Jean 5:25 - Nouveau Testament en Gulay 2004

²⁵ Kerɔte kuwe, man m’ede sei ndàt, kàde kade njé ke koo ooi ndu Ngonn Nube nga ree ɗarinè ɓá ta. Njé ke à ooi ndu Ngonn Nube nga à ndii kumgajer.

Jean 5:25 ပူးပေါင်းရင်းမြစ်များ

Tà ke Maje ke Luc ndang 15:24

An-in! ngonn’m ke nda nè nga, man m’an’n ke doo ke wei ɓá nè tel tɔse ndel. Ma m’an’n ke doo ke ndem oso kɔke nè m’tel m’inge’n ɓai.» Ke loon’t nè kuwe d’unn gir kal ra de.

Tà ke Maje ke Luc ndang 15:32

Gar-gar è tà le jé le kade j’ade dé ra mur tête tà ɓee kade j’ali ra jéi. Tede ngokoin ke nda nè nga man m’an’n ke doo ke wei ɓá, nè è tel tɔse ndel; man m’an’n ke doo ke ndem oso kɔke nè m’tel m’inge’n.»

Tà ke Maje ke Luc ndang 9:60

Jésu tel ile doo nè nga dè’t ede nè: – Dubu ninn dooge nga, è kule ke ɔje dèi lé ta. Nè i ɓaa, aw ile mber Konɓee le Nube ade dooge ke rang.

Jean 13:1

Kété ɓita kade ndɔ ra nan Paque ase ɓai nga, Jésu ger titeke kàde ndɔte ɓee dè nang nè tel ke ra Bɔn’t nga ase ɓá. Njé ke le’n ke kinge’n ke ayé ndii dè nang nè ɓai nga, è tár de ngain. E tár de ade al dè loo’n.

Jean 17:1

Loo ke Jésu ede njékuwe-girnge tàge nè gir gang ɓá ɓaa, è unn kum’n ke danrán ede nè: – Bɔ’m, kàde’n ree ɓá ta. Ile riɓar dè ngonni’t, tede kade ngonni géa ile riɓar dèi’t tɔ.

Jean 4:21

Jésu tel ile dinye nè dè’t ede nè: – Dinye, um kêmi dè tà’t le’m, kàde’n ree kade awi dè mbal’t nè éké Jérusalem tá a kɔji tà se Nube tutu lé.

Jean 4:23

Kàde kade Nube ule se Ndil ree ɗarinè ɓá. Ngarankum njé ɗɔi Nubege à ɗɔyi Bɔ’m Nube takul tɔgmong le Ndil-Kêmnda ta titeke Ngonn’n tɔje’n de rebe’n ke get. Njé ke ɗɔyi Bɔ’m Nube titeke bè á è sang de.

Jean 5:21

Titeke Bɔ Ngonn ade njé ke koo undei loo teei teli ndii kumgajer nga, Ngonn géa ade nanan ndikumgajer titeke kêm’n ndige tɔ.

Jean 5:28

Adi tà ige sei sêl dè tà’t nè nga lé, tede kàde kade dooge ke tooi ɓada à ooi ndu Ngonn doo nga ree ɓá ta.

Jean 6:60

Loo ke d’oo tàge le Jésu nè nga bè ɓaa, njékuwe-girnge bule tami edi nè: – Tà nè nga ngang ngain. Ké nan asekum ndi kur mbi’n koo’n ɓai-ɓai wa?

Jean 8:43

Sei unni mbi si dè nyange ke m’ndó sei, gir’n ke nè á sei asikum ger girtàge le’m lé.

Jean 8:47

Nanan ke è le Nube ɓaa à ur mbi’n le koo’n tàge le Nube. Nè sei uri mbi si ooi tàge le Nube lé, tede sei sei lennge lé.

Jean 9:27

E tel ile de dè’t ede nè: – Kété kuwe m’ede sei tà nè nga ɓá, nè sei unni mbi si dè’t. Ké bain taɓai i ndigi kooi ɓai wa? Ké sei géa awi ndoo teli k’ei njékuwe-girnge tɔ wa?

Nje Ke Rome 6:4

Kule ke d’ule jèi manné njonm nga, è titeke dé dubu jèi se’n nan’t tɔ. Titeke ndɔ ke Bɔ’n ade unde’n loo tee’n dann njé ke koo’t se go tɔgmong le’n ke dum dè loo nga, jèi géa j’à j’undei loo teei le teli ndii kumgajer bè tɔ.

Nje Ke Ephese 2:1

Sei nga, kété weii yo nyanrage ke se go rebe’n lé a, weii yo kaiyage le si a tɔ.

Nje Ke Ephese 2:5

Jèi nga, kété j’weii yo nyanrage ke se go rebe’n lé le jéi, nè è ade jè teli jè ndii kumgajer se Krist nan’t. Takul kem̂noje á sei ajii.

Nje Ke Ephese 5:14

Nyan malang ke loo unju dè’t nga tel è lookar tɔ. Gir’n ke nè á dé tam’n d’ede nè: «I ke i tò ɓi nga, i teen kumi, unde loo i tee dann njé ke koo’t ɓaa, Krist à ndoin non-in’t.»

Nje Ke Colosses 2:13

Kété sei weii yo nyanra sige ke go’t lé a, se yo tà mɔte si ke ujei lé nga a tɔ. Nè ɗarinè, Nube ade i teli i ndii kumgajer se Krist. Nube ade kem̂’n tin mbit dè nyanrage malang ke go’t lé le jéi.

Lookilera’n 3:1

«I ndang magtub nè ade doo ke danrán ke njèkan dè njékebe nange ke kem̂ ɓee-bò ke Sardes. E ke ndilge ke ji sejimute le Nube se kɔnyonge ke ji sejimute tooi jinn’t nga, tam ede nè: M’ger pa njiyei mbak. Ri ndikumgajer kuwe ɓar dèi’t karè, nè ke get ɓaa, i tò asenan se doo ke wei ɓá. E tam ede nè: