Jean 5:36 - Nouveau Testament en Gulay 2004

³⁶ Nè man m’aw se njèkɔrgo tà ke bòi dum Jean. Tede kule ke Bɔ’m ade m’ra m’ɔr son’n nga ɔrgo tà le’m titeke Bɔ’m kuwe ule’m.

Jean 5:36 ပူးပေါင်းရင်းမြစ်များ

Matthieu 11:4

Jésu tel ile de dè’t ede nè: – Nyan ke sei ooi tà’n se mbi si a, an-in se kum si a tɔ nga, awi edi tà’n Jean edi nè:

Tà ke Maje ke Luc ndang 2:49

Jésu tel ile de dè’t ede nè: – Ké i sangi man tede ri wa? Gar-gar è tà le’m le ndi kêm kei le bɔ’m Nube. Ké sei geri bè lé wa?

Jean 10:25

Jésu ile de dè’t ede nè: – Tà nè nga m’ede sei kété ɓá, nè unni mbi si dè’t. Nyankɔbege ke Bɔ’m ade’m m’ra se ri’n nga, ɔri go tàge le’m titeke m’ee Krist nga kuwe.

Jean 11:37

Njé ke nange ke dann de’t tami edi nè: – N’ee ke ndɔ ke n’ade njèkumtɔ an loo nga, ké bain á n’ase kɔge yo tɔl Lazare nga lé wa?

Jean 15:24

Nyanrage ke doo ke rang ra nja karé lé nè nga, ke nè á ndɔ ke m’ra dann dooge’t lé ɓaa, né tà kaiya à ɔr dè de’t. Nè ɗarinè d’an nyanramge ɓá, nè né è bè géa, d’a d’ɔdenan kɔr jè njêt se Bɔ’m kuwe ɓai.

Jean 17:4

Man m’ile riɓar dèi’t dè nang nè ɓá ta. Kule ke i ade’m kade m’ra nga m’ɔr son’n njêt ɓá ta.

Jean 2:23

Loo ke Jésu ndi kêm ɓee-bò ke Jérusalem loo ra nan Paque ɓai nga, dooge bule undei kêm de dènn’t tede nyankɔbege ke è ra ade an-in.

Jean 3:17

Kerɔte kuwe, Nube ule Ngonn’n dè nang nè le kade gangtà dè dooge’t lé ɓai, nè le kade dooge ke dè nang nè ingei kaje takul’n è.

Jean 3:2

Dingem nè nga ree inge Jésu ndɔɔ ede’n ede nè: – Ngar, jè ger titeke Nube ulei kade i ndó jè nyan. Tede ke nè á Nube è der gir doo lé ɓaa, è asekum ra nyankɔbege titeke i ra’n nga lé.

Jean 4:34

Jésu tel ile de dè’t ede nè: – Ra nyan ke kêm njèkule’m ndige a, kɔr son kule le’n ke um jim’t a tɔ á è mur le’m man.

Jean 5:32

Nè doo karé ke rang ɔrgo tà le’m. M’ger titeke tà ke è ɔrgo ɔje’n dè’m nga, è ngarankum kɔrgo tà kuwe.

Nyanra Njekawkulege 2:22

– Sei dooge ke Israel, i neli mbi si maje ooi tà ke m’a m’ede sei: Jésu ke Nazareth nga sei geri nin ɓá. E doo ke ndɔ ke Nube kuwe ule ji’n njung dènn’t ɔr’n unde’n se ninn’n gai. Nube ade ra nyankɔbege se nyange ke dum kum a, se nyan-tɔjege dann si’t ade i geri ɓá a tɔ.

1 Jean 5:9

Tà ke dooge d’ɔrgo d’ade jèi nga, jè taai. Nè tà ke Nube ɔrgo nga dum dè le dooge ke ɔri go adi jèi nè nga ɓai. Nube ɔrgo tà ɔje’n dè Ngonn’n.