Jean 5:21 - Nouveau Testament en Gulay 2004

²¹ Titeke Bɔ Ngonn ade njé ke koo undei loo teei teli ndii kumgajer nga, Ngonn géa ade nanan ndikumgajer titeke kêm’n ndige tɔ.

Jean 5:21 ပူးပေါင်းရင်းမြစ်များ

Jean 11:25

Jésu tel ede Marthe ede nè: – Man nga m’ee njèkade dooge undei loo teei dann njé ke koo’t. Man nga, m’ee njèkade dooge ndii kumgajer a tɔ. Nanan ke unde kêm’n dèm’t, ke nè á wei géa à tel ndi kumgajer ɓai.

Jean 17:2

I ade ngonni tɔgmong dè dooge malang ke dè nang nè. Dooge malang ke i ade de se’n nga, è ade de ndikumgajer se non.

Jean 6:63

Ndil á ade doo ndi kumgajer. Doo se dè ra’n ase ra nyan karé lé. Tàge ke man m’ede sei nga in ra Ndil’t. E tàge nè á à ade a i ndii kumgajer.

Nyanra Njekawkulege 26:8

Kunde ke Nube à ade dooge à undei loo teei dann njé ke koo’t nga, ké è tede ri á sei Juipge umi kêm si dè’t lé sár wa?

Nje Ke Rome 8:11

Nube ade Jésu unde loo tee dann njé ke koo’t. Ke nè á Ndil Nube ndi kêm si’t ɓaa, Nube ke ndɔ ke ade Jésu unde loo tee dann njé ke koo’t nga à ade danra si ke njè kwei à tel ndi kumgajer. E Nube ke njè kade Jésu unde loo tee dann njé ke koo’t nga á à ade a i teli ndii kumgajer tɔ, takul Ndil’n ke ndi kêm si’t nga.

1 Nje Ke Corinthe 15:45

Titeke dé ndang’n kêm Magtub’t d’ede nè: «Adam, doo ke desêin nga, d’ade’n ndikumgajer.» Nè Adam, doo ke ngeinn’t, è Ndil ke njè kade dooge ndii kumgajer.