Jean 6:14 - Nouveau Testament en Gulay 2004

¹⁴ Loo ke dooge nè an-in nyankɔbe ke Jésu ra nga bè ɓaa, ei tami edi nè: – Doo nè nga è ngarankum njèribe-dè-tà ke tà Nube’t ke ndɔ ke ayé kule’n kade ree dè nang nè nga kuwe gar-gar á nda nè.

Jean 6:14 ပူးပေါင်းရင်းမြစ်များ

Matthieu 11:3

– Ké è i nga kuwe á kété d’ede nè: gar-gar a i ree éké jè ndi jè ngine doo ke rang ɓai wa?

Matthieu 21:11

Njé ke nange dann doobulege’t nè tami edi nè: – E Jésu njèribe-dè-tà ke tà Nube’t ke ɓee ke Nazareth ɓeekon ke Galilée.

Tà ke Maje ke Luc ndang 24:19

Jésu tel deje de ede nè: – Ké nyan rige á teei wa? Dé tel d’ile’n dè’t d’ede nè: – E nyange ke ɔje dè Jésu ke Nazareth, ke è njèribe-dè-tà ke tà Nube’t. Nube se kosdooge malang geri titeke è ra nyange a, tam tàge se tɔgmong a tɔ.

Tà ke Maje ke Luc ndang 7:16

Dooge malang ke an-in nyan nè nga, ɓel unde de ndàt gang de ade ulei ndubra dè Nube’t edi nè: – Njèribe-dè-tà ke tà Nube’t karé ke bò unde loo tee dann jéi’t! E Nube kuwe á ree din-in kosdooge le’n!

Jean 1:21

Dé tel dé deje’n d’ede nè: – A ɓaa ké i nan ta wa? Ké i Elie wa? Jean ile de dè’t ede nè: – Man m’ee è lé. Dé tel dé deje’n d’ede’n nè: – A ɓaa ké i njèribe-dè-tà ke tà Nube’t wa? Jean ile de dè’t kuwe ɓai ede nè: – Ḿ-m̀, man m’ee è lé ɓai.

Jean 11:27

Marthe tel ile jésu dè’t ede nè: – Oiyo Kuwe-ɓee, m’um kêm dè’t titeke i i Krist Ngonn Nube ke ndɔ ke ule’n ade ree dè nang nè nga kuwe mbain.

Jean 2:11

E á è kunn gir nyankɔbe ke desêin ke Jésu ra kêm ɓee ke Cana, ɓeekon ke Galilée. Jésu tɔje tɔgmong le’n ke nata ade njékuwe-girnge umi kêm de dènn’t.

Jean 4:19

Dinye nè nga tel ede Jésu ede nè: – Dingem, m’an titeke i njèribe-dè-tà ke tà Nube’t.

Jean 4:25

Dinye nè nga tel ede Jésu ede nè: – M’ger titeke Messie ke dé ɓar’n Krist nga à ree. Loo ke à ree ɓaa, à ɔrgir nyange malang kade jè dooge ke Samarie.

Jean 4:42

Dooge ke reei ra Jésu’t nga edi dinye nè edi nè: – Jè j’um kêm jé dènn’t tede tà tami nga lé ta. Nè j’um jé dènn’t tede tà tam’n ke jè kuwe j’oo se mbi jé. Jè ger titeke è nga è njé kaje dooge dè nang nè kerɔte kuwe.

Jean 6:2

Doobulege ngain ndolèi goo’n tede an-in nyankɔbege ke kété è ra se njératurge.

Jean 6:26

Jésu ile de dè’t ede nè: – Kerɔte kuwe, man m’ede sei ndàt, sei sangi man tede nyankɔbege ke ndɔ ke an-in nga lé, nè tede mapa ke sei usei i ndanni.

Jean 6:30

Dé tel dé deje Jésu d’ede nè: – A i, ké nyankɔbe ri á a i ra le kade j’an, j’unde’n kêm jé dèi’t wa? Ké kule rai è ri wa?

Jean 7:40

Loo ke njé ke nange dann doobulege’t ooi tàge nè nga bè ɓaa, ei tami edi nè: – Loo naje’n goto, doo nè nga è njèribe-dè-tà ke tà Nube’t kuwe.

Nyanra Njekawkulege 7:37

E Moise nè nga kuwe á ndɔ ke ede kosdooge ke Israel ede nè: «Ndɔ ke rang Nube à ɔr njéribe-dè-tàge ke tànn’t ke tite’m man bè kade sei. Doo nè nga a è ngokon si ke dann si sei’t kuwe.»