Jean 4:10 - Nouveau Testament en Gulay 2004

¹⁰ Jésu tel ile dinye nè nga dè’t ede nè: – Ke nè á i ger noje ke Nube uwe sei karè nè nga a, i ger doo ke deji ede nè: Ade’m mann m’an-in a tɔ nga ɓaa, né i kuwe a in kété le deje’n mann kain, ayé kadi mann ke an-in kutch-kutch kade an-in i ndii’n kumgajer.

Jean 4:10 ပူးပေါင်းရင်းမြစ်များ

Tà ke Maje ke Luc ndang 11:13

Sei ke njékêmyêrge gé ɓai á i geri kade nyange ke maje ngannge nè a, ké bɔ jéi ke ndi danrán à asekum kade Ndil-Kêmnda njé ke dejii lé wa?

Jean 16:3

D’a ra titeke bè tede dé ger Bɔ’m lé a, dé ger’m man lé a tɔ.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Jean 3:16

Nube tár dooge malang ke dè nang nè, gir’n ke nè á ule’n Ngonn’n ke dagi le kade nanan ke unde kêm’n dènn’t ɓaa à udu lé nè à ndi kumgajer se non.

Jean 4:14

Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.

Jean 6:35

Jésu ede de ede nè: – Mapa ndikumgajer nè nga è man. Doo ke ree ram’t ɓaa, ɓo a ra’n ndan lé. Doo ke unde kêm’n dèm’t ɓaa, kunde mann à ra’n ndan lé a tɔ.

Jean 6:51

Mapa ndikumgajer ke in danrán nga è man. Doo ke use mapa nè nga ɓaa à ndi kumgajer se non. Mapa ke m’a m’ade le kade dooge ke dè nang nè ndii kumgajer nga, è danra’m man kuwe.

Nyanra Njekawkulege 9:11

Kuwe-ɓee tel ede Ananias ede nè: – In dɔ, ɔte ɗarinè aw dann rebe ke dé ɓar’n Rebe ke danné sêw. Aw kêm kei le Judas i deje’n dingem karé ke ri’n nè Saul. Doo nè nga ɓee koje’n è Tarse. An! doo nè nga ndi à ɔje tà se Nube ɗarinè.

Nje Ke Rome 8:32

Ngonn kêm’n géa, Nube ngonm’n rann’t lé, nè è inye’n ade dé tɔl’n tede tà le jéi malang. Nube à ade jèi nyan malang takul Jésu kerɔte kuwe.

1 Nje Ke Corinthe 1:30

Nè Nube um sei nan’t bɔk se Jésu-Krist. Jésu Krist nga Nube tel’n ke kumkunju le jéi ke deri. Takul Krist á Nube ɔr’n tà dè jéi’t a, unde’n jèi se ninn’n ke dooge le’n a tɔ. Nube ɔr jèi wont ji tɔgmong’t le majelé takul Krist.

1 Nje Ke Corinthe 10:4

Dé malang d’an-in nyankain ke karé ke in danrán nga kuwe tede dé malang d’an-in mann ke ube kàde mbal’t kutch-kutch a tɔ. Mbal nè nga ndolè go de. Mbal nè nga è Krist.

2 Nje Ke Corinthe 9:15

Ade jè rai Nube oiyo tede kêmnoje le’n nga dum kɔrgir!

Nje Ke Ephese 2:8

E takul kem̂noje le Nube á sei ingei kaje se go kundekem̂ le si. Kem̂noje nè nga in ra si’t lé, nè è nyan-noje ke in ra Nube’t kuwe.

Hebreuge 6:4

Doo ke nange ke teli osoi dann majelé’t nga, ei dooge ke ingei lookar le Nube ɓá. Ei dooge ke nan-in nyan-noje le Nube geri nel’n ɓá a, ingei Ndil-Kem̂nda ɓá a tɔ.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.

Lookilera’n 21:6

Taɓai, è tel ede’m ede nè: «Girtà gang ɓá ta. Man nga, m’ee ke desêin a, m’ee ke ngeinn’t a tɔ. Man nga m’ee loo kunde gir nyan a, loo tɔl ngang nyan a tɔ. Doo ke kunde on’n ɓaa, m’a m’ade’n ngur mann ndikumgajer kade an-in karè m à ndogo lé.

Lookilera’n 22:17

Ndil Nube se dinye ke njè ngaw kige nga tami edi nè: «I ree.» Doo ke oo tà nè ɓaa, maje kade tam ede nè: «I ree.» Doo ke kunde mann on’n ɓaa, maje kade ree taa mann an-in. Doo ke ndige taa mann kan-in ndii’n kumgajer ɓaa, à inge karé m à ndogo lé.

Lookilera’n 7:17

Kerɔte kuwe, Ngonn bate ke nda dann kutu-ngar’t danné bɔp nga à è njèkul de a, à ɔr non de kaw se de tà ngur mann ndikumgajer’t. Nube à tise mann non kum de’t ndát-ndát a tɔ.»