Jean 4:23 - Nouveau Testament en Gulay 2004

²³ Kàde kade Nube ule se Ndil ree ɗarinè ɓá. Ngarankum njé ɗɔi Nubege à ɗɔyi Bɔ’m Nube takul tɔgmong le Ndil-Kêmnda ta titeke Ngonn’n tɔje’n de rebe’n ke get. Njé ke ɗɔyi Bɔ’m Nube titeke bè á è sang de.

Jean 4:23 ပူးပေါင်းရင်းမြစ်များ

Jean 1:17

Nube ade jéi gute-ndu se rebe ke ra Moise’t, nè kêm-maje se ngarankum tà reei takul Jésu-Krist.

Jean 12:23

E ile de dè’t ede nè: – Gar-gar kàde kule ndubra dè’m man Ngonn doo’t nga ase ɓá ta.

Jean 16:2

D’ade rɔ sei kêm kei kebe nange’t. Kàde ke ndɔn’t nè, dooge malang à in-in tami kedi nè: «sei njé mbate Nubege» à ree non. Gir’n ke nè á, ndɔn’t d’a tɔl’n sei ke nyankuje-mese kede nè n’ilei riɓar dè Nube’t.

Jean 16:32

An! kàde’n à ree, è ree ɓá a tɔ. D’ade sanrin sei karé- karé. Nanan géa à aw loo le’n-le’n, a inyei man se kar’m bere. Man se kar’m lé nè Bɔ’m è der-gir’m.

Jean 4:21

Jésu tel ile dinye nè dè’t ede nè: – Dinye, um kêmi dè tà’t le’m, kàde’n ree kade awi dè mbal’t nè éké Jérusalem tá a kɔji tà se Nube tutu lé.

Jean 5:25

Kerɔte kuwe, man m’ede sei ndàt, kàde kade njé ke koo ooi ndu Ngonn Nube nga ree ɗarinè ɓá ta. Njé ke à ooi ndu Ngonn Nube nga à ndii kumgajer.

Jean 5:28

Adi tà ige sei sêl dè tà’t nè nga lé, tede kàde kade dooge ke tooi ɓada à ooi ndu Ngonn doo nga ree ɓá ta.

Nje Ke Rome 1:9

Tede Nube ke m’ndi m’ra kule m’ade’n se ngarankêm’m bere mbak loo kile mber Tà ke Maje’t le Ngonn’n nga, ger titeke m’tam ngarankum tà. Loo ke m’ɔje tà se Nube ɓaa, m’ɓar ri si se ndɔge malang nonn’t.

Nje Ke Rome 8:15

Ndil ke sei ingei nga à ra sei ɓer kade i teli osoi dann ɓel’t lé ta, nè à tel sei ke ngann Nube. Takul Ndil nè á jè ɓari Nube j’edi nè: «Abba!» tel se tà koje jé ɓaa è «Ɓɔ jé!»

Nje Ke Rome 8:26

Jèi nga, jèi njéyaige, nè Ndil-Kêmnda ree din-in jèi dè yaige’t le jéi. Jè geri nyan ke get ke kum deje Nube lé. Kebe ke j’ilei puun anje kade tà tee tà jéi’t ɓai géa, Ndil ɔje tà se Nube tede è ke nè ɓá.

Nje Ke Galatie 4:6

Sei sei ngann kem̂ Nube kerɔte kuwe. Gir’n ke nè á Nube ule’n Ndil Ngonn’n ade ndii’n dè ɓengre jèi’t. Takul Ndil nè nga á jè tami tà se ndu jéi ke bòi j’edi nè: «Abba, Bɔ jé.»

Nje Ke Ephese 6:18

Ɔji tà se Nube dè nyange ke awi ndoo’n se ndɔ si-ndɔ si a, i kɔi nyange gai-gai takul kum ke umi se Ndil-Kem̂nda. I rai bè kum si ke kété-kété m ebi ra si dè’t lé. Ɔgi kum si ɓi ɔji tà se Nube tede njé ke tooi se ninn de malang.

Nje Ke Philippes 3:3

Kerɔte kuwe, è jèi á jèi njékuje tà mɔtege ke get tede jè ɗɔyi Nube se go Ndil’n. Jè ti ra jé se ri Jésu-Krist m j’unde kem̂ jé dè danra’t lé.

1 Pierre 2:9

Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.