Jean 3:36 - Nouveau Testament en Gulay 2004

³⁶ Nanan ke unde kêm’n dè Ngonnenn’t nè nga ɓaa, à ndi kumgajer se non. Nè nanan ke unde kêm’n dè Ngonnenn’t nè nga lé ɓaa à ndi kumgajer ndan lé, nè wong le Nube ndi dènn’t ndeĵ ɓá ta.

Jean 3:36 ပူးပေါင်းရင်းမြစ်များ

Matthieu 25:46

Njé ke ndai dè jigel à ɔti kawi loo ke kure nyan ra de à ɔde kum de tutu sár se non. Nè njé ra nyan se dè najennge à ɔti kawi loo ndikumgajer sár se non.

Marc 16:16

Doo ke um kêm’n dè Tà ke Maje’t ade d’ule’n manné njonm ɓaa, d’a d’aje’n. Nè doo ke um kêm’n dè’t lé ɓaa, tà à uwe dè’n ndɔ gangtà’t.

Tà ke Maje ke Luc ndang 2:30

Tede m’an njèkaje dooge ke i ule’n nga se kum ndan-ndan ɓá ta.

Tà ke Maje ke Luc ndang 3:6

Titeke bè á, dooge malang à an-in titeke Nube è njèkaje jéi.

Jean 1:12

Nè dooge malang ke uwei nin ke ra de’t undei kêm de dènn’t ɓaa, ade de tɔgmong le kade teli ei ngann le Nube.

Jean 10:28

Man m’ade à ndii kumgajer se non m à weii ndan lé sár doo karé bè géa asekum kuwe de hont kɔr de jim’t lé a tɔ.

Jean 3:3

Jesu tel ile Nicodème dè’t ede nè: – Kerɔte kuwe, man m’edi ndàt, ke nè á dé tel d’oje doo gugu kige lé ɓaa, è asekum kan Konɓee le Nube se kum’n lé.

Jean 4:36

Njè sa ko inge nyan kuge dè ji’n ɓá a, è kebe njar nyan ke ɔje dè ndikumgajer se non a tɔ. Titeke bè á njè dubu nyan se njè sa nyan ali ra de nan’t mbak.

Jean 5:24

Kerɔte kuwe, man m’ede sei ndàt, nanan ke oo tà le’m, unde kêm’n dè è ke njèkulem’t nga ɓaa ndi kumgajer se non nga ɓá ta. Nube à gangtà dènn’t lé. E doo nè nga tee tà yo’t aw loo ndikumgajer se non ɓá ta.

Jean 6:58

An-in! mapa ke in danrán: Mapa nè nga è tite è ke ndɔ ke kà sige ke weii usei kété nga lé. Nè doo ke use mapa nè nga ɓaa à ndi kumgajer se non.

Jean 8:51

Kerɔte kuwe, man m’ede sei ndàt, ke nè á doo karé an dè tà le’m sêw-sêw ɓaa, à wei ndan lé.

Nyanra Njekawkulege 14:2

Nè Juipge ke nange ke njé kunn mbi de dè tà’t le Jésu sulei njé ke ei Juipge lé dè Paul se Barnabas.

Nje Ke Rome 4:15

Kerɔte kuwe, gute-ndu nga tɔje wong le Nube ke nata. Loo ke gute-ndu goto tutu nga, kaltà tà gute-ndu’t géa goto tutu a tɔ.

Nje Ke Rome 5:9

Ɗarinè tà ɔr dè jéi’t ɓá takul mese’n. Taɓai Krist á ɔr jèi tà wong’t le Nube.

Nje Ke Rome 8:1

Njé ke umi nan’t bɔk se Jésu-Krist nga, ɗarinè tà karé bè géa uwe dè de lé ta.

Nje Ke Galatie 3:10

Njé ra nyange ke gute-ndu ɔje malang nga, ndu-mann uwe de tede dé ndang kem̂ Magtub’t d’ede nè: «Nanan ke ra nyange ke magtub gute-ndu ɔje nga ade ɔr njêt se ndɔge malang lé ɓaa, ndu-mann uwe dè’n ɓá ta.»

Nje Ke Ephese 5:6

Adi doo karé géa sú sei se tàge ke raikarè lé. Wong le Nube oso dè dooge ke mbati kilei koje dènn’t.

1 Nje Ke Thessalonique 1:10

Ɗarinè sei nginei Ngonn le Nube ke à in danran. Ngonn nè nga, è Jésu ke ndɔ ke Nube ade unde loo tee dann njé ke koo’t. Jésu à in danrán tel ree le kɔr jèi tà wong ke ndi à ree.

1 Nje Ke Thessalonique 5:9

Ndɔ ke Nube ɓar jèi le kade wong le’n nain dè jéi’t lé, nè le kade j’ingei kaje takul Jésu-Krist.

Hebreuge 10:29

Doo ke an Ngonn le Nube ke nyan lé nga, d’a gangtà ke tò ɓel dènn’t dum madege ke rang. Ké sei giri bè an-in lé wa? Kerɔte kuwe, doo nè nga ile koje dè mese mann-ra ke d’ɔr’n d’unde’n se ninn’n gai nga lé. E nede Ndil-Kem̂nda ke njè kade jè geri kem̂noje le Nube nga.

Hebreuge 2:3

Kaje ke bò nè nga, ke nè á j’an-in ke nyan lé ɓaa, ké tà à uwe dè jéi lé titeke bain wa? Kaje ke bò nè nga, Kuwe-ɓee kuwe unn gir kile mber’n kété ɓita njé ke ooi tà’n tànn’t se mbi de edi jèi ade aw go lenn’t deĵ ɓai.

Hebreuge 3:18

Ké è njé ke ra á ndɔ ke Nube unn ndu’n ede nè: «A ilei nja de loo taa kebe’t le’m nga ndan lé» wa? Ké Nube tam tà nè nga ɔje’n dè njé ke ndɔ ke ali tà tànn’t nga lé wa?

Hebreuge 3:19

Jéi j’an-in titeke ndɔ ke d’asekum kile nja de loo taa kebe’t le Nube nga ndan lé tede kunn mbi dè tà’t le de.

Lookilera’n 21:8

Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»