Jean 5:37 - Nouveau Testament en Gulay 2004

³⁷ Bɔ’m ke njèkule’m nga è kuwe ɔrgo tà ɔje’n dè’m. Sei ooi ndu’n nja karé éké sei an-in kum’n nja karé ndan lé ɓai.

Jean 5:37 ပူးပေါင်းရင်းမြစ်များ

Matthieu 17:5

Loo ke tà nain tà Pierre’t ɓai ɓaa, bum ke ndoin ree lirr utu dè de lêt. Ndu Nube ɓar dann bum’t nè nga, ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ. Ooi tà tànn’t.

Matthieu 3:17

An! ke loon’t nè kuwe, ndu doo ɓar danran ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ.

Marc 1:11

Ndu Nube ɓar danran nú ede nè: – I i Ngonn’m ke m’tári ngain, i nyan ranel le’m a tɔ.

Tà ke Maje ke Luc ndang 24:27

Go’t gugu, Jésu ɔr gir nyange malang ke dé ndang d’ɔje’n dè’n kêm Magtub’t le Nube. E unn gir dè magtubge’t le Moise sár tee’n dè le njéribe-dè-tàge ke tà Nube’t.

Tà ke Maje ke Luc ndang 3:22

Ndil-Kêmnda ree uwe dènn’t ade d’an tò asenan se der-nda bè. Ndu Nube ɓar danrán nú ede nè: – I nga i ngonn’m ke m’tári ngain. Ra’m nel’m dè kɔr ke m’ɔri’t nga ngain a tɔ.

Jean 1:18

Doo karé bè géa an Nube se kum’n ndan lé ɓai. Nè Ngonn kêm’n ke dagi á ɔr gir’n ke nata ade jè geri.

Jean 14:9

Jésu tel ile Philippe dè’t ede nè: – Philippe, man ke m’ndi se si nan’t mari bere nè kuwe i ger’m lé ɓai wa? Doo ke an’m ɓaa, an Bɔ’m tɔ. A ɓaa, ké bain taɓai á i tam se’m ede nè: «I tɔje jè Bɔi wa?»

Jean 15:24

Nyanrage ke doo ke rang ra nja karé lé nè nga, ke nè á ndɔ ke m’ra dann dooge’t lé ɓaa, né tà kaiya à ɔr dè de’t. Nè ɗarinè d’an nyanramge ɓá, nè né è bè géa, d’a d’ɔdenan kɔr jè njêt se Bɔ’m kuwe ɓai.

Jean 5:32

Nè doo karé ke rang ɔrgo tà le’m. M’ger titeke tà ke è ɔrgo ɔje’n dè’m nga, è ngarankum kɔrgo tà kuwe.

Jean 6:27

I rai kule tede nyankuse ke dè’n à ngei karè nga lé. Nè i rai kule tede nyankuse ke à tò sár-sár se non. Nyankuse ke à tò sár se non nga, è Ngonn doo á à ade sei, tede Ngonn doo nga nyankorji le Nube Bɔ dooge tò rann’t.

Jean 8:18

Man m’ɔrgo tà m’ɔje’n dè’m man kuwe: Bɔ’m ke njèkule’m nga géa ɔrgo tà le’m tɔ.

1 Timothee 1:17

Ngar ke njèndi se non, ngar ke njè kwei lé, ngar ke doo asekum kan’n lé, Nube karé bere luk-luk nga, maje kade riɓar se ndubra ei le’n sár se non. Maje kade è titeke bè kuwe.

1 Timothee 6:16

Nube kuwe se kar’n bere luk-luk á è njè kwei ndan lé. E ndi dann lookar’t ke doo karé bè géa ase gang kɔté lé. Doo ndul karé bè ke ndɔ ke an Nube goto. Doo ndul karé bè ke ɓila asekum kan Nube géa goto a tɔ. Maje kade riɓar ke à tò sár se non è le’n è kuwe. Maje kade è titeke bè kuwe.

1 Jean 4:12

Doo karé bè géa an Nube se kum’n ndan lé ɓai. Nè ke nè á jè tári nan ɓaa, Nube um jèi nan’t bɔk a, tár ke è tár jéi nga maje ɔr njêt.

1 Jean 4:20

Ke nè á doo karé tam ede nè n’tár Nube, nè è ɔr ngokon’n njêt ɓaa, doo nè nga è njè lanm karè. Doo nè nga è njè lanm tede doo ke mbate tár ngokon’n ke an’n se kum’n nga ɓaa asekum tár Nube ke è an’n se kum’n lé nga ndan lé.

1 Jean 5:9

Tà ke dooge d’ɔrgo d’ade jèi nga, jè taai. Nè tà ke Nube ɔrgo nga dum dè le dooge ke ɔri go adi jèi nè nga ɓai. Nube ɔrgo tà ɔje’n dè Ngonn’n.