Jean 3:32 - Nouveau Testament en Gulay 2004

³² E ɔrgo tà nyange ke è an se kum’n a, oo se mbi’n a tɔ. Nè doo karé bè géa taa tà le’n ke è ɔrgo nga lé.

Jean 3:32 ပူးပေါင်းရင်းမြစ်များ

Matthieu 7:8

Nanan ke kɔ nyan ke aw ndoo’n ɓaa, d’a d’ade’n. Nanan ke sang nyan ke aw ndoo’n ɓaa, d’a d’ade’n. Nanan ke unde tàbit kei ɓaa, d’a d’ɔr kade’n a tɔ.

Jean 1:11

E ree ɓéee le njé ke le’n, nè njé ke lé’n uwei nin ke ra de’t lé.

Jean 15:15

Ɗarinè man m’ɓar sei ngann njéndige gugu lé ta, tede ngonn njèndi nga ger nyanra kuwe’n lé. Man m’ɓar sei kotárge le’m tede nyan malang ke m’oo tà’n ra Bɔm’t nga, m’ribe se si dè m’ade i geri ɓá.

Jean 18:37

Pilate tel deje Jésu ede nè: – A ɓaa, ké i ngar wa? Jésu tel ilé dè’t ede nè: – E kuwe i tam non. Man Ngar. Kede dooge ngarankum tà á è gir nyan ke d’oje’m d’ade m’ree’n dè nang nè. Nanan ke è le ngarankum tà ɓaa, à ur mbi’n le koo’n ndu’m.

Jean 3:11

Kerɔte kuwe man m’edi ndàt, jè tam tà nyan ke jè ger a, j’ɔrgo tà nyan ke j’an se kum jé a tɔ. Nè sei taai tà ke j’ɔrgo j’ade sei nga lé.

Jean 3:26

Pajage le Jean reei rann’t edi nin edi nè: – Kuwe jé, doo ke ndɔ ke è ndi sei gide ba’t nú ke i tam tà le’n maje nè nga, an! è géa unn gir kule dooge manné njonm ke le’n tɔ ta. Dooge malang ɓungei nan awi rann’t.

Jean 3:33

Doo ke taa kɔrgo tà le’n ɓaa, ndige se’n titeke Nube tam ngarankum tà kuwe.

Jean 5:20

Bɔ ngonn tár ngonn’n ngain. Gir’n ke nè á è tɔje’n nyan malang ke è ra. E à tɔje’n kule rage ke bò dum dè ège ke nè le kade tà ige’n sei sêl.

Jean 8:26

M’aw se tàge ngain ke ɔji dè si le tam a, m’aw se tàge ngain le gang dè si’t a tɔ. Nè njèkule’m nga tam ngarankum tà. Tàge ke m’oo tann’t á m’ede dooge ke dè nang nè.