Jean 5:22 - Nouveau Testament en Gulay 2004

²² Taɓai Bɔ Ngonn gangtà dè doo karé’t bè lé, nè è tel se gangtà malang um ji Ngonnenn’t.

Jean 5:22 ပူးပေါင်းရင်းမြစ်များ

Matthieu 11:27

Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje.

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 28:18

Jésu aw ngɔr ke ra de’t ede de tàge titeke bè ede nè: – Man nga, d’ade’m tɔgmong dè nyange malang ke danrán se ke dè nang nè.

Jean 17:2

I ade ngonni tɔgmong dè dooge malang ke dè nang nè. Dooge malang ke i ade de se’n nga, è ade de ndikumgajer se non.

Jean 3:35

Bɔ Ngonn tár ngonn’n ngain. E tel se nyange malang um jinn’t.

Jean 5:27

Bɔ Ngonn ade’n tɔgmong le gang’n tà tede k’ee ke è Ngonn doo nga.

Jean 9:39

Jésu unn tà tam ede nè: – Man nga m’ree dè nang nè le kɔr ninn dooge gai-gai: Njé ke kété an-in loo à teli njé kum libege a, le kade njé ke kété ei njé kum libege teli an-in loo a tɔ.

Nyanra Njekawkulege 10:42

E Jésu nè nga kuwe á unn ndu’n ade jè le kade j’ile mber j’ade kosdooge. Taɓai è unn ndu’n le kade j’ede kosdooge ndàt titeke è nè nga kuwe á Nube ɔr’n unde’n ke njègangtà le dooge ke ndii kumgajer se njé ke wei ɓá a tɔ.

Nyanra Njekawkulege 17:31

E ɔje ndɔ karé ke le gang’n tà se dè naje’n dè dooge malang ke ndii dè nang nè. Nube ɔr doo karé unde’n ke njègangtà ɓá. Doo nè nga, Nube ade unde loo tee dann njé ke koo’t tede kade dooge malang undei kêm de dènn’t.

Nje Ke Rome 2:16

Nyange malang à tooi nata ndái-ndái kêm ndɔ ke Nube à ade Jésu-Krist à gang’n tà dè nyange ke majelé ke dooge rai se go ngein. Tà ke Maje ke m’ile mber’n nga tam bè kuwe.

2 Nje Ke Corinthe 5:10

Kerɔte kuwe, ndɔn’t jèi karé-karé malang j’à ndai loo gangtà’t le Krist tede kade nanan géa à inge kann nyan ra maje éké majelé ke è ra loo ke kété ndi’n se dè’n dɔ ɓai nga.

2 Timothee 4:1

M’ndeji non Nube’t se non Jésu-Krist ke à tel ree le gangtà dè njé ke ndii kumgajer se njé ke weii. Kerɔte kuwe, Krist à unde loo tee pan le kon ɓee. Gir’n ke nè á m’ndeji se tà nè:

1 Pierre 4:5

Nè d’a d’ɔr gir nyanra de le kade Nube ke ndi dè njann’t tchên le gangtà dè njé ke ndii kumgajer se njé ke weii.