Jean 4:14 - Nouveau Testament en Gulay 2004

¹⁴ Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.

Jean 4:14 ပူးပေါင်းရင်းမြစ်များ

Matthieu 25:46

Njé ke ndai dè jigel à ɔti kawi loo ke kure nyan ra de à ɔde kum de tutu sár se non. Nè njé ra nyan se dè najennge à ɔti kawi loo ndikumgajer sár se non.

Matthieu 5:6

Njé ke ngur nyanra ke se dè naje’n ra de pênn-pênn asenan se kunde mann éké ɓo ke ra de nga, ra de à nel de tede kêm de à ndann ɓai!

Jean 10:10

Njèɓog nga ree tede ɓoge batege a, tɔl de a, le tuju de a tɔ. Nè man ɓaa, m’ree le kade dooge se batege ndii kumgajer adi ase de nák-nák.

Jean 11:26

Nanan ke unde kêm’n dèm’t loo ke è ndii’n kumgajer ɓai nga à wei ndan lé. Ké um kêmi dè tà’t nè nga kuwe wa?

Jean 4:10

Jésu tel ile dinye nè nga dè’t ede nè: – Ke nè á i ger noje ke Nube uwe sei karè nè nga a, i ger doo ke deji ede nè: Ade’m mann m’an-in a tɔ nga ɓaa, né i kuwe a in kété le deje’n mann kain, ayé kadi mann ke an-in kutch-kutch kade an-in i ndii’n kumgajer.

Jean 4:11

Dinye nè nga tel deje Jésu ede nè: – Dingem, ka-dɔ kɔde mann goto jii’t a, bolè mann nga géa heb ngain a tɔ. Ké a inge mann lei ke an-in kutch-kutch nga loo ke ra’t wa?

Jean 4:13

Jésu tel ile dinye nè de’t ede nè: – Nanan ke an-in mann nè nga, kunde a tel ra’n ɓai.

Jean 4:36

Njè sa ko inge nyan kuge dè ji’n ɓá a, è kebe njar nyan ke ɔje dè ndikumgajer se non a tɔ. Titeke bè á njè dubu nyan se njè sa nyan ali ra de nan’t mbak.

Jean 6:27

I rai kule tede nyankuse ke dè’n à ngei karè nga lé. Nè i rai kule tede nyankuse ke à tò sár-sár se non. Nyankuse ke à tò sár se non nga, è Ngonn doo á à ade sei, tede Ngonn doo nga nyankorji le Nube Bɔ dooge tò rann’t.

Jean 6:35

Jésu ede de ede nè: – Mapa ndikumgajer nè nga è man. Doo ke ree ram’t ɓaa, ɓo a ra’n ndan lé. Doo ke unde kêm’n dèm’t ɓaa, kunde mann à ra’n ndan lé a tɔ.

Jean 6:58

An-in! mapa ke in danrán: Mapa nè nga è tite è ke ndɔ ke kà sige ke weii usei kété nga lé. Nè doo ke use mapa nè nga ɓaa à ndi kumgajer se non.

Jean 7:37

Ngei ndɔ ra nan kei kamge nga, è ndɔ ke bò dum madege. Jésu in nda dɔ non doobulege’t kêm kei le Nube ede de tà se ndu’n ke bòi ede nè: – Ke nè á kunde mann ra doo ɓaa, maje kade ree ram’t taa mann an-in.

Nje Ke Rome 5:21

Kété yo on ɓee dè dooge’t tede majelé ke taa loo ɔge. Ɗarinè kêmnoje le Nube ɔr tà dè dooge’t ade ingei ndikumgajer se non le Nube takul Jésu-Krist, Kuwe-ɓee le jéi nga.

Nje Ke Rome 6:23

Oiyo nyan kuge dè ji le kaiya è yo, nè nyan kuge noje le Nube ɓaa, è ndikumgajer sár se non takul kum ke j’umi nan’t bɔk se kuwe jéi Jésu-Krist.

2 Nje Ke Corinthe 1:22

Jè nga Nube unde nyankorji le’n ra jé’t a, ade Ndil-Kêmnda ndi dè ɓengre’t jé’t a tɔ. Ndil-Kêmnda nga, è tàpitem nyange ke ndɔn’t j’à j’ingei.

Nje Ke Ephese 4:30

I rai kum Ndil-Kem̂nda ndoo lé. Nube ɔr sei unde sei se ninn’n ke kosdooge le’n takul Ndil-Kem̂nda. E nyankorji ke Nube uje ra si’t le tɔje’n sei titeke à ɔr sei dann kaiyage’t le si njing se non ndɔ ke rang.

1 Pierre 1:22

Koje ke sei ilei dè ngarankum tà’t nga á i telii sei dooge ke unji nyang-nyang le tár’n njétaakem̂-Kristge se kem̂nda káng. I tári nan ngain dè ɓengre si’t.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.

Lookilera’n 7:16

Dé nè nga, ɓo se kunde mann à teli rai de gugu ndan lé a, kàde à tel kɔse de gugu ndan lé a, loo à tel nunge de gugu ndan lé a tɔ.

Lookilera’n 7:17

Kerɔte kuwe, Ngonn bate ke nda dann kutu-ngar’t danné bɔp nga à è njèkul de a, à ɔr non de kaw se de tà ngur mann ndikumgajer’t. Nube à tise mann non kum de’t ndát-ndát a tɔ.»