Jean 6:2 - Nouveau Testament en Gulay 2004

² Doobulege ngain ndolèi goo’n tede an-in nyankɔbege ke kété è ra se njératurge.

Jean 6:2 ပူးပေါင်းရင်းမြစ်များ

Matthieu 12:15

Loo ke Jésu ger titeke Pharisienge ɔri nan tà dènn’t le kuwe’n tɔl’n ɓaa, è inye loo nè ɔr ra’n aw rang. Kosdoo-bulege ngain ndolèi goo’n. E ɔr ratur ra de’t malang.

Matthieu 13:2

Kosdoo-bulege ngain njin nan rann’t njàng-njàng ade an bè ɓaa, al ndi kêm bato’t. Doobulege malang ndi nang rip-rip ngang ba-bò’t.

Matthieu 14:14

Jésu in kêm bato’t rise nang. Doobulege ngain kujei nan rann’t hakl. E an kumndoo le de a, è ɔr ratur ra njératurge’t le de a tɔ.

Matthieu 8:1

Loo ke Jésu in dè mbal’t rise nang ɓá ɓaa, kosdoo-bulege ngain ndolèi goo’n.

Marc 1:45

Nè loo ke dingem nè ɔte aw ɓaa, è unn gir kɔrgir nyan ke tee nè nga ase’n loo nák-nák. Gir’n ke nè á Jésu ase kum kaw ɓee-bò’t tàkum dooge’t ndái-ndái lé. E ndi ngang loo’t nata nè dooge in-in se loo-loo reei rann’t som-som.

Marc 6:33

Dooge ngain an-in de loo kaw’t a, geri loo ke d’a d’aw ke tutu a tɔ. Dooge in-in se kêm ɓee-ɓee malang awi se nja de teei loo ke Jésu se njékuwe-girnge à awi ke tutu nga kété.

Jean 11:47

Maw njékuje nyan-mesege se Pharisienge ɔsi nja njégangtàge nan’t deji de edi nè: – Ké ri á j’à rai ta wa? Doo nyan le doo ke dé ɓar’n Jésu nè nga ra nyankɔbege ngain.

Jean 12:18

Gir’n ke nè á doobulege in-in tilei kum Jésu tede ooi ser nyankɔbe ke ndɔ ke è ra nga.

Jean 12:37

Jésu ra nyankɔbege ngain ade Juipge an-in kuwe. Nè né è bè géa unni mbi de dè tà’t le’n.

Jean 2:11

E á è kunn gir nyankɔbe ke desêin ke Jésu ra kêm ɓee ke Cana, ɓeekon ke Galilée. Jésu tɔje tɔgmong le’n ke nata ade njékuwe-girnge umi kêm de dènn’t.

Jean 2:23

Loo ke Jésu ndi kêm ɓee-bò ke Jérusalem loo ra nan Paque ɓai nga, dooge bule undei kêm de dènn’t tede nyankɔbege ke è ra ade an-in.

Jean 20:30

Jésu ra nyankɔbege ke rang bule ngain tàkum njékuwe-girnge’t. Nyankɔbege nè nga, dé ndang tà’n kêm magtub’t nè malang lé.

Jean 3:2

Dingem nè nga ree inge Jésu ndɔɔ ede’n ede nè: – Ngar, jè ger titeke Nube ulei kade i ndó jè nyan. Tede ke nè á Nube è der gir doo lé ɓaa, è asekum ra nyankɔbege titeke i ra’n nga lé.

Jean 6:14

Loo ke dooge nè an-in nyankɔbe ke Jésu ra nga bè ɓaa, ei tami edi nè: – Doo nè nga è ngarankum njèribe-dè-tà ke tà Nube’t ke ndɔ ke ayé kule’n kade ree dè nang nè nga kuwe gar-gar á nda nè.

Jean 6:22

Doobulege nain-in gide ba’t nú. Loo ke loo ar ɓá ɓaa, doobulege ke nain-in gute de’t gide ba’t nú an-in titeke tagela ngonn bato kuwe karé luk-luk á njékuwe-gir-Jésuge ali kêmé se kar de bere awi. Jésu al kêmé se de lé.

Jean 6:26

Jésu ile de dè’t ede nè: – Kerɔte kuwe, man m’ede sei ndàt, sei sangi man tede nyankɔbege ke ndɔ ke an-in nga lé, nè tede mapa ke sei usei i ndanni.

Jean 6:30

Dé tel dé deje Jésu d’ede nè: – A i, ké nyankɔbe ri á a i ra le kade j’an, j’unde’n kêm jé dèi’t wa? Ké kule rai è ri wa?