè á, ndɔ ke m’ede’n sei kété m’ede nè: Doo karé bè asekum kin se dè ra’n ree ram’t lé. Ke nè á doo karé ree ram’t ɓaa, è Bɔ’m kuwe inye rebe ade’n ree ram’t.

Jean 9:34

Pharisienge in-in se doo ke ndɔ ke è njèkumtɔ nga edi nè: – I ke d’oji dann majelé’t bere mbak taa i ndige le tel k’ee njè ndó jè nyan wa? Ke loon’t nè dé rɔ’n kêm kei kebe nan’t d’ile’n nata.

Nje Ke Rome 5:20

Gute-ndu unde loo tee ade majelé in dè made’t ke kété-kété. Nè loo ke majelé in dè made’t ke kété-kété tutu nga, kêm-noje le Nube in dè made’t ke kété-kété tutu dum dè majelé.

Nje Ke Philippes 1:29

Tede Nube uwe se si noje le kade undei kem̂ si dè Krist’t á go karé lé, nè le kade ingei nyankem̂konge tede le Krist.

1 Timothee 1:16

Nè Nube ra se’m kem̂kanm. Gir’n ke nè á Jésu-Krist tɔje’n kem̂kile le’n ke deri ke nata tede’m man ke njè ra majelé dum njé ra majelége malang. Krist ra se’m titeke bè le kade m’ee nyan-tɔje tede le njé ke ndɔn’t à undei kem̂ de dè Krist’t le kinge’n ndikumgajer se non.

2 Timothee 2:19

Nè né è bè géa, gir nyange ke Nube kuwe unde nga ngiring nang ngiring-ngiring. Gir nyange ke Nube unde nga, è kuwe ndang tàge nè dè’t se ji’n ede nè: «Kuwe-ɓee ger njé ke ei le’n mbak. Nanan ke ede nè n’ee le Kuwe-ɓee ɓaa, gar-gar à ute ra’n mbeng kɔke dè nyanra ke se dè naje’n lé.»

Hebreuge 4:15

Kerɔte kuwe, maw njèkuje nyan-mese le jéi nga ase ra se jéi dè yaige’t le jéi kuwe. Loo ke ndɔ nain dè nang nè ɓai nga, nyange nan’n titeke nan’n jéi bè tɔ, nè è ute kaiya mbeng.

Hebreuge 7:25

Gir’n ke nè á njé ke reei ra Nube’t se takul Jésu ɓaa, è ase kaje de nja karé bere ke ngang’n. Jésu nga ndi kumgajer sár se non. E ɔje tà se Nube dɔ-dɔ tede le de.

1 Jean 2:19

Njé kɔse tà se Krist nga in-in dann jéi’t nè kuwe, nè kété géa ei le jéige lé. Gir’n ke nè á undei loo teei dann jéi’t kɔke. Ke nè á né ndɔ ke ei le jéi ɓaa, né à nain-in se jéi. Nè kunde ke undei loo i teei dann jéi’t kɔke nga, ade jè geri njai titeke ei le jéige ndan lé.

Lookilera’n 22:17

Ndil Nube se dinye ke njè ngaw kige nga tami edi nè: «I ree.» Doo ke oo tà nè ɓaa, maje kade tam ede nè: «I ree.» Doo ke kunde mann on’n ɓaa, maje kade ree taa mann an-in. Doo ke ndige taa mann kan-in ndii’n kumgajer ɓaa, à inge karé m à ndogo lé.