36 Njè sa ko inge nyan kuge dè ji’n ɓá a, è kebe njar nyan ke ɔje dè ndikumgajer se non a tɔ. Titeke bè á njè dubu nyan se njè sa nyan ali ra de nan’t mbak.
Nanan ke inye kei le’n éké ngakonnge ke dingem éké njé ke dinye, bɔ’n éké kon’n, ngann’n éké loo ndɔrge le’n tede ri’m man ɓaa, à inge nyan-kunde dè nja’n bule ngain dè made’t. Tá à inge ndikumgajer se non dè’t ɓai.
Nanan ke unde kêm’n dè Ngonnenn’t nè nga ɓaa, à ndi kumgajer se non. Nè nanan ke unde kêm’n dè Ngonnenn’t nè nga lé ɓaa à ndi kumgajer ndan lé, nè wong le Nube ndi dènn’t ndeĵ ɓá ta.
Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.
Kerɔte kuwe, man m’ede sei ndàt, nanan ke oo tà le’m, unde kêm’n dè è ke njèkulem’t nga ɓaa ndi kumgajer se non nga ɓá ta. Nube à gangtà dènn’t lé. E doo nè nga tee tà yo’t aw loo ndikumgajer se non ɓá ta.
Ngakonmge, man m’ndige le kade i geri titeke m’ɔje le kaw ra si’t nja bule, nè sár ɗarinè m’inge loo kaw lé ɓai. M’ndige le kaw ra se si le kade kundekêm le si ɓeɓer titeke ndɔ ke m’ra’n se dooge ke rang ke ei Juipge lé nga tɔ.
Njé ke sangi le rai nyan ke maje se ndɔ de-ndɔ de tede le kinge’n ndubra le Nube a, riɓar a, se ndikumgajer se non a tɔ nga, Nube à ade à ndii se’n sár se non.
Nè ɗarinè d’ɔr sei ɓee ɓer’t le kaiya d’ade i ndii dè si pal le kade i teli ɓerge le Nube. Titeke bè á sei dooge le Nube ke i tooi se ninn si a, loo tɔl tà’n ɓaa a ingei ndikumgajer ke à tò sár se non a tɔ.
Ke nè á ndɔ ke è man kuwe m’in se kêmndige le’m m’ra kule nè nga ɓaa, m’ayé kinge nar kuge dè ji’m. Nè ke nè á m’ile mber Tà ke Maje nga se go kêmndige le’m lé ɓaa, è nyan ke d’unde dèm’t kade m’ra á m’ra karè.
A ɓaa, ké ri á è nar kuge dè jii’m wa? Kile mber Tà ke Maje anje taa nyan á è nar kuge dè jii’m. Man m’ee njèkile mber Tà ke Maje kerɔte kuwe. Nè né è bè géa, m’ɔge ra’m dè taa nyange ji dooge’t ɔje dè Tà ke Maje ke m’ile mber’n m’ade de nga.
Loo ke ndɔn’t Kuwe-ɓee le jéi Jésu à tel ree ɓaa, nyan kundekem̂ tchên se nyan ranel le jé nga ké è sei lé ɓai wa? Dè jé à in tchakm nonn’t tede kem̂ ndɔn’t nè nga sei a i tooi kasinan se jɔkɔ kunn banga le jé bè.
An go rai sêw-sêw a, unde kumkunju dè rai’t ɔje dè nyan ke i ndi a i ndó dooge. Ke nè á i nda njáng dè nyange’t nè ɓaa, i kuwe a aje’n rai a, a aje’n njé ke i ndi a i ndó de nyan nga a tɔ.