Jean 4:45 - Nouveau Testament en Gulay 2004

⁴⁵ Nè né è bè géa, loo ke è ree tee kêm ɓeekon ke Galilée ɓá ɓaa, njé ke Galilée uwei nin ke ra de’t. Ei rai titeke bè tede ndɔ ke ei géa awi loo ra nan’t Jérusalem an-in nyange malang ke ndɔ ke Jésu ra se kum de.

Jean 4:45 ပူးပေါင်းရင်းမြစ်များ

Tà ke Maje ke Luc ndang 13:1

Kêm ndɔ ke dooge d’ade ra nyankuje-mese nga, njèkonɓee Pilate ade dé tɔl dooge ke Galilée d’ade mese de pɔtinan se le nyankulge ke dé tɔl de. Dooge ke nange reei ra Jésu’t edii tà nè.

Tà ke Maje ke Luc ndang 8:40

Loo ke Jésu in gide ba’t nú à ree ɓaa, doobulege reei tilei kum’n se rebe tede dooge malang ndii tchên nginei ndɔ tel’n.

Tà ke Maje ke Luc ndang 9:53

Nè dooge ke kêm ɓee’t nè nga utei Jésu mbeng tede kaw ke ndi aw kum’n ke ɓee-bò ke Jérusalem.

Jean 2:23

Loo ke Jésu ndi kêm ɓee-bò ke Jérusalem loo ra nan Paque ɓai nga, dooge bule undei kêm de dènn’t tede nyankɔbege ke è ra ade an-in.

Jean 3:2

Dingem nè nga ree inge Jésu ndɔɔ ede’n ede nè: – Ngar, jè ger titeke Nube ulei kade i ndó jè nyan. Tede ke nè á Nube è der gir doo lé ɓaa, è asekum ra nyankɔbege titeke i ra’n nga lé.

Jean 4:54

E ke nè á è nyankɔbe ke njékon’t joo ke Jésu ra loo ke ndɔ ke in-in’n kêm ɓeekon ke Judée ree’n beekon ke Galilée.