Jean 6:29 - Nouveau Testament en Gulay 2004

²⁹ Jésu tel ile de dè’t ede nè: – Nyan ke kêm Nube ndige nga, è le kade undei kêm si dè è ke Nube ulenn’t nga.

Jean 6:29 ပူးပေါင်းရင်းမြစ်များ

Matthieu 17:5

Loo ke tà nain tà Pierre’t ɓai ɓaa, bum ke ndoin ree lirr utu dè de lêt. Ndu Nube ɓar dann bum’t nè nga, ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ. Ooi tà tànn’t.

Marc 16:16

Doo ke um kêm’n dè Tà ke Maje’t ade d’ule’n manné njonm ɓaa, d’a d’aje’n. Nè doo ke um kêm’n dè’t lé ɓaa, tà à uwe dè’n ndɔ gangtà’t.

Jean 3:36

Nanan ke unde kêm’n dè Ngonnenn’t nè nga ɓaa, à ndi kumgajer se non. Nè nanan ke unde kêm’n dè Ngonnenn’t nè nga lé ɓaa à ndi kumgajer ndan lé, nè wong le Nube ndi dènn’t ndeĵ ɓá ta.

Jean 5:39

Sei teri kêm Magtub ke tò se ninn’n tede sei geri kêm si’t titeke takul de á a ingeii ndikumgajer se non. Nè Magtubge nè nga ei njékɔrgo tàge ke ɔje dè’m.

Jean 6:28

Doobulege deji Jésu edi nè: – Ké j’à ra bain le ra’n nyange ke kêm Nube ndige nga wa?

Jean 6:38

Tede man nga m’in danrán m’ree le ra nyan ke kêm’m man á ndige lé, nè m’ree le ra nyan ke kêm njèkule’m á ndige.

Jean 6:57

Bɔ’m ke njèkule’m nga ndi kumgajer. Man m’ndi kumgajer takul’n è. Doo ke use danran’m ɓaa à ndi kumgajer titeke bè tɔ takul’m man.

Nyanra Njekawkulege 16:31

Paul se Silas ilei nin dè’t edi nè: – Unde kêmi dè Kuwe-ɓee Jésu’t ɓaa, d’a d’aji i se njénojege lei.

1 Nje Ke Thessalonique 1:3

Non Bɔ jéi Nube’t nga, kem̂ jé olé dè kule ke sei rai dè kundekem̂’t le si. Kem̂ jé olé dè ra si ke ulei ndibe dè tár nan’t a tɔ. Non Bɔ jéi Nube’t nga, kem̂ jé olé dè korè tà njak le si dè kundekem̂ tchên dè Kuwe-ɓee le jéi Jésu-Krist nga a tɔ.

Hebreuge 5:9

Nube tel’n ke doo ke maje ɔr njêt. Krist tel è njè kade dooge malang ke ilei koje dènn’t ndii kumgajer sár se non.

Jacques 2:22

I an titeke kundekem̂ le Abraham a, kule ra’n a tɔ nga, asinan deĵ. Kundekem̂ le’n maje ɔr njêt takul kule rannge.

1 Jean 3:23

Nube unn ndu’n ade jèi le kade j’undei kem̂ jéi dè ri Ngonn’n Jésu-Krist’t a, jè tári nan titeke ndɔ ke Krist unn’n ndu’n ade jèi.

1 Jean 5:1

Nanan ke unde kem̂’n dè Jésu’t titeke è Krist ɓaa, doo nè nga è Nube kuwe oje’n. Nanan ke tár Bɔ jéi Nube ɓaa à tár jèi ngannenge nga tɔ.

Lookilera’n 2:26

Dooge ke têti rɔ a, ilei koje dèm’t sár ndɔ ke ngeinn’t ɓaa, m’a m’ade de tɔgmong ke ndɔ ke Bɔ’m ade’m. M’a m’ade de tɔgmong kade on-in ɓee.