Jean 4:1 - Nouveau Testament en Gulay 2004

¹ D’ede Pharisienge titeke Kuwe-ɓee Jesu aw se njékuwe-girnge ngain dum pajage le Jean a, dooge ke ule de manné njonm géa bulei ngain dumi njé ke le Jean a tɔ.

Jean 4:1 ပူးပေါင်းရင်းမြစ်များ

Tà ke Maje ke Luc ndang 1:76

Ngonn nè nga d’a ɓar’n njèribe-dè-tà ke tà Nube’t ke njè dum dè nyange malang. Ngonn nè nga à njiye non Kuwe-ɓee’t le gɔl rebege le’n ke à ree’n.

Tà ke Maje ke Luc ndang 19:31

Ke nè á doo karé deje sei ede nè: «Ké bain á i tutii wa?» ɓaa, sei edii nè: «E Kuwe-ɓee á aw ndoo’n le kin dènn’t.»

Tà ke Maje ke Luc ndang 19:34

Njékuwe-gir-Jésuge ke joo nè nga tel ilei de dè’t edi nè: – E Kuwe-ɓee á aw ndoo’n le kin dè’t.

Tà ke Maje ke Luc ndang 2:11

Ɓila d’oje njèkaje sei kêm ɓee’t le ngar David. E nè nga à è Kuwe-ɓee a, Krist a tɔ.

Tà ke Maje ke Luc ndang 7:13

Loo ke Kuwe-ɓee Jésu tête kum’n an kon ngonn nè nga ɓaa, kêm’n aw biriri-biriri ade ede nè: – Ebe’t non.

Tà ke Maje ke Luc ndang 7:19

– Ké i nga kuwe á ndɔ ke d’ede nè a i ree éké jè ndi jè ngine doo ke rang ɓai wa?

Jean 3:22

Go nyange’t nè nga, Jésu aw se njékuwe-girnge kêm ɓeekon ke Judée’t. E ndi se de tutu ase tà’t a, è ule dooge manné njonm a tɔ.

Jean 3:26

Pajage le Jean reei rann’t edi nin edi nè: – Kuwe jé, doo ke ndɔ ke è ndi sei gide ba’t nú ke i tam tà le’n maje nè nga, an! è géa unn gir kule dooge manné njonm ke le’n tɔ ta. Dooge malang ɓungei nan awi rann’t.

Nyanra Njekawkulege 10:36

Jésu-Krist nga, è Kuwe-ɓee le Juipge se dooge ke rang malang. E è kuwe á ndɔ ke Nube ule’n ra kosdooge ke Israel ade ile mber Tà ke Maje le kêmlom ade de.

1 Nje Ke Corinthe 1:17

Man nga, Krist ule’m tede kule dooge manné njonm lé, nè è ule’m tede kile mber Tà ke Maje. Tà ke Maje ke m’ile mber’n nga, m’ile se go ger gos tam tà karè lé; nè bainléa kwei le Krist kàde kage-ke-dese’t à tel k’ee nyan ke raikarè.

1 Nje Ke Corinthe 15:47

Adam doo ke desêin nga, è nduju nang á Nube ube. Nè Adam ke njèkon’t joo nga in danrán.

1 Nje Ke Corinthe 2:8

Kumkunju le Nube nga, doo karé bè dann njékonɓeege ke ndii dè nang nè ke ger’n goto. Ke nè á ndɔ ke njékonɓeege ke ndii dè nang nè geri nin ɓaa, né à adi d’ade ɓer Kuwe-ɓee ke njè ndubra kàde kage-ke-dese’t lé.

2 Nje Ke Corinthe 4:5

Mber ke j’ile nga, j’ile j’ɔje’n dè ra jé jè kuwe lé. Nè j’ile mber j’ɔje’n dè Kuwe-ɓee Jésu-Krist. Jè ɓaa, jè ɓer kulege le si tede tà le Jésu.

Jacques 2:1

Ngakonmge, sei undei kem̂ si dè Kuwe-ɓee’t le jéi Jésu-Krist ke d’ile riɓar dènn’t ɓá. Ɔri kum dooge lé, tede kɔr kum dooge nga uwe made nan se kundekem̂ dè Krist’t lé.

Lookilera’n 19:16

Doo ke danrán ke al dè sinde-gaglam’t nga, dé ndang ri doo tu kubu’t le’n ke bòi yul a, dè bingenn’t a tɔ, d’ede nè: «Ngar dè ngarge a, Kuwe-ɓee le kuwe-ɓeege a tɔ.»