Jean 4:42 - Nouveau Testament en Gulay 2004

⁴² Dooge ke reei ra Jésu’t nga edi dinye nè edi nè: – Jè j’um kêm jé dènn’t tede tà tami nga lé ta. Nè j’um jé dènn’t tede tà tam’n ke jè kuwe j’oo se mbi jé. Jè ger titeke è nga è njé kaje dooge dè nang nè kerɔte kuwe.

Jean 4:42 ပူးပေါင်းရင်းမြစ်များ

Matthieu 1:21

Ngonn ke dingem ke a oje’n nga, i a kile ri’n nè Jésu. E kuwe á à ɔr kosdooge le’n dann kaiyage’t le de kaje de.

Tà ke Maje ke Luc ndang 2:32

Njèkaje dooge nga, è lookar le kade dooge malang ke dè nang nè dé geri a, à è riɓar le kosdooge ke ei ngannkà Israel a tɔ.

Jean 1:29

Barè lookar’n, loo ke Jean an Jesu à ree ke rann’t ɓaa, è tam ede nè: – An-in! Ngonn Bate le Nube ke njèkɔr kaiya dè dooge’t dè nang nè nga.

Jean 11:17

Dé dubu Lazare ra ndɔ sɔ ɓita Jésu ree ɓai.

Jean 17:8

Tàge ke i ede’m kété nga, man géa m’ree’n m’ede de a, dé taa a tɔ. Dé ger get titeke man nga m’in rai’t. Kule ke i ule’m nga d’um kêm de dè’t kuwe.

Jean 4:29

– I reei an-in dingem karé ke ɔrgir nyan ramge malang ke m’ra kété nga ndát-ndát. Ké dingem nè è Krist nga lé ɓai wa?

Jean 4:41

Dooge ke rang ngain kêm ɓeekon ke Samarie umi kêm de dè Jésu’t tede tà le’n ke ei ooi se mbi de.

Nyanra Njekawkulege 13:23

Ndɔ ke Nube unn ndu’n le kade Israelge njèkaje de. E ɔr Jésu njèkaje de nga girkà’t le ngar David.

Nyanra Njekawkulege 4:12

Doo karé ke rang ke kaje à in rann’t goto. Gar-gar ri doo karé ke rang dann dooge ke danrán éké ke dè nang nè ke j’asekum kinge kaje se takul’n goto.

Nyanra Njekawkulege 5:31

E nga Nube unn’n unde’n dè jikonn’t ade è njè kunde gir kaje le dooge. Nube ra titeke bè le kade dooge ke kêm ɓeekon ke Israel turi hal de ingei kêm tin mbit dè kaiyage’t le de.

2 Nje Ke Corinthe 5:19

Oiyo, è Nube kuwe á um se dooge ke dè nang nè nan’t bɔk tàkul Krist. E mbate tute go majelége le de. Kule kum dooge ke dè nang nè nan’t bɔk se’n á è Nube um ji jé’t.

1 Timothee 4:10

Ke nè á j’ule ra jé ndibe loo kule’t a, jè ra rɔ maje a ɓaa, è tede kem̂ jé ke j’unde tchên dè Nube’t ke njèndi kumgajer. Nube ke njèndi kumgajer nga è njèkaje dooge malang, nè njé ke undei kem̂ de dènn’t tá è njèkaje de ke get ɓai.

1 Jean 2:2

E nga inye ra’n ade yo ke nyan kɔr kure kaiya tede kade kem̂ Nube tin’n mbit dè majelége’t le jéi. Nube à ade kem̂’n à tin mbit dè majelége’t le jéi se kar jéi lé, nè à ade kem̂’n à tin mbit dè majelége’t le dooge malang ke dè nang nè.

1 Jean 4:14

Bɔ jéi Nube ule Ngonn’n le kade è njèkaje dooge dè nang nè. Ngonn’n ke ule’n nga, jè j’an’n se kum jé. Gir’n ke nè á j’ɔr’n go tà le’n j’ede’n sei.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.