Jean 3:6 - Nouveau Testament en Gulay 2004

⁶ Nyan ke danra oje nga è le danra kuwe, nyan ke Ndil oje nga è le Ndil kuwe tɔ.

Jean 3:6 ပူးပေါင်းရင်းမြစ်များ

Jean 1:13

Ei nè nga teli ei ngann le Nube se go girkoje le de ke dè nang nè lé. Nè girkoje le de in ra Nube’t ke njè kade de kebe ke kige.

Jean 3:7

Ade tà igi sêl dè tà ke m’edi’t nga lé. Gar-gar adi d’oje sei gugu kige tá.

Nje Ke Rome 7:18

M’ger titeke man se dè ra’m nga, nyan ke maje urkei kêm’t mbêt lé. M’uwe ra nyan ke maje se ji’m mêtch kuwe, nè tɔge ra’n kɔr son á goto.

Nje Ke Rome 7:25

M’ra Nube oiyo tede taa ke taa’m ji danra’t takul kuwe jéi Jésu-Krist. Tàgir ke kêm’t kei ndi ra ɓer le gute-ndu Nube, nè danra’m ndi ra ɓer le gute-ndu ke sɔbe dè majelé ke on ɓee dèm’t.

Nje Ke Rome 7:5

Loo ke ndɔ ke jè nain-in gir danra’t ɓai nga, ngur ra nyange ke majelé ke gute-ndu le Moise ɔge jèi dè’t taa ra jéi pel-pel. Ngur nyanrage nè nga aw se jéi ile jèi tà yo’t.

Nje Ke Rome 8:13

Ke nè á sei rai nyange ke kêm danra ndige ɓaa, sei a i tooi kasinan se dooge ke weii tàkum Nube’t. Nè ke nè á Ndil ra se si ade ebi ra si rai nyange le danra ɓaa, sei a i ndii kumgajer kerɔte kuwe.

1 Nje Ke Corinthe 6:17

Kerɔte kuwe, doo ke um nan’t bɔk se Kuwe-ɓee ɓaa, è tel è danra ke karé bere luk-luk se go Ndil-Kêmnda.

2 Nje Ke Corinthe 5:17

Ke nè á doo karé um nan’t bɔk se Krist ɓaa, è tel è doo-kunde ke kige. Ɓuge nyange ke mari tugei gangi ɓá, an! nyange malang teli ei ke kige.

Nje Ke Galatie 5:24

Dooge ke umi nan’t bɔk se Jésu-Krist nga, uwei danra se ngur nyange le’n ke majelé ɓerii kade kage-ke-dese’t.

Nje Ke Ephese 2:3

Ngann njé dum nange nè nga, kété mari jèi malang jèi dann de’t. Kété jè njiyei se go ngur nyange le danra jéi a, jèi rai nyange se go kem̂ndige le danra a, se go tàgirge le jéi a tɔ. Jèi géa, kété se go girkoje le jéi ɓaa wong le Nube nain dè jéi’t tite gute dooge ke rang bè tɔ.

Nje Ke Colosses 2:11

Takul Krist á d’uje’n tà mɔte si. E ji doo á uje tà mɔte si nga lé, nè è Krist á goré nyan le danra ɔr ra si’t kɔke.

1 Jean 3:9

Nanan ke Nube kuwe oje’n ɓaa à ebe ra majelé se ndɔge malang, tede ko nyan le Nube urkei kem̂n’t. E asekum ra majelé kum’n ke kété-kété lé tede è Nube kuwe á oje’n.