Jean 5:19 - Nouveau Testament en Gulay 2004

¹⁹ Jesu tel unn tà tam ede de ede nè: – Kerɔte kuwe, man m’ede sei ndàt, Ngonn asekum ra nyan karé bè se dè ra’n lé, nè nyan ke è an ra Bɔn’t á è ra. Tede nyan malang ke Bɔ ngonn ra nga, ngonn’n géa à ra titeke bè tɔ.

Jean 5:19 ပူးပေါင်းရင်းမြစ်များ

Matthieu 26:39

Jésu aw mbɔr ke kété ɓaa, oso labe tà kêm’n nang ɔje tà se Nube ede nè: – Bɔ’m, i asekum kute nyantosowur nè nga dèm’t mbeng ke rang kuwe. Né è bè géa, i ra nyan ke kêm’m man á ndige lé, nè i ra nyan ke kêmi ndige.

Tà ke Maje ke Luc ndang 21:15

Tede tà kumkunju ke m’a m’ule tà si’t nga, doo karé bè géa dann njébange’t le si asekum naje sei tà’t éké kile sei dè tà’t ndan lé.

Jean 10:18

Doo karé ke asekum tɔl’m se dè ra’n goto, nè man kuwe m’inye ra’m m’ade yo. M’aw se tɔgmong le kinye ra’m kade yo a, m’aw se tɔgmong le tel ndi kumgajer gugu a tɔ. E ke nè á è nyan ke Bɔ’m unn’n ndu’n ade’m le kade’m m’ra.

Jean 12:49

E man kuwe á m’in se dè ra’m m’tam tàge nè nga lé, nè Bɔ’m ke njèkule’m kuwe á unn ndu’n ade’m ɔje dè tàge ke kum tam se kile mber’n a tɔ.

Jean 12:50

Man m’ger titeke ndukunn le’n nga, è ndikumgajer se non. Tà ke m’ndi m’tam nga, è gute-ndu Bɔ’m kuwe á m’tam.

Jean 14:10

Ké i unde kêmi dè’t titeke man se Bɔ’m jè karé bere lé wa? Ké i ger titeke m’um se’n nan’t bɔk a, è géa um se’m nan’t bɔk a tɔ lé wa? Tàge ke m’ede sei nga, è man kuwe á m’in se dè ra’m m’ede sei lé, nè è Bɔ’m ke um se’m nan’t bɔk kuwe á ra kulege le’n.

Jean 2:19

Jésu tel ile de dè’t ede nè: – I tuji gile kei ke tò se ninn’n le Nube nga kɔke ɓaa, m’a m’tel ra’n gugu kêm ndɔ mute karè.

Jean 3:3

Jesu tel ile Nicodème dè’t ede nè: – Kerɔte kuwe, man m’edi ndàt, ke nè á dé tel d’oje doo gugu kige lé ɓaa, è asekum kan Konɓee le Nube se kum’n lé.

Jean 5:21

Titeke Bɔ Ngonn ade njé ke koo undei loo teei teli ndii kumgajer nga, Ngonn géa ade nanan ndikumgajer titeke kêm’n ndige tɔ.

Jean 6:38

Tede man nga m’in danrán m’ree le ra nyan ke kêm’m man á ndige lé, nè m’ree le ra nyan ke kêm njèkule’m á ndige.

Jean 8:28

Jésu tel ede de ede nè: – Loo ke ndɔn’t a i ɓeri Ngonn doo dɔ kàde kage-ke-dese’t pa ɓita a i geri titeke man nga m’ee Krist. Kêm ndɔn’t nè tá a i geri titeke man kuwe m’in se dè’m m’ra nyan karé lé, nè nyange ke Bɔ’m ndó’m á m’tam tà’n m’ede sei.

Jean 9:4

Loo ke kàde nain ɓai nè kuwe, gar-gar ade jè rai kule le njèkule’m. Loo ke ndɔ à il ɓaa, doo karé bè asekum ra kule lé ta.

Nyanra Njekawkulege 2:24

Nè Nube ɔr Jésu ke Nazareth dann nyankêmkonge’t le yo ade unde loo tee dann njé ke koo’t. Titeke bè á yo asekum kuwe’n nang gan-gan se go tɔgmong le’n lé.

Nje Ke Rome 6:4

Kule ke d’ule jèi manné njonm nga, è titeke dé dubu jèi se’n nan’t tɔ. Titeke ndɔ ke Bɔ’n ade unde’n loo tee’n dann njé ke koo’t se go tɔgmong le’n ke dum dè loo nga, jèi géa j’à j’undei loo teei le teli ndii kumgajer bè tɔ.

Nje Ke Rome 8:11

Nube ade Jésu unde loo tee dann njé ke koo’t. Ke nè á Ndil Nube ndi kêm si’t ɓaa, Nube ke ndɔ ke ade Jésu unde loo tee dann njé ke koo’t nga à ade danra si ke njè kwei à tel ndi kumgajer. E Nube ke njè kade Jésu unde loo tee dann njé ke koo’t nga á à ade a i teli ndii kumgajer tɔ, takul Ndil’n ke ndi kêm si’t nga.

1 Nje Ke Corinthe 15:12

J’ile mber j’ede nè: Krist unde loo tee dann njé ke koo’t ɓá. A ɓaa, ké bain á njé ke nange dann si’t tami edi nè: «Dooge à undei loo teei dann njé ke koo’t ndan lé» wa?

2 Nje Ke Corinthe 4:14

Oiyo, jè ger titeke Nube ade Kuwe-ɓee Jésu unde loo tee dann njé ke koo’t. Jè géa, ndɔ ke rang à ade j’à j’unde loo le tee dann njé ke koo’t se Jésu nan’t. E kuwe à ade jè se si j’à j’ali garang ndai nonn’t.

2 Nje Ke Corinthe 5:10

Kerɔte kuwe, ndɔn’t jèi karé-karé malang j’à ndai loo gangtà’t le Krist tede kade nanan géa à inge kann nyan ra maje éké majelé ke è ra loo ke kété ndi’n se dè’n dɔ ɓai nga.

Nje Ke Ephese 2:5

Jèi nga, kété j’weii yo nyanrage ke se go rebe’n lé le jéi, nè è ade jè teli jè ndii kumgajer se Krist nan’t. Takul kem̂noje á sei ajii.

Nje Ke Ephese 3:16

M’deje Nube se go nyanbaw le’n ke dum dè loo le kade ule dingem kem̂ si’t kei takul tɔgmong le Ndil’n.

Nje Ke Philippes 3:21

Ra jéi ke dang’t ra’n ade uwe ndoo mɔngong nga, Jésu-Krist à tel’n le kade tò tanan se le’n ke ndoin kein-kein. E aw se tɔgmong le dum’n dè nyange malang, ule’n de wɔr-wɔr.

Nje Ke Philippes 4:13

M’asekum ra nyange nè malang takul Krist tede è ade’m tɔge’m.

Nje Ke Colosses 1:11

Jè deje Nube kade ule dingem kem̂ si’t se go tɔgmong le ndubra le’n. Titeke bè á sei a koréi tà si njak a, a kilei kem̂ si pon dè nyange malang ke ra sei nga.

Nje Ke Colosses 1:16

Krist ndi se Nube nan’t kété loo kunde gir nyange malang ke danrán éké ke dè nang nè: nyange ke doo ase kan se nyange ke doo asekum kan se kum’n lé, kutu-ngarge, se konɓeege se ndukunnge le njékonɓeege a, se njé tɔgmong-ge. Nube unde de malang se takul Krist a, tede le’n è a tɔ.

1 Nje Ke Thessalonique 4:14

Jésu wei a, è unde loo tee dann njé ke koo’t a tɔ. Njé ke undei kem̂ de dènn’t á weii nga, jè j’unde kem̂ jé tchên titeke Nube à ade undei loo teei dann njé ke koo’t le teli ndii kumgajer takul’n.

1 Pierre 3:18

Krist nga kuwe géa, nyankem̂kon ra’n nja karé bere luk-luk ke ngang’n tede nyanra majelé le dooge. Krist è njè ra nyan se dè naje’n. Nyankem̂kon ra’n ɔje dè nyanra majelé le dooge tede le tel ree’n se si ra Nube’t. Danra’n á dé tɔl nè è tel ndi kumgajer takul Ndil-Kem̂nda.

Lookilera’n 2:23

M’a m’ade yo-kos à tɔl ngannenge kabak. Bè tá njékebe nange le Nube malang à geri titeke man m’ee njè ter tàgir le dooge ke dè ɓengre de’t. Man m’uge nanan géa dann si’t se go kule ra’n.