Jean 5:5 - Nouveau Testament en Gulay 2004

⁵ Dingem karé ke ratur ra’n ɓal kɔr-mute-gidé-sɔsɔ è dann njératurge’t nè nga tɔ.

Jean 5:5 ပူးပေါင်းရင်းမြစ်များ

Marc 9:21

Jésu deje bɔ ngonn ke dingem nè nga ede nè: – Ké nyan nè nga ra ngonni ase ndɔ kandang ɗarinè ta wa? E tel ile jésu dè’t ede nè: – Nyan nè nga ra’n se ngonn’n mari.

Tà ke Maje ke Luc ndang 13:16

An! dinye nè nga è ngonnkà Abraham. Nè njèban ade ratur tɔ’n nang njanm-njanm ase ɓal dɔg-gidé-sɔsɔ ɗarinè. Gar-gar man tutu’n kinye’n dɔ. Ké tede k’ee ke è ndɔ taa kebe á kade m’aje’n lé wa?

Tà ke Maje ke Luc ndang 8:43

Dinye karé ke mese tal rann’t gavbak-gavbak ase lo dɔg-gidé-joo nda dann dooge’t nè tɔ. E tunde nyankingege le’n malang tin sakt-sakt kɔke ra njékugege’t. Nè doo karé bè ke njèkuge asekum kɔr ratur nè rann’t lé.

Jean 5:14

Ndɔ ke rang, Jesu inge dingem nè nga kêm kei le Nube. E ede’n ede nè: – An! ratur ɔr dèi’t ade rai tel mong maj-maj ɓá ta. I ra kaiya kumi ke kété-kété lé ta, nè bainléa nyan ke tur ngain dum dè ratur nè à rai ɓai.

Jean 5:4

tede doo ke danrán ke Nube ule’n ree ra mann nè nga dɔ-dɔ ade tal bungus-bungus. Njèratur ke inye ji’n dɔ oso danné kété loo ke dé ra’n mann d’ade unn gir tal bungus-bungus nga ɓaa, né ratur le’n è ratur ke bain-bain géa ra’n tel mong maj-maj karè.]

Jean 5:6

Jésu an’n tò nang pɔbel. E ger kété ɓá titeke ratur nè nga ra’n mari ngain. Jésu deje dingem ke njèratur nè nga ede nè: – Ké i ndige kade ratur ɔr dèi’t wa?

Jean 9:1

Loo ke Jésu à dere le kaw ɓaa, è an dingem karé bè ke d’oje’n ke njèkumtɔ.

Jean 9:21

Nè se go rebe ke ra an’n loo ɗarinè, jè jè ger lé. Doo ke njèkade kum’n teen ade an’n loo nga géa jè ger’n lé a tɔ. I dejii è kuwe adi ɔrgir nyan ke ɔje dè’n ade ooi tede è doo ke tɔge kang-kang ɓá ta.

Nyanra Njekawkulege 14:8

Dingem karé bè ndi kêm ɓee ke Lystre. Doo nè nga nja’n wei tonri ade ndi nang bɔp, m in dɔ njiye ndɔ karé bè lé. E mete ke in-in’n kêm konn’t.

Nyanra Njekawkulege 3:2

D’unn dingem karé ke d’oje’n ke njèdɔgemete d’unde’n tàbit kei’t le Nube ke dé ɓar’n «Tàbit kei ke maje ngain.» Dé ree se’n d’unde’n bè se ndɔge malang le kade kɔ nyan dooge ke à reei kêm kei’t le Nube.

Nyanra Njekawkulege 4:22

Njèdɔgemete ke Pierre se Jean rai nyankɔbe aji nin nga, ɓal’n dum dè ɓal kɔr-sɔ.

Nyanra Njekawkulege 9:33

E inge dingem karé ke ri’n nè Enée. Dingem nè nga kêl ra’n wei tonrin ade tò nang dè tire ratur’t lo sɔsɔ.