Jean 4:41 - Nouveau Testament en Gulay 2004

⁴¹ Dooge ke rang ngain kêm ɓeekon ke Samarie umi kêm de dè Jésu’t tede tà le’n ke ei ooi se mbi de.

Jean 4:41 ပူးပေါင်းရင်းမြစ်များ

Tà ke Maje ke Luc ndang 4:32

Ndil de tee an-in soin-soin dè gos nyange ke è ndó de’t, tede è ndó de nyange nè nga se tɔgmong.

Jean 4:40

Loo ke dooge ke ɓeekon ke Samarie reei teei ra Jésu’t ɓaa, ei deji nin le kade ndi se de ndêin ɓita in aw rang ɓai. E ndi se de ndɔ joo ɓita in aw kété ɓai.

Jean 4:42

Dooge ke reei ra Jésu’t nga edi dinye nè edi nè: – Jè j’um kêm jé dènn’t tede tà tami nga lé ta. Nè j’um jé dènn’t tede tà tam’n ke jè kuwe j’oo se mbi jé. Jè ger titeke è nga è njé kaje dooge dè nang nè kerɔte kuwe.

Jean 6:63

Ndil á ade doo ndi kumgajer. Doo se dè ra’n ase ra nyan karé lé. Tàge ke man m’ede sei nga in ra Ndil’t. E tàge nè á à ade a i ndii kumgajer.

Jean 7:46

Njérɔge ilei de dè’t edi nè: – Doo karé ke tam tà tite doo nè nga, j’inge’n nja karé ndan lé ɓai.

Nyanra Njekawkulege 1:8

Nè sei a kingei tɔgmong le Ndil-Kêmnda ɓaa, sei a teli k’eei njékɔrgo tàge le’m kêm ɓee-bò ke Jérusalem a, se ɓeekon ke Judée bere mbak a, se ɓeekon ke Samarie a, sár kade ɔri son nang nè njêt a tɔ.

Nyanra Njekawkulege 15:3

Njékebe nange le Nube adi de nyan ke ɔje de kaw mba nè nga ji de’t. Paul se Barnabas se njé ke ei se de undei kêm ɓeekonge ke Phénicie se Samarie gangi. Ei ɔri ser tur ke dooge ke ei Juipge lé teli turi hal de undei kêm de dè Kuwe-ɓee’t adi dooge se loo malang. Ser nyan malang ke ei ɔri go nga ade njétaakêm-Kristge ranel ke bò.

Nyanra Njekawkulege 8:12

Nè ɗarinè loo ke Philippe ile mber Tà ke Maje ke ɔje dè ɓeekon le Nube se ri Jésu-Krist ade de ɓaa, dingemge se dinyege ke umi kêm de dè tà’t le’n nga, adi d’ule de manné njonm.

Nyanra Njekawkulege 8:25

Loo ke Pierre se Jean ɔri go tà le Kuwe-ɓee a, ilei mber tà le’n ɓá ɓaa, ei teli awi kêm ɓee-bò ke Jérusalem. Pierre se Jean ilei mber Tà ke Maje se kêm ngann ɓeege gai-gai ke kêm ɓeekon ke Samarie.

Hebreuge 4:13

Nyankunde le Nube karé bè ke ɓɔyɔ ra’n tàkumn’t goto. Nyan malang tò nata ndái-ndái tàkum è ke ndɔn’t j’à tutei go nyanra jéi kadi nin.