Jean 5:26 - Nouveau Testament en Gulay 2004

²⁶ Titeke Bɔ Ngonn è ngire ndikumgajer nga, Ngonn’n géa è ngire ndikumgajer tite Bɔ’n bè tɔ.

Jean 5:26 ပူးပေါင်းရင်းမြစ်များ

Jean 1:4

Takul’n è á nyange malang ndii kumgajer. Ndikumgajer nè nga è lookar le dooge.

Jean 10:18

Doo karé ke asekum tɔl’m se dè ra’n goto, nè man kuwe m’inye ra’m m’ade yo. M’aw se tɔgmong le kinye ra’m kade yo a, m’aw se tɔgmong le tel ndi kumgajer gugu a tɔ. E ke nè á è nyan ke Bɔ’m unn’n ndu’n ade’m le kade’m m’ra.

Jean 11:25

Jésu tel ede Marthe ede nè: – Man nga m’ee njèkade dooge undei loo teei dann njé ke koo’t. Man nga, m’ee njèkade dooge ndii kumgajer a tɔ. Nanan ke unde kêm’n dèm’t, ke nè á wei géa à tel ndi kumgajer ɓai.

Jean 11:26

Nanan ke unde kêm’n dèm’t loo ke è ndii’n kumgajer ɓai nga à wei ndan lé. Ké um kêmi dè tà’t nè nga kuwe wa?

Jean 14:19

Mbɔr ɓaa dooge ke dè nang nè à teli kan-in man gugu ndan lé ta. Nè sei ɓaa, a an-in man tede m’ndi kumgajer, sei géa a i ndii kumgajer a tɔ.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 4:10

Jésu tel ile dinye nè nga dè’t ede nè: – Ke nè á i ger noje ke Nube uwe sei karè nè nga a, i ger doo ke deji ede nè: Ade’m mann m’an-in a tɔ nga ɓaa, né i kuwe a in kété le deje’n mann kain, ayé kadi mann ke an-in kutch-kutch kade an-in i ndii’n kumgajer.

Jean 6:57

Bɔ’m ke njèkule’m nga ndi kumgajer. Man m’ndi kumgajer takul’n è. Doo ke use danran’m ɓaa à ndi kumgajer titeke bè tɔ takul’m man.

Jean 8:51

Kerɔte kuwe, man m’ede sei ndàt, ke nè á doo karé an dè tà le’m sêw-sêw ɓaa, à wei ndan lé.

Nyanra Njekawkulege 17:25

Nube aw ndoo kade ji dooge tá ra nyan ade’n lé, tede nyan karé géa nal’n lé. Nè è ade dooge bere mbak ndikumgajer a, kebe ke taai a, se gute nyange malang ke awi ndoo’n a tɔ.

1 Nje Ke Corinthe 15:45

Titeke dé ndang’n kêm Magtub’t d’ede nè: «Adam, doo ke desêin nga, d’ade’n ndikumgajer.» Nè Adam, doo ke ngeinn’t, è Ndil ke njè kade dooge ndii kumgajer.

1 Timothee 1:17

Ngar ke njèndi se non, ngar ke njè kwei lé, ngar ke doo asekum kan’n lé, Nube karé bere luk-luk nga, maje kade riɓar se ndubra ei le’n sár se non. Maje kade è titeke bè kuwe.

1 Timothee 6:16

Nube kuwe se kar’n bere luk-luk á è njè kwei ndan lé. E ndi dann lookar’t ke doo karé bè géa ase gang kɔté lé. Doo ndul karé bè ke ndɔ ke an Nube goto. Doo ndul karé bè ke ɓila asekum kan Nube géa goto a tɔ. Maje kade riɓar ke à tò sár se non è le’n è kuwe. Maje kade è titeke bè kuwe.

Hebreuge 1:2

Nè kem̂ ndɔge ke ngeinn’t ɗarinè ɓaa, Nube ade Ngonn kem̂’n kuwe ree ede jèi tàge le’n ade j’ooi. Nube ɔr’n unde’n ke njè kɔi nyan-ndubege malang. E unde nyange se dooge malang takul Ngonn’n nè nga.

Lookilera’n 21:6

Taɓai, è tel ede’m ede nè: «Girtà gang ɓá ta. Man nga, m’ee ke desêin a, m’ee ke ngeinn’t a tɔ. Man nga m’ee loo kunde gir nyan a, loo tɔl ngang nyan a tɔ. Doo ke kunde on’n ɓaa, m’a m’ade’n ngur mann ndikumgajer kade an-in karè m à ndogo lé.

Lookilera’n 22:1

Doo ke danrán tɔje’m ba karé ke an-in mann’n ɓaa, a i ndi kumgajer; mann ba nè nga unju njai-njai tite nyan karé ke dé ɓar’n Cristal bè. Ba nè nga in gir kutu-ngar’t le Nube se le Ngonn bate.

Lookilera’n 22:17

Ndil Nube se dinye ke njè ngaw kige nga tami edi nè: «I ree.» Doo ke oo tà nè ɓaa, maje kade tam ede nè: «I ree.» Doo ke kunde mann on’n ɓaa, maje kade ree taa mann an-in. Doo ke ndige taa mann kan-in ndii’n kumgajer ɓaa, à inge karé m à ndogo lé.

Lookilera’n 7:17

Kerɔte kuwe, Ngonn bate ke nda dann kutu-ngar’t danné bɔp nga à è njèkul de a, à ɔr non de kaw se de tà ngur mann ndikumgajer’t. Nube à tise mann non kum de’t ndát-ndát a tɔ.»