Jean 5:16 - Nouveau Testament en Gulay 2004

¹⁶ E gir’n ke nè á Juipge awi se Jésu se tà, tede nyange ke ndɔ ke ra se ndɔ taa kebe.

Jean 5:16 ပူးပေါင်းရင်းမြစ်များ

Matthieu 12:13

E á Jésu ede doo ke ji’n wei tonrin nè nga ede nè: – I ndaje jii. Ɓaa doo nè nga ndaje ji’n. Ke loon’t nè kuwe, ji’n ke karé ke wei tonrin nga tel mong maje tite made ke karé.

Marc 3:6

Ke loon’t nè kuwe, Pharisienge undei loo teei kêm kei kebe nan’t teei awi ɔri nan tà se pajage le ngar Hérode Antipas dè rebe ke ayé tɔli Jésu.

Tà ke Maje ke Luc ndang 6:11

Nè wong ase njékɔrgir gute-nduge se Pharisienge nák ade unni gir kɔr nan tà dè nyan ke ayé rai se Jésu.

Jean 1:19

E ke nè á è tà ke Jean ɔrgo loo ke Juipge ke kêm ɓee-bò ke Jérusalem ulei njékuje nyan-mesege se njé ke girkà’t le Lévi le kade dejii edi nè: – Ké i nga i nan wa?

Jean 10:39

Nja karé ɓai, Juipge teli sangi le kuwei Jésu kuwe ɓai, nè è tee dann de’t njêl aw.

Jean 15:20

Adi kêm si olé dè tà ke kété m’ede sei’t nga: «Ɓer bòi dum dè kuwe’n lé.» Ke nè á dooge rai kum’m ndoo ɓaa, sei géa à rai kum si ndoo tɔ. Ke nè á ei an-in dè tà le’m sêw-sêw ɓaa, sei géa à an-in dè tà le si sêw-sêw tɔ.

Jean 5:10

Juipge ɓari go dingem ke ratur ɔr dènn’t nga tami se’n edi nè: – Ɓila è ndɔ taa kebe. Ké nan á unn ndu’n adi kade oto tuwe tooi i ringe’n wa?

Jean 5:13

Nè dingem ke d’ade ratur ɔr dènn’t nga ger doo ke njè kade ratur ɔr dènn’t nga lé, tede Jésu ɔte ur dann doobulege’t ke ndai loo’t nè nga kák .

Jean 5:15

Dingem nè nga unde loo tee aw ede Juipge titeke njè kɔr ratur rann’t se ndɔ taa kebe nga, è Jésu.

Jean 5:17

Nè Jésu ede de ede nè: – Bɔ’m ndi ra kule kum’n ke kété-kété sár tee ɗarinè ɓai. Man géa m’ndi m’ra kule kum’m ke kété-kété tɔ.

Jean 5:18

Unn gir kêm ndɔn’t nè, Juipge sangi loo ngain dum ke kété le tɔl Jésu. E tede kal ke è al tà tà gute-ndu’t á karé lé, nè è tede ɓar ke ɓar Nube Bɔ koje’n a, an ra’n ke Nube a tɔ.

Jean 7:21

Jésu tel unn tà tam ede de ede nè: – Ndɔ ke kété m’ra nyan karé bere luk-luk kuwe ɓai á ndil si tee an-in soin-soin malang nè lé wa?

Jean 7:25

Loo ke dooge ke nange ke Jérusalem an-in Jésu ɓaa, ei tami edi nè: – Ké è n’ee nga dé sang le kade dé tɔlé nè lé wa?