Jean 4:48 - Nouveau Testament en Gulay 2004

⁴⁸ Jésu tel ede’n ede nè: – Ke nè á sei an-in nyankɔbege se nyange ke dum kan lé ɓaa a undei kêm si dèm’t lé.

Jean 4:48 ပူးပေါင်းရင်းမြစ်များ

Matthieu 16:1

Pharisienge se Saddusienge reei ra Jésu’t nain kêm’n. Ei deji nin le kade ra nyankɔbe ke gai ke in danrán ade n’an-in tá n’a n’geri titeke è Nube kuwe á ule’n.

Matthieu 24:24

Njé tête tà kunde tà Krist’t se njé tête tà kunde tà Nube’t à undei loo teei. A rai nyankɔbege se nyanpindege ke tooi ɓel tede le kade bainléa súii njé ke Nube tɔr de kuwe géa tɔ.

Matthieu 27:42

Njékuje nyan-mesege tami edi nè: – Ndɔ ke n’aje njé ke rang nè n’ase kaje rayé n’ee kuwe lé. Ke nè á n’ee ngar le Israelge kerɔte ɓaa, maje kade n’rise nang kade kage-ke-dese’t ɗarinè n’ade j’an ɓaa, j’à j’um kêm jé dèyé’t.

Marc 13:22

Tede njé ra ra de ke Krist se njé ra ra de ke njéribe-dè-tàge ke tà Nube’t à ɔsi nang kin-in. Ei à rai nyankɔbege le kade bainléa libi kum njékêmndage ke Nube tɔr de.

Tà ke Maje ke Luc ndang 10:18

Nè Jésu tel ile de dè’t ede nè: – Loo ke m’an loo gerer ɓaa, m’an Mweisekar’m lé in danrán oso nang tite ndi ke têl bè.

Tà ke Maje ke Luc ndang 16:31

Abraham tel ilé de’t ede nè: «Ke nè á ngakoinge uri mbi de ooi tà ke Moise ndang kêm magtub gute-ndu’t se tà ke njéribe-dè-tàge ke tà Nube tami nga lé ɓaa, né doo karé unde loo tee dann njé ke koo’t aw inge de géa, d’ade tur hal de lé.»

Jean 12:37

Jésu ra nyankɔbege ngain ade Juipge an-in kuwe. Nè né è bè géa unni mbi de dè tà’t le’n.

Jean 15:24

Nyanrage ke doo ke rang ra nja karé lé nè nga, ke nè á ndɔ ke m’ra dann dooge’t lé ɓaa, né tà kaiya à ɔr dè de’t. Nè ɗarinè d’an nyanramge ɓá, nè né è bè géa, d’a d’ɔdenan kɔr jè njêt se Bɔ’m kuwe ɓai.

Jean 2:18

Nè Juipge deji Jésu edi nè: – Ké nyankɔbe ri á a i ra le kade j’an titeke i aw se tɔgmong le ra’n nyange nè nga titeke bè wa?

Jean 20:29

Jésu tel ile Thomas dè’t ede nè: – I unde kêmi dèm’t tede kan ke an’m karè. Njé ke undei kêm de dèm’t anje kan’m nga, ra de à nel de.

Jean 4:49

Njèkan dè njérɔge le ngar tel ede Jesu ede nè: – Kuwe-ɓee i ree pa ɓita ade tà ngonn’m tête ɓai.

Nyanra Njekawkulege 14:3

Nè né è bè géa, Paul se Barnabas ndii kêm ɓee ke Icone ase tà’t. Ei geri tite Kuwe-ɓee è der-gir de. Gir’n ke nè á, ei tami tà se kêmnda káng adi dooge a, dè noje ke Kuwe-ɓee uwe se de a tɔ. Nube ade Paul se Barnabas rai nyankɔbege se nyange ke dum kum geti ngarankumtàge ke ei tami.

Nyanra Njekawkulege 15:12

Kosdooge malang ke ndii loo kebe nan’t nga teli ndii sibik. Go’t gugu ɓaa, dé bere mbak d’ur mbi de d’oo’n ser nyankɔbege se nyange ke dum kum ke Nube ade Barnabas se Paul ndɔ ke rai dann dooge ke ei Juipge lé. E Barnabas se Paul kuwe á ɔri ser nyange nè adi d’oo.

Nyanra Njekawkulege 2:19

M’a m’ade nyange ke dum kum à teei kade danrán’t dɔ a, nyankɔbege à teei dè nang nè á tɔ: mese se ndon por a, se sà por undei loo teei a tɔ.

Nyanra Njekawkulege 2:22

– Sei dooge ke Israel, i neli mbi si maje ooi tà ke m’a m’ede sei: Jésu ke Nazareth nga sei geri nin ɓá. E doo ke ndɔ ke Nube kuwe ule ji’n njung dènn’t ɔr’n unde’n se ninn’n gai. Nube ade ra nyankɔbege se nyange ke dum kum a, se nyan-tɔjege dann si’t ade i geri ɓá a tɔ.

Nyanra Njekawkulege 2:43

Njékawkulege rai nyange ke dum kum se nyankɔbege ngain. Dooge malang ɓeli ndil de.

Nyanra Njekawkulege 4:30

Ule jii njúng ade de le kade d’ɔr’n ratur ra dooge’t, le kade dé ra’n nyankɔbge se nyange dum kum takul ri Jésu, ngonn njèndi lei ke ɔr’n unde’n se ninn’n nga.

Nyanra Njekawkulege 5:12

Nyankɔbege se nyange ke dum kum oji nan ji njékawkulege’t nyanmi-nyanmi dann kosdooge’t. Njétaakêm-Kristge malang ndii se kêm karé gir pal’t le Salomon.

Nyanra Njekawkulege 6:8

Etienne è doo ke ndutɔr se tɔgmong le Nube taa ra’n pel-pel. E ra nyange ke dum kum se nyankɔbege ke bò dann kosdooge’t.

Nyanra Njekawkulege 7:36

E Moise nè nga kuwe á ndɔ ke ade kosdooge ke Israel undei loo kêm ɓeekon ke Egypte kɔke. Kété è ra nyange ke dum kum se nyankɔbege kêm ɓeekon ke Egypte. E ra nyange nè nga kêm loonge ke ndɔ ke kosdooge ke Israel à gangi ba-bò kate ke ri’n nè ba-bò ke ker. Moise nga ndɔ ke ra nyange ke dum kum kêm dile’t lo kɔr-sɔ.

Nje Ke Rome 15:19

se go tɔgmong le nyankɔbege se nyange ke dum kum a, se go tɔgmong le Ndil-Kêmnda a tɔ. Titeke bè á m’unn’n gir kile mber Tà ke Maje le Krist kêm ɓee-bò ke Jérusalem se ɓeege malang ke an-in dè’n gêrêr sár m’tee’n kêm ɓeekon ke Illyrie. M’ile mber Tà ke Maje le Krist nga m’ɔr son’n njêt kêm ɓeege’t nè nga.

1 Nje Ke Corinthe 1:22

Juipge à ɔdi nan deji nyankɔbege, nè njé ke ei Juipge lé à ɔdi nan sangi gos nyanger.

2 Nje Ke Corinthe 12:12

Sei an-in korè tà njak le’m ke deri, sei an-in nyan-tɔjege se nyange ke dum kum a, se nyankɔbege gai-gai ke ndɔ ke m’ra dann si’t. Nyange nè malang nga tɔji sei titeke man m’ee njèkawkule le Jésu ke get.

2 Nje Ke Thessalonique 2:9

Loo ke ndɔn’t njè kɔse tà se Nube nè nga à unde loo tee ɓaa, è à ra kule se tɔgmong le Sú. E aw se tɔgmong ke bò le ra’n nyankɔbege se nyange ke dum kum a se nyan-tɔjege gai-gai le sú’n dooge.

Hebreuge 2:4

Nube kuwe géa ra nyan-tɔjege se nyange ke dum kum a, se nyankɔbege gai-gai le kade njékɔrgo tàge an-in tà tam de ke ngarankum tà le’n è Nube kuwe. Taɓai, Nube kai nyan-nojege le Ndil-Kem̂nda se go kem̂ndige le’n è kuwe.