Jean 3:8 - Nouveau Testament en Gulay 2004

⁸ Nel ule loo ke kêm’n ndige’t. Ká’n ke ɓar á i oo, nè i ger loo kin’n éké loo kaw’n lé. Nanan ke Ndil oje’n nga géa è titeke bè tɔ.

Jean 3:8 ပူးပေါင်းရင်းမြစ်များ

Jean 1:13

Ei nè nga teli ei ngann le Nube se go girkoje le de ke dè nang nè lé. Nè girkoje le de in ra Nube’t ke njè kade de kebe ke kige.

Jean 3:7

Ade tà igi sêl dè tà ke m’edi’t nga lé. Gar-gar adi d’oje sei gugu kige tá.

Jean 3:9

Nicodème tel deje Jésu ede nè: – Ké doo asekum ra nyange nè nga titeke bain wa?

Nyanra Njekawkulege 2:2

Ke loon’t nè kuwe ká nyan in danrán ɓar asenan se nel-bò bè ree taa kêm kei ke dé ndi tutu pel-pel.

Nyanra Njekawkulege 4:31

Loo ke d’ɔje tà se Nube titeke bè gir gang ɓá ɓaa, loo ke dé kebe nan tutu ule yirk-yirk. Ndil-Kêmnda taa kêm de pel-pel malang ade d’ile mber tà le Nube se kêmnda káng.

1 Nje Ke Corinthe 12:11

E Ndil-Kêmnda ke karé bere nè kuwe á ra nyange nè nga malang. E kai nyan-nojege nè nga ade nanan géa se go kêmndige le’n è kuwe.

1 Nje Ke Corinthe 2:11

Ké nan asekum ger nyange ke tò dè ɓengre doo’t wa? E tàgir le doo ke dè ɓengrenn’t kuwe karé á ger nyange malang ke tò dè ɓengre doo’t. Titeke bè Ndil-Kêmnda le Nube karé á asekum ger nyange malang ke dè ɓengre Nube’t.

1 Jean 2:29

Sei geri mbak titeke Krist è Njè ra nyan se dè naje’n. Nanan ke ra nyan ke se dè naje’n se ndɔ karé-karé ɓaa, è ngonn Nube ke Nube kuwe oje’n.