Jean 5:45 - Nouveau Testament en Gulay 2004

⁴⁵ An-in tá nè a i giri titeke è man á m’a m’ile tà dè si’t non Bɔm’t, nè è Moise ke sei undei kêm si tchên dènn’t nga á è njèkile tà dè si’t.

Jean 5:45 ပူးပေါင်းရင်းမြစ်များ

Tà ke Maje ke Luc ndang 16:29

Abraham tel edé ede nè: «Magtub gute-ndu ke Moise ndang se magtubge le njéribe-dè-tàge ke tà Nube’t tooi tutu. Gar-gar è tà le kade d’ile koje dè tàge’t le de.»

Jean 12:48

Nanan ke ute’m mbeng taa tàge le’m lé ɓaa, njègangtà dènn’t ndi tutu ɓá ta. Tà le’m ke m’tam nga kuwe à gangtà dènn’t ndɔ ke ngeinn’t.

Jean 7:19

Ké è Moise kuwe á ade sei magtub gute-ndu Nube nga lé wa? Nè doo karé dann si’t ra nyan ke gute-ndu ɔje nga se ndɔge-ndɔge lé. A ɓaa, ké bain á sei sangi le kade dé tɔl’m wa?

Jean 8:9

Loo ke dooge ooi tà nè bè ɓaa, in-in go nan’t mênênn-mênênn. Njé ke tɔgege kuwe ɔsi nang in-in kété ɓita njé ke rang uti go de ɓai. Jésu kuwe se kar’n bere á nain-in tà nan’t se dinye ke kété d’unde’n dann de’t nga.

Nje Ke Rome 2:12

Dooge malang ke rai majelé anje ger gute-ndu le Moise nga à tuji anje gute-ndu le Moise nga tɔ. Nè dooge malang ke rai majelé gir gute-ndu’t nga, d’ade gangtà dè de’t se go gute-ndu Moise nga tɔ.

Nje Ke Galatie 3:10

Njé ra nyange ke gute-ndu ɔje malang nga, ndu-mann uwe de tede dé ndang kem̂ Magtub’t d’ede nè: «Nanan ke ra nyange ke magtub gute-ndu ɔje nga ade ɔr njêt se ndɔge malang lé ɓaa, ndu-mann uwe dè’n ɓá ta.»