Jean 4:11 - Nouveau Testament en Gulay 2004

¹¹ Dinye nè nga tel deje Jésu ede nè: – Dingem, ka-dɔ kɔde mann goto jii’t a, bolè mann nga géa heb ngain a tɔ. Ké a inge mann lei ke an-in kutch-kutch nga loo ke ra’t wa?

Jean 4:11 ပူးပေါင်းရင်းမြစ်များ

Jean 3:4

Nicodème tel deje Jésu ede nè: – Ké loo ke doo ɓuge ɓá nga, d’a tel koje’n gugu kige titeke bain taɓai wa? Ké è asekum tel kaw kêm konn’t kade oje’n gugu nja joo ɓai wa?

Jean 4:14

Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.

Jean 7:37

Ngei ndɔ ra nan kei kamge nga, è ndɔ ke bò dum madege. Jésu in nda dɔ non doobulege’t kêm kei le Nube ede de tà se ndu’n ke bòi ede nè: – Ke nè á kunde mann ra doo ɓaa, maje kade ree ram’t taa mann an-in.

Nyanra Njekawkulege 10:14

Nè Pierre ede nè: – Ḿ-m̀! Kuwe-ɓee, nyange ke pás-pàs éké nyange ke mine ke majelé titeke bè nga m’use nja karé ndan lé ɓai.

1 Nje Ke Corinthe 2:14

Doo ke karé ke Ndil Nube ndi kêmn’t lé ɓaa asekum taa nyan le Ndil Nube lé. Nyan le Ndil Nube tò asenan se nyan mbe tàkumn’t m è asekum ger gir lé. Oiyo, Ndil le Nube è njè kade doo ter nyange ger gir.

Lookilera’n 21:6

Taɓai, è tel ede’m ede nè: «Girtà gang ɓá ta. Man nga, m’ee ke desêin a, m’ee ke ngeinn’t a tɔ. Man nga m’ee loo kunde gir nyan a, loo tɔl ngang nyan a tɔ. Doo ke kunde on’n ɓaa, m’a m’ade’n ngur mann ndikumgajer kade an-in karè m à ndogo lé.

Lookilera’n 22:1

Doo ke danrán tɔje’m ba karé ke an-in mann’n ɓaa, a i ndi kumgajer; mann ba nè nga unju njai-njai tite nyan karé ke dé ɓar’n Cristal bè. Ba nè nga in gir kutu-ngar’t le Nube se le Ngonn bate.

Lookilera’n 22:17

Ndil Nube se dinye ke njè ngaw kige nga tami edi nè: «I ree.» Doo ke oo tà nè ɓaa, maje kade tam ede nè: «I ree.» Doo ke kunde mann on’n ɓaa, maje kade ree taa mann an-in. Doo ke ndige taa mann kan-in ndii’n kumgajer ɓaa, à inge karé m à ndogo lé.

Lookilera’n 7:17

Kerɔte kuwe, Ngonn bate ke nda dann kutu-ngar’t danné bɔp nga à è njèkul de a, à ɔr non de kaw se de tà ngur mann ndikumgajer’t. Nube à tise mann non kum de’t ndát-ndát a tɔ.»