Jean 5:44 - Nouveau Testament en Gulay 2004

⁴⁴ Sei awi ndoo riɓar ke in ra nan’t dadann si sei’t kuwe. Nè riɓar ke in ra Nube’t kuwe karé nga, sei sangi nin lé. Ké sei asi kundei kêm si dèm’t titeke bain wa?

Jean 5:44 ပူးပေါင်းရင်းမြစ်များ

Matthieu 23:5

Nyan ra de malang è tede kunde’n ra de kum dooge’t karè. Gir’n ke nè á ei tɔri gute-nduge ke nange ei têti lanyange ke laa pe-pe tɔi kil ji de’t se nat-non de’t. Taɓai ei rai ji kubuge le de ade laai ber-ber a tɔ.

Tà ke Maje ke Luc ndang 19:17

E tel ile ngonn njèndi nè dè’t ede nè: «Oiyo, i ngonn njèndi ke kanm, i tɔse kumi dè nyan ke ndêin bè ke m’um jii’t. Gir’n ke nè á m’a m’undei ngar le ɓeege dɔg.»

Jean 12:43

Njékɔr non Juipge rai titeke bè tede undei riɓar ke in ra dooge’t tá ngain dum riɓar ke in ra Nube’t.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Jean 3:20

Nanan ke nyan rannge majelé se ndɔge malang ɓaa, è ɔr lookar nè nga njêt mbate ree tutu, nè bainléa lookar à kuje gir nyan rannge ke nata.

Jean 5:41

Man m’aw ndoo riɓar ke in ra dooge’t lé.

Jean 8:43

Sei unni mbi si dè nyange ke m’ndó sei, gir’n ke nè á sei asikum ger girtàge le’m lé.

Nje Ke Rome 2:10

Nè dooge malang ke rai nyange ke maje nga, Nube à ade de ndubra a, riɓar a, kêmlom a tɔ. Nube à ade nyange nè nga Juipge kété pa ɓita à ade njé ke ei Juipge lé ɓai.

Nje Ke Rome 2:29

Nè ngarankum Juip nga è Juip ke kêm doo’t kei a, ngarankum kuje tà mɔte nga è kuje tà mɔte ke dè ɓengre doo’t. Kuje tà mɔte ke dè ɓengre’t nga in ra Ndil Nube m in ra gute-ndu ke dé ndang’t nga lé. Juip ke get nè nga inge pite ra dooge’t lé nè ra Nube’t.

Nje Ke Rome 2:7

Njé ke sangi le rai nyan ke maje se ndɔ de-ndɔ de tede le kinge’n ndubra le Nube a, riɓar a, se ndikumgajer se non a tɔ nga, Nube à ade à ndii se’n sár se non.

1 Nje Ke Corinthe 4:5

Gir’n ke nè á maje kade i gangi tà dè doo’t se ndáng karè kété anje ndɔ tel ree’t le Kuwe-ɓee lé. I nginei sár adi Kuwe-ɓee kuwe tel ree pa ɓita. E è á à ade loo ar dè nyange ke tooi loo ɓoyɔn’t ɗarinè dann tilkus’t nga. Nyange ke dooge ɔji dè ɓengre de’t le rai se go ngein ɓai nga, Kuwe-ɓee à ribe dè ke nata tàkum kosge’t malang. Ndɔ’n nè nga, nanan géa Nube à pite’n ɔje dè nyan ra’n-ra’n.

2 Nje Ke Corinthe 10:18

Doo ke an ra’n è kuwe ke nyan nga, è ngarankum doo lé ɓai. Doo ke Kuwe-ɓee kuwe pite’n tá è ngarankum doo ɓai.

Nje Ke Philippes 2:3

I rai nyan karé bè géa se go jang éké tede riɓar ke raikarè nga lé. Nè an-in njé ke rang ke dooge ke bòi dumi sei se go kule dè kade nan le si.

1 Nje Ke Thessalonique 2:6

Jè sang riɓar ke in ra dooge’t lé a, ke in ra si sei’t éké ra njé ke rang’t nga ndan lé a tɔ.

1 Timothee 1:17

Ngar ke njèndi se non, ngar ke njè kwei lé, ngar ke doo asekum kan’n lé, Nube karé bere luk-luk nga, maje kade riɓar se ndubra ei le’n sár se non. Maje kade è titeke bè kuwe.

Hebreuge 3:12

Ngakonmge, undei kumkunju dè ra si’t le kade doo karé bè géa dann si’t ndi se kem̂ majelé éké kunn mbi dè tà’t tede kade ɓengre’n tel tur gide’n ade Nube ke njèndi kumgajer nga lé ta.

Jacques 2:1

Ngakonmge, sei undei kem̂ si dè Kuwe-ɓee’t le jéi Jésu-Krist ke d’ile riɓar dènn’t ɓá. Ɔri kum dooge lé, tede kɔr kum dooge nga uwe made nan se kundekem̂ dè Krist’t lé.

1 Pierre 1:7

Nyantosowurge nè nga nan-in kundekem̂ le si ke gate’n dum nar-ɔr ɓai nga le kan, ké kundekem̂ le si nga è kundekem̂ ke get kuwe wa? Nar-ɔr è nyan ke à tuju a, à goto ɓai a tɔ. Nè nè bè géa, d’ule poro dé nan’n d’an. Kundekem̂ le si nga géa d’ade nan’n le kan tɔ. Ke nè á è kundekem̂ ke get ɓaa, d’a pite’n sei a, a ingei ndubra se riɓar a tɔ, ndɔ kunde loo tee pan’t le Jésu-Krist.

Jude 1:25

Nube le jéi karé bere ke Njèkaje jèi takul Kuwe-ɓee le jéi Jésu-Krist nga, maje kade ndubra se riɓar, se tɔgmong konɓee ei le’n sár se non. Maje kade è titeke bè kuwe.