Jean 5:34 - Nouveau Testament en Gulay 2004

³⁴ Man ɓaa, m’aw ndoo kade doo tá ɔrgo tà le’m lé. Nè man m’ede sei tà nyan nè nga le kade d’aje’n sei.

Jean 5:34 ပူးပေါင်းရင်းမြစ်များ

Tà ke Maje ke Luc ndang 13:34

Sei dooge ke i ndii kêm ɓee-bò ke Jérusalem, sei njé tile njéribe-dè-tàge ke Nube ule de ra si’t se kuberi her tɔl de. Dɔ-dɔ m’ndige le kɔse nja si nan’t titeke kon kunje kebe’n ngannenge gir bagenn’t bè. Nè sei ndigi kinyei man kade m’ra titeke bè lé.

Tà ke Maje ke Luc ndang 19:10

Man ke m’ee Ngonn doo nga, m’ree le sang njé ke ndemi osoi kɔke le tel se de ke ra Nube’t.

Tà ke Maje ke Luc ndang 24:47

Tà ke ɔje dè tur hal se tà ke ɔje dè kêm tin mbit dè kaiyage’t nga, gar-gar d’a d’ile’n mber se ri’m kade girkoje dooge gai-gai. Tà nè nga d’a d’unn gir kile’n mber kêm ɓee ke Jérusalem kété ɓita d’a kaw’n ke nata ɓai.

Jean 20:31

Nè tà nyankɔbege ke dé ndang tà’n kêm Magtub’t nè nga, è tede le kade awi kum si ke kété dè kunde kêm si dè Krist’t titeke è Ngonn Nube nga kuwe. Ke nè á undei kêm si dènn’t ɓaa, a ingei ndikumgajer se non takul ri’n è.

Jean 5:32

Nè doo karé ke rang ɔrgo tà le’m. M’ger titeke tà ke è ɔrgo ɔje’n dè’m nga, è ngarankum kɔrgo tà kuwe.

Jean 5:41

Man m’aw ndoo riɓar ke in ra dooge’t lé.

Jean 8:54

Jésu ile de dè’t ede nè: – Ke nè á man kuwe m’ndi sang riɓar se dè ra’m ɓaa, riɓar le’m è nyan ke raikarè. Bɔ’m ke sei tami edi nè: «E Nube le si» nga á è njèkule ndubra dèm’t.

Nje Ke Rome 10:1

Ngakonmge, nyan ke m’ndinge dè ɓengrem’t nga, è le kade Juipge malang aji. M’deje Nube kade aje de ade’m.

Nje Ke Rome 10:21

Nè Nube tam tà ɔje’n dè kosdooge ke ɓeekon ke Israel ede nè: «Se ndɔge malang, m’ule ji’m njung ke ra kosdooge ke njé dum nange se njé kute tà mbeng-ge se ndɔgé sár loo sɔlé.»

Nje Ke Rome 12:21

Ade majelé unn banga dèi’t lé. Nè unn banga dènn’t se go nyanra ke maje.

Nje Ke Rome 3:3

Ké j’à tam kede nè ri wa? Juipge ke nange unni mbi de dè tàge’t le Nube kuwe, nè ké kunn mbi dè tà’t le de à kɔge’n ra nyan ke unn’n ndu’n le ra nga wa? Ḿ-m̀, è bè lé.

1 Nje Ke Corinthe 9:22

Ke nè á m’ee se njè ke kundekêm le de ɓeɓer lé ɓaa, m’tel ra’m ke doo ke kundekêm le’n ɓeɓer lé. M’ra titeke bè tede le kinge’n njé ke kundekêm le de ɓeɓer lé kade Krist. M’tel ra’m ke gàr dooge malang dè nyange’t malang tede le kaje’n njé ke nange kade Krist.

1 Timothee 4:16

An go rai sêw-sêw a, unde kumkunju dè rai’t ɔje dè nyan ke i ndi a i ndó dooge. Ke nè á i nda njáng dè nyange’t nè ɓaa, i kuwe a aje’n rai a, a aje’n njé ke i ndi a i ndó de nyan nga a tɔ.

1 Jean 5:9

Tà ke dooge d’ɔrgo d’ade jèi nga, jè taai. Nè tà ke Nube ɔrgo nga dum dè le dooge ke ɔri go adi jèi nè nga ɓai. Nube ɔrgo tà ɔje’n dè Ngonn’n.