Jean 4:29 - Nouveau Testament en Gulay 2004

²⁹ – I reei an-in dingem karé ke ɔrgir nyan ramge malang ke m’ra kété nga ndát-ndát. Ké dingem nè è Krist nga lé ɓai wa?

Jean 4:29 ပူးပေါင်းရင်းမြစ်များ

Matthieu 12:23

Tà ige kosdoo-bulege sêl ade tami edi nè: – Ké è nè nga á è ngonnkà David lé wa?

Jean 4:25

Dinye nè nga tel ede Jésu ede nè: – M’ger titeke Messie ke dé ɓar’n Krist nga à ree. Loo ke à ree ɓaa, à ɔrgir nyange malang kade jè dooge ke Samarie.

Jean 4:28

Ke loon’t nè kuwe dinye nè inye ku mann le’n nang, è tel aw ɓéee ede dooge ede nè:

Jean 4:30

Dooge undei loo kêm ɓee-bò’t teei dik-dik awi ke ra Jésu’t.

Jean 4:39

Dooge bule ke kêm ngonn ɓee ke Sychar ɓeekon ke Samarie umi kêm de dè Jésu’t tede tà ke dinye tam ede nè: «Dingem nè nga ɔrgir nyan ramge malang ke m’ra kété ndát-ndát.»

Jean 7:26

An-in! n’ee nga n’nda kêmé kang n’a n’tam tà nata ndái-ndái, nè doo karé bè géa edé tà lé. Ké njékɔr non jéige geri titeke n’ee nga n’ee Krist kerɔte kuwe wa?

Jean 7:31

Dooge ngain dann doobulege’t umi kêm dè Jésu’t. Ei tami edi nè: – Loo ke ndɔn’t Krist à ree nga, ké à ra nyankɔbege ngain dum ège ke doo nè ra nga wa?

Lookilera’n 22:17

Ndil Nube se dinye ke njè ngaw kige nga tami edi nè: «I ree.» Doo ke oo tà nè ɓaa, maje kade tam ede nè: «I ree.» Doo ke kunde mann on’n ɓaa, maje kade ree taa mann an-in. Doo ke ndige taa mann kan-in ndii’n kumgajer ɓaa, à inge karé m à ndogo lé.