Jean 6:27 - Nouveau Testament en Gulay 2004

²⁷ I rai kule tede nyankuse ke dè’n à ngei karè nga lé. Nè i rai kule tede nyankuse ke à tò sár-sár se non. Nyankuse ke à tò sár se non nga, è Ngonn doo á à ade sei, tede Ngonn doo nga nyankorji le Nube Bɔ dooge tò rann’t.

Jean 6:27 ပူးပေါင်းရင်းမြစ်များ

Matthieu 17:5

Loo ke tà nain tà Pierre’t ɓai ɓaa, bum ke ndoin ree lirr utu dè de lêt. Ndu Nube ɓar dann bum’t nè nga, ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ. Ooi tà tànn’t.

Matthieu 25:46

Njé ke ndai dè jigel à ɔti kawi loo ke kure nyan ra de à ɔde kum de tutu sár se non. Nè njé ra nyan se dè najennge à ɔti kawi loo ndikumgajer sár se non.

Matthieu 3:17

An! ke loon’t nè kuwe, ndu doo ɓar danran ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ.

Matthieu 6:19

Uwei dè nja nyanbawge ke dè nang nè nga undei konn tede le si lé, tede dè nang nè nga è loo ke gide se kar tuji nyange tutu a, njéɓog-ge mbuti kum loo ɓogi a tɔ.

Matthieu 8:20

Jésu tel ile’n dè’t ede nè: – Njange géa bolè tò de tò tutu a, helge géa ndis tò de tò tutu a tɔ. Nè man ke m’ee Ngonn doo nga, m’inge loo kule dè’m tutu taa kebe lé.

Marc 1:11

Ndu Nube ɓar danran nú ede nè: – I i Ngonn’m ke m’tári ngain, i nyan ranel le’m a tɔ.

Marc 9:7

Bum ree utu dè de lêt, Nube tam tà dann bum’t nè ede nè: – E nè nga è Ngonn’m ke m’tár’n ngain, ooi tà tànn’t.

Tà ke Maje ke Luc ndang 3:22

Ndil-Kêmnda ree uwe dènn’t ade d’an tò asenan se der-nda bè. Ndu Nube ɓar danrán nú ede nè: – I nga i ngonn’m ke m’tári ngain. Ra’m nel’m dè kɔr ke m’ɔri’t nga ngain a tɔ.

Tà ke Maje ke Luc ndang 9:35

Ndu Nube ɓar dann bum’t nè ede nè: – E nè nga è Ngonn’m ke get, è man kuwe á m’ɔr’n m’unde’n se ninn’n gai. Ooi tà tànn’t.

Jean 10:28

Man m’ade à ndii kumgajer se non m à weii ndan lé sár doo karé bè géa asekum kuwe de hont kɔr de jim’t lé a tɔ.

Jean 11:42

Kerɔte kuwe man ɓaa, m’ger mbak tite oo ndu kɔ le’m se ndɔge malang. Nè m’tam tà nè nga tede tà le doobulege ke an-in dè’m girm nè, tede kade undei kêm de dèm’t titeke è i kuwe ule’m dè nang nè.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 15:24

Nyanrage ke doo ke rang ra nja karé lé nè nga, ke nè á ndɔ ke m’ra dann dooge’t lé ɓaa, né tà kaiya à ɔr dè de’t. Nè ɗarinè d’an nyanramge ɓá, nè né è bè géa, d’a d’ɔdenan kɔr jè njêt se Bɔ’m kuwe ɓai.

Jean 17:2

I ade ngonni tɔgmong dè dooge malang ke dè nang nè. Dooge malang ke i ade de se’n nga, è ade de ndikumgajer se non.

Jean 3:15

D’a ɓer’m dɔ le kade nanan ke unde kêm’n dèm’t ɓaa à ndi kumgajer se non.

Jean 3:33

Doo ke taa kɔrgo tà le’n ɓaa, ndige se’n titeke Nube tam ngarankum tà kuwe.

Jean 6:40

Nyan ke kêm Bɔ’m ndige á tò nè: Nanan ke oré kum’n dè’m man Ngonnnen’t a, unde kêm’n dèm’t a tɔ ɓaa, è à ndi kumgajer se non. Taɓai man m’ade à unde loo tee dann njé ke koo’t ndɔ ke ngeinn’t a tɔ.

Jean 6:47

Kerɔte kuwe, man m’ede sei ndàt, doo ke unde kêm’n dèm’t ɓaa, ndi kumgajer se non ɓá ta.

Jean 6:51

Mapa ndikumgajer ke in danrán nga è man. Doo ke use mapa nè nga ɓaa à ndi kumgajer se non. Mapa ke m’a m’ade le kade dooge ke dè nang nè ndii kumgajer nga, è danra’m man kuwe.

Jean 6:53

Jésu tel ede de ede nè: – Kerɔte kuwe, man m’ede sei ndàt, ke nè á sei usei danra’m man Ngonn doo lé a, an-in mese’m lé a tɔ ɓaa, ndikumgajer nga goto ra si’t ɓá ta.

Jean 6:54

Nanan á ke use danra’m a, an-in mese’m a tɔ ɓaa, ndi kumgajer se non ɓá. Ndɔ ke ngeinn’t ɓaa, m’a m’ade à unde loo tee kɔke dann njé ke koo’t.

Jean 6:58

An-in! mapa ke in danrán: Mapa nè nga è tite è ke ndɔ ke kà sige ke weii usei kété nga lé. Nè doo ke use mapa nè nga ɓaa à ndi kumgajer se non.

Jean 6:62

Ke nè á ndɔn’t a an-in Ngonn doo loo tel kaw loo ndii’n ke kété in tutu ree nga ɓaa, ké a i tami kedi nè ri ta wa?

Jean 6:68

Simon Pierre tel ilé dè’t ede nè: – Kuwe-ɓee, ké nan le jé á j’ayé kinyei kaw rann’t ɓai wa? I kuwe se kari bere á aw se tàge ke doo à ndii’n kumgajer sár se non.

Jean 8:18

Man m’ɔrgo tà m’ɔje’n dè’m man kuwe: Bɔ’m ke njèkule’m nga géa ɔrgo tà le’m tɔ.

Nyanra Njekawkulege 10:38

Jésu ke Nazareth ke Nube ule’n nga, Nube ade’n tɔgmong le Ndil-Kêmnda. Jésu aw se loo-loo ra maje se dooge malang a, aje njé ke sú uwe de a tɔ, tede Nube è der gir’n.

Nyanra Njekawkulege 2:22

– Sei dooge ke Israel, i neli mbi si maje ooi tà ke m’a m’ede sei: Jésu ke Nazareth nga sei geri nin ɓá. E doo ke ndɔ ke Nube kuwe ule ji’n njung dènn’t ɔr’n unde’n se ninn’n gai. Nube ade ra nyankɔbege se nyange ke dum kum a, se nyan-tɔjege dann si’t ade i geri ɓá a tɔ.

Nje Ke Rome 4:11

Abraham nga ndɔ ke d’uje tà mɔte’n le tɔje’n dooge titeke Nube ɔr tà dènn’t ɓá takul kêm’n ke unde dènn’t. Nube ɔr tà dè Abraham’t kété pa ɓita d’uje tà mɔte’n ɓai. Titeke bè á Abraham tel ee’n bɔ dooge malang ke undei kêm de dè Nube’t nal kuje tà mɔte de. Nube ɔr tà dè njé ke undei kêm de dènn’t nal kuje tà mɔte de.

Nje Ke Rome 6:23

Oiyo nyan kuge dè ji le kaiya è yo, nè nyan kuge noje le Nube ɓaa, è ndikumgajer sár se non takul kum ke j’umi nan’t bɔk se kuwe jéi Jésu-Krist.

1 Nje Ke Corinthe 6:13

Sei i tami edi nè: «Nyankuse tò tede kêm doo a, kêm doo tò tede nyankuse a tɔ.» E kum kuwe, nè né è bè géa ndɔ karé kuwe Nube à tuju de joo mbak. Nè danra doo nga Nube ra’n ɔje dè tò se nan ke kaiya’t lé. Danra doo nga tò tede Kuwe-ɓee a, Kuwe-ɓee géa ndi tede le danra doo a tɔ.

1 Nje Ke Corinthe 9:2

Ke nè á né njé ke rang-ge an-in man ke njèkawkule lé géa, sei ɓaa, man njèkawkule tede le si kerɔte kuwe. Sei ɓaa, sei korji kule ke m’ra m’ade Kuwe-ɓee.

2 Nje Ke Corinthe 4:18

Nyan ke doo an se kum’n á j’an-in ngɔde j’ɔje’n dè lé. Nè j’orè kum jé dè nyange ke doo asekum kan se kum’n lé. Tede nyange ke doo an se kum’n nga, ei nyange ke kò de à tò mbɔr lé. Nè nyange ke doo asekum kan se kum’n lé nga, ei nyange ke à tooi sár se non.

Nje Ke Galatie 5:6

Kuje tà mɔte éké kuje tà mɔte lé, è nyan ke liriri tede le doo ke um nan’t bɔk se Jésu-Krist. Nè nyan ke è ngarankum nyan nga, è kundekem̂ ke ra kule dè tár nan’t.

Nje Ke Philippes 2:13

Oiyo, è Nube kuwe á ra kule kem̂ si’t ade sei kem̂ndige se tɔge le kade i rai nyan ke maje ke kem̂’n ɔje.

Nje Ke Colosses 1:29

Gir’n ke nè á m’ra’n kule m’ɔr’n yàl-yàl a, m’rɔ’n se go tɔg le Krist ke ra kule ram’t ngain.

Nje Ke Colosses 2:22

Nyange nè nga malang ei nyange ke à tuji ke nè á dé ra se de kule se go rebe’n lé. Nyange nè nga ei ndukunnge se nyan-ndóge ke in ra dooge’t karè.

Nje Ke Colosses 3:2

I giri dè nyange ke dɔ m dè nyange ke dè nang nè nga lé.

1 Nje Ke Thessalonique 1:3

Non Bɔ jéi Nube’t nga, kem̂ jé olé dè kule ke sei rai dè kundekem̂’t le si. Kem̂ jé olé dè ra si ke ulei ndibe dè tár nan’t a tɔ. Non Bɔ jéi Nube’t nga, kem̂ jé olé dè korè tà njak le si dè kundekem̂ tchên dè Kuwe-ɓee le jéi Jésu-Krist nga a tɔ.

2 Timothee 2:19

Nè né è bè géa, gir nyange ke Nube kuwe unde nga ngiring nang ngiring-ngiring. Gir nyange ke Nube unde nga, è kuwe ndang tàge nè dè’t se ji’n ede nè: «Kuwe-ɓee ger njé ke ei le’n mbak. Nanan ke ede nè n’ee le Kuwe-ɓee ɓaa, gar-gar à ute ra’n mbeng kɔke dè nyanra ke se dè naje’n lé.»

Hebreuge 12:16

An-in go ra si maje le kade doo karé bè géa tel è njè tò se nan ke kaiya’t éké njè nede nyan tite Esau lé. Esau nga, ndɔ ke ige nyan ke ɔje dè ngonn der nga kɔke tede nyankuse ke nja karé bere.

Hebreuge 4:11

Ade jè pabrai loo par-par tede kile nja jéi loo taa kebe’t nè nga. Maje kade doo karé tel è njè dum nan tite kosdooge ke Israel ɔse’n loo taa kebe ke get nè nga pat nal lé.

Jacques 1:11

Loo ke kàde ube, in ɔse ramam ade kam kage ndolè a, putu’n ur nang a, kin mande le’n ɔse ngei ngai a tɔ. Baw nga géa, le’n à è titeke bè tɔ. Ndɔ karé à goto njêl dann nyanbawge’t le’n.

1 Pierre 1:24

Magtub ke tò se ninn’n tam ede nè: «Danra dooge malang tò tite walè bè a, riɓar le de malang tò asenan se putu kage bè a tɔ. Walè tutu a, putu gein nang a tɔ.

2 Pierre 1:17

Jésu-Krist oo ndu Nube njè ndubra ke bò loo ke ndɔ ke inge’n inge’n riɓar se ndubra ra Bɔ’n Nube’t. Ndɔ ke Nube tam nè: «E nè nga è Ngonn kem̂’m ke m’tár’n ngain a, ra’m nel’m dènn’t ngain a tɔ.»