Jean 3:5 - Nouveau Testament en Gulay 2004

⁵ Jesu tel ile Nicodème dè’t ede nè: – Kerɔte kuwe, man m’edi ndàt: ke nè á d’ule doo manné njonm d’ade Ndil oje’n lé ɓaa, è asekum kule dè’n kêm Konɓee’t le Nube ndan lé.

Jean 3:5 ပူးပေါင်းရင်းမြစ်များ

Matthieu 18:3

– Kerɔte kuwe, man m’ede sei ndàt, ke nè á i turi hal si, i teli i tooi asinan se ngannge ke dap-dap lé ɓaa, a ulei dè si kêm Konɓee ke danrán ndan lé.

Matthieu 19:24

Man m’tel m’ede sei ɓai: le kade lugman ur bolè libri’t tee nga è nyan ke tur ngain. Nè le kade baw ile nja’n kêm Konɓee’t le Nube nga, è nyan ke loo’n tur ngain dum le lugman ɓai.

Matthieu 21:31

Ngannge ke joo nè nga, ké è ke ra ra nyan ke kêm bɔ’n ndige wa? Njékɔr non Juipge teli ilei Jésu dè’t edi nè: – E ke desêin. Jésu ede de ede nè: – Kerɔte kuwe, man m’ede sei ndàt, njétaa tirge se kaiya-dinyege á ei non si’t kété kêm Konɓee’t le Nube.

Matthieu 28:19

Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ.

Matthieu 3:11

Man ɓaa, mann á m’ule sei njonm tutu karè kade i turi hal si. Nè doo karé ke tɔgmong le’n dum le’m à ree goom’t gugu non. Gabang ke njann’t géa, man m’asekum tɔr se dè ra’m lé. Doo nè nga à ɔr sei kunde sei se ninn si gai se Ndil-Kêmnda a, se por a tɔ.

Matthieu 5:20

Kerɔte kuwe,man m’ede sei ndàt, ke nè á nyanra si ke se dè naje’n dum dè le njéndang-magtubge se pharisienge lé ɓaa, sei a kilei nja si kêm Konɓee ke danrán nga ndan lé.

Marc 10:14

Nè loo ke Jésu an nyan ra njékuwe-girnge bè ɓaa, wong ra’n ade ede de ede nè: – Inyei ngannge adi reei ram’t m ɔgi de lé. Kerɔte kuwe, Nube à on ɓee dè dooge ke hal de tò tanan se le de dé ngannge nè nga bè.

Marc 16:16

Doo ke um kêm’n dè Tà ke Maje’t ade d’ule’n manné njonm ɓaa, d’a d’aje’n. Nè doo ke um kêm’n dè’t lé ɓaa, tà à uwe dè’n ndɔ gangtà’t.

Marc 9:47

Ke nè á kumi è nyan ke à tugei jig’t kade oso dann majelé’t ɓaa, uwe’n ɓarak ɔr’n kɔke. Kawi se kumi ke karé kêm Konɓee’t le Nube nga, maje dum kade d’ilei se kumi joo mbak loo ke tur’t.

Tà ke Maje ke Luc ndang 13:24

Jésu tel ile’n dè’t ede nè: – I sangi loo le kaw se tàbit kei ke njon tede man m’ede sei ndàt, dooge ngain dann si’t à sangi rebe le kaw kêm Konɓee’t le Nube. Nè asikum kilei nja de tutu ndan lé.

Tà ke Maje ke Luc ndang 13:3

Ḿ-m̀, è bè lé. Nè sei géa, ke nè á sei turi hal si lé ɓaa, a tuji malang titeke dooge ke Galilée tujii bè tɔ.

Tà ke Maje ke Luc ndang 13:5

Ḿ-m̀, è bè lé. Nè sei géa, ke nè á sei turi hal si lé ɓaa, a i tuji malang titeke bè tɔ.

Jean 1:13

Ei nè nga teli ei ngann le Nube se go girkoje le de ke dè nang nè lé. Nè girkoje le de in ra Nube’t ke njè kade de kebe ke kige.

Jean 3:3

Jesu tel ile Nicodème dè’t ede nè: – Kerɔte kuwe, man m’edi ndàt, ke nè á dé tel d’oje doo gugu kige lé ɓaa, è asekum kan Konɓee le Nube se kum’n lé.

Jean 3:4

Nicodème tel deje Jésu ede nè: – Ké loo ke doo ɓuge ɓá nga, d’a tel koje’n gugu kige titeke bain taɓai wa? Ké è asekum tel kaw kêm konn’t kade oje’n gugu nja joo ɓai wa?

Nyanra Njekawkulege 2:38

Pierre ede de ede nè: – I turi hal si. Maje kade nanan géa dann si’t ade d’ule’n manné njonm se ri Jésu-Krist. Titeke bè á Nube a ade kêm’n à tin’n mbit dè kaiyage’t le si, le kade ade’n sei Ndil-Kêmnda.

Nyanra Njekawkulege 3:19

I turi hal si ɔsi wan i teli ke ra Nube’t le kade bɔr kaiyage le si kɔke.

Nje Ke Rome 14:17

Kerɔte kuwe, konɓee le Nube nga tò tede nyankuse éké nyankain lé. Konɓee le Nube nga tò ɔje dè nyanra ke se dè naje’n a, se kêmlom a, se ranel ke Ndil-Kêmnda ade jèi.

Nje Ke Rome 8:2

Ɗarinè jè ndii kumgajer gir gute-ndu’t le Ndil-Kêmnda takul kum ke j’umi nan’t bɔk se Jésu-Krist. Gute-ndu le Ndil-Kêmnda nga ɔr’m ɓee ɓer’t le majelé ke aw se’m ke tà yo’t.

1 Nje Ke Corinthe 15:50

Ngakonmge, man m’ede sei tà nè ndàt titeke danra se mese asikum kingei i konɓee le Nube lé. Nyan ke à ndum se nyan ke à ndum lé asi koréi nan loo karé lé tɔ.

1 Nje Ke Corinthe 2:12

Jèi ɓaa, ndil ke j’ingei nga è ndil ke in ra dooge ke dè nang nè lé, nè è Ndil ke in ra Nube’t tede le kade jè geri nyan-nojege ke Nube ade jèi nga.

1 Nje Ke Corinthe 6:11

Njé ke nange dann si’t kété ei njé ra nyange nè nga tɔ. Nè ɗarinè Nube le jéi togo se-kaiya le si ɔr ndát-ndát. E unde sei se ninn’n ade sei dooge le’n a, è ɔr tà dè si’t se ri Kuwe-ɓee Jésu-Krist a, se ri Ndil-Kêmnda a tɔ.

Nje Ke Galatie 6:15

Kuje tà mɔte éké kuje tà mɔte lé nga, è nyan lé. Nyan ke get-get ɓaa, è le tel k’ee doo ke kige le Nube.

Nje Ke Ephese 5:26

Krist ndogo mann njékebe nange le Nube tchák-tchák. E ɔr se-kaiyage le de se go ngarankum tà le’n, unde de se ninn’n ade ei le Nube kuwe ɗarinè.

1 Pierre 1:2

Sei nga Bɔ jéi tɔr sei kété mari ke desêin se go gos nyanger le’n. E ɔr sei unde sei se ninn si gai ke kosdooge le’n takul Ndil-Kem̂nda. Nube ra titeke bè tede kade ilei koje dè Jésu-Krist’t a, tede kade mese’n ɔr’n kaiyage le si ndát-ndát a tɔ. Maje kade kem̂noje se kem̂lom oji nan ra si’t nyanmi-nyanmi.

1 Pierre 3:21

Mann bêlm nè nga è nyan-tɔje ke ɔje dè kule doo manné njonm. Kule doo manné njonm nga è gir kaje ke sei ajii ɗarinè. Kule doo manné njonm nga ɔr nyan ke mine le danra ra si’t lé, nè è ndukunn ke sei unni se tàgir ke maje ke kem̂ si’t adi Nube. Kule doo manné njonm nga aje sei takul kunde ke Krist unde loo tee dann njé ke koo’t.

1 Jean 2:29

Sei geri mbak titeke Krist è Njè ra nyan se dè naje’n. Nanan ke ra nyan ke se dè naje’n se ndɔ karé-karé ɓaa, è ngonn Nube ke Nube kuwe oje’n.

1 Jean 5:1

Nanan ke unde kem̂’n dè Jésu’t titeke è Krist ɓaa, doo nè nga è Nube kuwe oje’n. Nanan ke tár Bɔ jéi Nube ɓaa à tár jèi ngannenge nga tɔ.