Jean 4:34 - Nouveau Testament en Gulay 2004

³⁴ Jésu tel ile de dè’t ede nè: – Ra nyan ke kêm njèkule’m ndige a, kɔr son kule le’n ke um jim’t a tɔ á è mur le’m man.

Jean 4:34 ပူးပေါင်းရင်းမြစ်များ

Matthieu 26:39

Jésu aw mbɔr ke kété ɓaa, oso labe tà kêm’n nang ɔje tà se Nube ede nè: – Bɔ’m, i asekum kute nyantosowur nè nga dèm’t mbeng ke rang kuwe. Né è bè géa, i ra nyan ke kêm’m man á ndige lé, nè i ra nyan ke kêmi ndige.

Matthieu 3:15

Nè Jésu tel ile’n dè’t ede nè: – Inye ade m’ra ɗarinè. Ra nyan ke kêm Nube ndige tɔl mbas nga, tuwe jè ɗêw titeke bè. Jean inye Jésu ade ra titeke bè.

Matthieu 9:19

Jésu se njékuwe-girnge in-in kalang awi goon’t.

Tà ke Maje ke Luc ndang 15:10

Titeke bè á man m’ede sei ndàt, Nube se ngann njéndige le’n ke danrán ali ra de ngain tede tà le njèkaiya karé ke inye go kaiya le’n tel tur hal’n.

Tà ke Maje ke Luc ndang 19:10

Man ke m’ee Ngonn doo nga, m’ree le sang njé ke ndemi osoi kɔke le tel se de ke ra Nube’t.

Tà ke Maje ke Luc ndang 2:49

Jésu tel ile de dè’t ede nè: – Ké i sangi man tede ri wa? Gar-gar è tà le’m le ndi kêm kei le bɔ’m Nube. Ké sei geri bè lé wa?

Jean 17:4

Man m’ile riɓar dèi’t dè nang nè ɓá ta. Kule ke i ade’m kade m’ra nga m’ɔr son’n njêt ɓá ta.

Jean 19:28

Jésu ger titeke ɗarinè gir nyan malang gang ɓá. Gir’n ke nè á è tam ede nè: – Kunde mann ra’m. E tam titeke bè le kade tà ke tò kêm magtub ke tò se ninn’n aw’n loon’t deĵ.

Jean 19:30

Loo ke Jésu njibe mann nduu ke mase nè nga ɓá ɓaa, è tam ede nè: – Gir’n nyan malang gang ɓá ta. Ke loon’t nè kuwe tànn’t tête nyonk ade dè’n tel oso ragm.

Jean 4:32

Nè è ede de ede nè: – Man m’aw se nyankuse’m laa nè sei á i geri lé.

Jean 5:30

Man m’asekum ra nyan karé se dè ra’m lé. M’gangtà se go tà ke m’oo. Gangtà le’m nga è se go rebe’n tede m’sang le ra nyan ke kêm man á ndige lé, nè nyan ke kêm’m ke njèkule’m á ndige.

Jean 5:36

Nè man m’aw se njèkɔrgo tà ke bòi dum Jean. Tede kule ke Bɔ’m ade m’ra m’ɔr son’n nga ɔrgo tà le’m titeke Bɔ’m kuwe ule’m.

Jean 6:33

Tede mapa ke ade dooge ke dè nang nè ndii kumgajer nga, è mapa ke in danrán ra Nube’t.

Jean 6:38

Tede man nga m’in danrán m’ree le ra nyan ke kêm’m man á ndige lé, nè m’ree le ra nyan ke kêm njèkule’m á ndige.

Jean 8:29

E ke njèkule’m nga, è se’m nan’t. E inye’m se kar’m lé tede m’ra nyange ke taa kum’n se ndɔ’m-ndɔ’m.

Nyanra Njekawkulege 20:35

M’ndó sei titeke bè ɔje dè nyan malang, kade ulei ra si ndibe loo ra kule’t gar-gar tede le ra’n se njétɔg gotoge. Adi kêm si olé dè tàge’t ke Kuwe-ɓee Jésu kuwe tam ede nè: «Kunn nyan kade è ranel ngain dum taa nyan.»

Hebreuge 12:2

Jésu è njèkunde gir kundekem̂ le jéi a, è njè kade kundekem̂ le jéi maje ɔr njêt a tɔ. Ade j’oréi kum jéi dènn’t sêw-sêw se ndɔge malang. Jésu inye ra’n ade dé tɔl kade kage-ke-dese’t anje kan rasɔl’n ke nyan. Kerɔte kuwe, Jésu oré kum’n dè nyan ranel ke tò nonn’t kété ɓaa, ɗarinè è ndi dè jikon kutu-ngar’t le Nube ta.