Jean 5:46 - Nouveau Testament en Gulay 2004

⁴⁶ Ke nè á ndɔ ke umi kêm si dè Moise’t ɓaa, né a umi kêm si dè’m man’t tɔ. Tede è ndang magtub kété ɔje’n dè’m.

Jean 5:46 ပူးပေါင်းရင်းမြစ်များ

Tà ke Maje ke Luc ndang 24:27

Go’t gugu, Jésu ɔr gir nyange malang ke dé ndang d’ɔje’n dè’n kêm Magtub’t le Nube. E unn gir dè magtubge’t le Moise sár tee’n dè le njéribe-dè-tàge ke tà Nube’t.

Jean 1:45

Philippe aw inge Nathanael ede’n ede nè: – Doo ke magtub gute-ndu le Moise se magtubge le njéribe-dè-tàge ke tà Nube’t tami tà ɔjii dè’n nga, j’inge’n ɓá ta. Doo nè nga è Jésu ke Nazareth ngonn le Joseph.

Jean 5:47

Nè ke nè á umi kêm si dè tàge ke è ndang kêm magtubge’t le’n nga lé ɓaa, ké a umi kêm si dè tàge’t le’m titeke bain wa?

Nyanra Njekawkulege 26:22

Nè Nube è der-gir’m sár tee ɓila á m’nda m’a m’ile’n mber m’ade ngann dooge a, se dooge ke tɔgi a tɔ. Nyan ke ndɔ ke njéribe-dè-tàge ke tà Nube’t se Moise tami edi nè à ree gar-gar á m’tam tà’n m m’tam tà ke gai lé.

Nje Ke Rome 10:4

Krist è njè tɔl tà gute-ndu le Moise tede kade nanan ke unde kêm’n dè Jésu-Krist ɓaa, Nube à ɔr tà dènn’t.

Nje Ke Galatie 2:19

Gute-ndu ile’m tà yo’t ade ɗarinè m’ee yo-doo gir gute-ndu’t tede le tel ndi kumgajer tede le Nube ta. Man nga dé tɔl’m kade kage-ke-dese’t se Krist nan’t se non’m.

Nje Ke Galatie 3:10

Njé ra nyange ke gute-ndu ɔje malang nga, ndu-mann uwe de tede dé ndang kem̂ Magtub’t d’ede nè: «Nanan ke ra nyange ke magtub gute-ndu ɔje nga ade ɔr njêt se ndɔge malang lé ɓaa, ndu-mann uwe dè’n ɓá ta.»

Nje Ke Galatie 3:13

Krist uge dè jé ɔr jè ji ndu-mann’t le gute-ndu. E tel ra’n ke doo ke ndu-mann uwe dè’n bè tede tà le jéi. Titeke ke bè á dé ndang’n kem̂ Magtub ke tò se ninn’n d’ede nè: «Nanan ke dé ɓer’n kàde kage’t ɓaa, ndu-mann uwe dè’n ɓá ta.»

Nje Ke Galatie 3:24

Gute-ndu nga tò asenan se ɓer ke njèkan dè jé a, njèkɔr non jé kaw se jé ra Krist’t ade Nube ɔr’n tà’n dè jé’t takul kundekem̂.