Jean 4:3 - Nouveau Testament en Gulay 2004

³ Loo ke Jésu oo tà nè nga bè ɓaa, è sure ɓeekon ke Judée inye tel aw kêm ɓeekon ke Galilée gugu.

Jean 4:3 ပူးပေါင်းရင်းမြစ်များ

Matthieu 10:23

Loo ke d’a d’ɔr sei kororoi kêm ɓee-bò ke nè’t ɓaa, an-in awi kêm ɓee-bò karé ke rang’t. Kerɔte kuwe, man m’ede sei ndàt, sei a kɔri son ɓee-bòge le ɓeekon ke Israel lé ɓai kuwe bainléa Ngonn doo à tel ree’n.

Marc 3:7

Jésu ɔr ra’n se njékuwe-girnge awi tà ba-bò ke ɓeekon ke Galilée. Kosdoo-bulege ndolèi goo’n. Kosdoo-bulege nè nga njé ke nange in-in kêm ɓeekon ke Galilée se Judée.

Tà ke Maje ke Luc ndang 17:11

Loo ke Jésu ndi aw kum’n ke ɓee-bò ke Jérusalem ɓaa, è tee se rebe ke dè ninn ɓeekon ke Samarie se Galilée.

Jean 1:43

Barè lookar’n, Jésu ndige tel kaw ɓeekon ke Galilée. E inge Philippe ɓaa ede’n ede nè: – Unn rebe goom’t.

Jean 10:40

Jésu tel aw gugu gide ba ke Jourdain nú ndi tutu. E loo ke ndɔ ke kété Jean unn gir kule dooge manné njonm tutu.

Jean 11:54

Gir’n nè á Jésu ringe’n tàkum Juipge’t malang se kêmnda káng titeke kété lé ta. E ɔr ra’n se njékuwe-girnge awi kêm ɓeekon karé’t awi ndii kêm ɓee-bò ke ri’n nè Ephraim. Ɓee-bò nè nga è ngɔr se kêm dile .

Jean 2:11

E á è kunn gir nyankɔbe ke desêin ke Jésu ra kêm ɓee ke Cana, ɓeekon ke Galilée. Jésu tɔje tɔgmong le’n ke nata ade njékuwe-girnge umi kêm de dènn’t.

Jean 3:22

Go nyange’t nè nga, Jésu aw se njékuwe-girnge kêm ɓeekon ke Judée’t. E ndi se de tutu ase tà’t a, è ule dooge manné njonm a tɔ.

Jean 3:32

E ɔrgo tà nyange ke è an se kum’n a, oo se mbi’n a tɔ. Nè doo karé bè géa taa tà le’n ke è ɔrgo nga lé.

Jean 4:47

Loo ke doo nè oo titeke Jésu in kêm ɓeekon ke Judée ree kêm ɓeekon ke Galilée ɓaa, è aw rann’t deje’n le kade ree aje ngonn’n ke tò tà yo’t.

Jean 7:1

Go’t gugu Jésu aw se loo-loo kêm ɓeekon ke Galilée. E ndige le tel kaw kêm ɓeekon ke Judée lé tede Juipge sangi rebe le kade dé tɔl’n.