Jean 6:26 - Nouveau Testament en Gulay 2004

²⁶ Jésu ile de dè’t ede nè: – Kerɔte kuwe, man m’ede sei ndàt, sei sangi man tede nyankɔbege ke ndɔ ke an-in nga lé, nè tede mapa ke sei usei i ndanni.

Jean 6:26 ပူးပေါင်းရင်းမြစ်များ

Jean 3:3

Jesu tel ile Nicodème dè’t ede nè: – Kerɔte kuwe, man m’edi ndàt, ke nè á dé tel d’oje doo gugu kige lé ɓaa, è asekum kan Konɓee le Nube se kum’n lé.

Jean 3:5

Jesu tel ile Nicodème dè’t ede nè: – Kerɔte kuwe, man m’edi ndàt: ke nè á d’ule doo manné njonm d’ade Ndil oje’n lé ɓaa, è asekum kule dè’n kêm Konɓee’t le Nube ndan lé.

Jean 6:14

Loo ke dooge nè an-in nyankɔbe ke Jésu ra nga bè ɓaa, ei tami edi nè: – Doo nè nga è ngarankum njèribe-dè-tà ke tà Nube’t ke ndɔ ke ayé kule’n kade ree dè nang nè nga kuwe gar-gar á nda nè.

Jean 6:15

Nè loo ke Jésu ger titeke d’ade ree kɔr’n kunde’n ngar ɓaa, è ɔr ra’n njêl se kar’n aw dè mbal’t gugu.

Jean 6:2

Doobulege ngain ndolèi goo’n tede an-in nyankɔbege ke kété è ra se njératurge.

Jean 6:24

Loo ke doobulege an-in titeke Jésu se njékuwe-girnge gotoi loo’t nè ɓaa, ali kêm ngann batoge’t nè nga ɓungei nan awi kêm ɓee-bò ke Capernaum sangi Jésu.

Jean 6:30

Dé tel dé deje Jésu d’ede nè: – A i, ké nyankɔbe ri á a i ra le kade j’an, j’unde’n kêm jé dèi’t wa? Ké kule rai è ri wa?

Jean 6:36

Nè m’ede sei tà nè nga kété ɓá, sei an-in man se kum si kuwe, nè undei kêm si dèm’t lé.

Jean 6:47

Kerɔte kuwe, man m’ede sei ndàt, doo ke unde kêm’n dèm’t ɓaa, ndi kumgajer se non ɓá ta.

Jean 6:53

Jésu tel ede de ede nè: – Kerɔte kuwe, man m’ede sei ndàt, ke nè á sei usei danra’m man Ngonn doo lé a, an-in mese’m lé a tɔ ɓaa, ndikumgajer nga goto ra si’t ɓá ta.

Jean 6:64

Nè njé ke nange dann si’t undei kêm de dèm’t lé. Njé ke undei kêm de dè Jésu’t lé nga, è ger de kété mari loo kunn gir kule’t le’n. E ke ayé kule’n ji dooge’t nga géa è ger’n mbak ɓá a tɔ.

Nje Ke Rome 16:18

Dooge ke titeke bè nga, ei ɓer kulege le Kuwe-ɓee le jéi Krist ke get lé, nè ei njé ra kulege ke ɔje dè tà kêm de ei kuwe. Tàge ke nel ke tà de’t á dé libe’n kum njétaakêm-Kristge ke kundekêm le de ɓisir lé ɓai, d’ite’n dè de’t.

Nje Ke Philippes 2:21

Dooge malang sangi nyange ke ɔje dè de ei kuwe m sangi nyange ke ɔje dè Jésu-Krist nga lé.

Nje Ke Philippes 3:19

Dooge nè nga loo tɔl tà’n ɓaa, d’a tuju. Nyankuse ke kem̂ de’t á d’oré kum de dè’t asenan se Nube le de bè a, nyan rasɔl á d’an ke riɓar le de a tɔ. Nyange le nang nè á dé gir dè’t se ndɔge malang.

1 Timothee 6:5

se naje tàge ke nal kunde ngang’n dann dooge ke tàgir le de ndum. Dooge ke tàgir le de majelé nga geri ngarankum tà lé ta. Dé nè nga dé gir titeke kundekem̂ dè Nube’t è rebe kinge nyan.