Jean 5:17 - Nouveau Testament en Gulay 2004

¹⁷ Nè Jésu ede de ede nè: – Bɔ’m ndi ra kule kum’n ke kété-kété sár tee ɗarinè ɓai. Man géa m’ndi m’ra kule kum’m ke kété-kété tɔ.

Jean 5:17 ပူးပေါင်းရင်းမြစ်များ

Matthieu 10:29

Ké d’ige tuinge joo kum sisi karé d’ade an-in lé wa? Nè né è bè géa, è ke karé dann de’t oso nang anje kêm ndige le Bɔ si lé.

Jean 10:36

Man nga, Bɔ’m Nube ɔr’m unde’m se ninn’n kété ɓita ule’m dè nang nè ɓai. Ké bain á m’ede nè man Ngonn’n ɓaa sei tami edi nè m’nede’n taɓai wa?

Jean 14:10

Ké i unde kêmi dè’t titeke man se Bɔ’m jè karé bere lé wa? Ké i ger titeke m’um se’n nan’t bɔk a, è géa um se’m nan’t bɔk a tɔ lé wa? Tàge ke m’ede sei nga, è man kuwe á m’in se dè ra’m m’ede sei lé, nè è Bɔ’m ke um se’m nan’t bɔk kuwe á ra kulege le’n.

Jean 5:16

E gir’n ke nè á Juipge awi se Jésu se tà, tede nyange ke ndɔ ke ra se ndɔ taa kebe.

Jean 5:18

Unn gir kêm ndɔn’t nè, Juipge sangi loo ngain dum ke kété le tɔl Jésu. E tede kal ke è al tà tà gute-ndu’t á karé lé, nè è tede ɓar ke ɓar Nube Bɔ koje’n a, an ra’n ke Nube a tɔ.

Jean 9:4

Loo ke kàde nain ɓai nè kuwe, gar-gar ade jè rai kule le njèkule’m. Loo ke ndɔ à il ɓaa, doo karé bè asekum ra kule lé ta.

Nyanra Njekawkulege 14:17

Nè né è bè géa, è ra se de maje kum’n ke kété-kété m ebe’t lé. E ra se si maje, ade sei mann-ndi ke in danrán nú ade ingei nyankuse usei, i ndii dann ranel’t bɔndum.

Nyanra Njekawkulege 17:28

Kerɔte kuwe, «takul’n è á jè ndii’n kumgajer, jè yei’n ra jéi a, jè ndii’n tutu ɓai a tɔ.» Njé nder gir kumkunjuge le si ke nange tami kété edi nè: «Jè géa jè girkà le’n kuwe tɔ.»

1 Nje Ke Corinthe 12:6

Kule ra njétaakêm-Kristge ei gai-gai, nè Nube ke karé nè kuwe á ade dooge malang tɔge de á rai nyange malang.

Nje Ke Colosses 1:16

Krist ndi se Nube nan’t kété loo kunde gir nyange malang ke danrán éké ke dè nang nè: nyange ke doo ase kan se nyange ke doo asekum kan se kum’n lé, kutu-ngarge, se konɓeege se ndukunnge le njékonɓeege a, se njé tɔgmong-ge. Nube unde de malang se takul Krist a, tede le’n è a tɔ.

1 Nje Ke Thessalonique 2:13

Loo ke ndɔ ke j’ede sei tà le Nube j’ade ooi nga, sei taai dè ɓengre si’t. Sei taai tà nè nga ke tà ke in tà Nube’t kerɔte kuwe m in tà doo’t karè lé. Gir’n ke nè á tà nè nga ra’n kule kem̂ si sei njétaakem̂-Kristge. E ke nè á è gir nyan karé ke rang ke ade jè ra’n oiyo se ndɔ jé-ndɔ jé nal kebe’t.

Hebreuge 1:3

Ngonn nè nga, è njè kade ndubra le Bɔ’n Nube kile ra’n ke nata a, è kum gute tà Bɔ’n kuwe tcha-tcha a tɔ. Ngonn nè nga gete nyankundege malang se go tà ke tee tànn’t. Loo ke Ngonn nè nga ɔr se-kaiyage tɔl kon’n ɓá ɓaa, è aw ndi dɔ nú dè jikon Nube ke njè dum dè nyange malang.