Jean 3:3 - Nouveau Testament en Gulay 2004

³ Jesu tel ile Nicodème dè’t ede nè: – Kerɔte kuwe, man m’edi ndàt, ke nè á dé tel d’oje doo gugu kige lé ɓaa, è asekum kan Konɓee le Nube se kum’n lé.

Jean 3:3 ပူးပေါင်းရင်းမြစ်များ

Matthieu 16:17

Jésu ede Pierre ede nè: – Simon, ngonn Jonas, rai neli tede è doo ndul á ade kumi gang dè tà’t nè nga lé. Nè è Bɔ’m ke danrán kuwe ade kumi gang dè tà’t nè nga.

Matthieu 19:24

Man m’tel m’ede sei ɓai: le kade lugman ur bolè libri’t tee nga è nyan ke tur ngain. Nè le kade baw ile nja’n kêm Konɓee’t le Nube nga, è nyan ke loo’n tur ngain dum le lugman ɓai.

Matthieu 21:31

Ngannge ke joo nè nga, ké è ke ra ra nyan ke kêm bɔ’n ndige wa? Njékɔr non Juipge teli ilei Jésu dè’t edi nè: – E ke desêin. Jésu ede de ede nè: – Kerɔte kuwe, man m’ede sei ndàt, njétaa tirge se kaiya-dinyege á ei non si’t kété kêm Konɓee’t le Nube.

Matthieu 5:18

Kerɔte kuwe, man m’ede sei ndàt, nyange ke ndêin-ndêin ke dé ndang kêm magtub gute-ndu ke mari’t nga, karé bè géa à goto lé sár kade danran se dè nang à gotoi pa ɓita.

Marc 10:14

Nè loo ke Jésu an nyan ra njékuwe-girnge bè ɓaa, wong ra’n ade ede de ede nè: – Inyei ngannge adi reei ram’t m ɔgi de lé. Kerɔte kuwe, Nube à on ɓee dè dooge ke hal de tò tanan se le de dé ngannge nè nga bè.

Marc 9:47

Ke nè á kumi è nyan ke à tugei jig’t kade oso dann majelé’t ɓaa, uwe’n ɓarak ɔr’n kɔke. Kawi se kumi ke karé kêm Konɓee’t le Nube nga, maje dum kade d’ilei se kumi joo mbak loo ke tur’t.

Jean 1:13

Ei nè nga teli ei ngann le Nube se go girkoje le de ke dè nang nè lé. Nè girkoje le de in ra Nube’t ke njè kade de kebe ke kige.

Jean 1:5

Lookar nè nga ade loo ar dè tilkus’t, nè tilkus ase suin tà’n lé.

Jean 1:51

Jésu ede Nathanael se njé ke rang malang ede nè: – Kerɔte kuwe, man m’ede sei ndàt, unn gir’n ɗarinè kum danran à teen. Sei a kan-in dooge ke danrán le Nube à ali kawi dɔ a, à risi nang a tɔ tede rai nyan kadi man Ngonn doo.

Jean 12:40

«Kosdooge nè nga, Nube libe kum de ade an-in loo lé. E ade ngarankêm de tɔ kuju tà mbêt lé. Ke nè á kum kosdooge an loo a, ngarankêm de tɔ kuju tà a tɔ ɓaa, bainléa à ɔsi wan teli ke ra Nube’t kade aje de.»

Jean 3:4

Nicodème tel deje Jésu ede nè: – Ké loo ke doo ɓuge ɓá nga, d’a tel koje’n gugu kige titeke bain taɓai wa? Ké è asekum tel kaw kêm konn’t kade oje’n gugu nja joo ɓai wa?

2 Nje Ke Corinthe 4:4

Ke nè á Tà ke Maje le jé tò putru ɓila ɓai ɓaa, tò putru tede le njé kunn mbi dè tàge’t. Dé nè nga, Sú ke njèkonɓee dè nang nè tɔ kum de ɔge de kunde kêm de dè Krist’t. Gir’n ke nè á d’ase kan’n lookar le Tà ke Maje nga lé. E lookar le ndubra le Krist ke è kum gute tà Nube nga.

2 Nje Ke Corinthe 5:17

Ke nè á doo karé um nan’t bɔk se Krist ɓaa, è tel è doo-kunde ke kige. Ɓuge nyange ke mari tugei gangi ɓá, an! nyange malang teli ei ke kige.

Nje Ke Galatie 6:15

Kuje tà mɔte éké kuje tà mɔte lé nga, è nyan lé. Nyan ke get-get ɓaa, è le tel k’ee doo ke kige le Nube.

Nje Ke Ephese 2:1

Sei nga, kété weii yo nyanrage ke se go rebe’n lé a, weii yo kaiyage le si a tɔ.

Tite 3:5

Nube aje jèi tede nyanra jé ke se dè naje’n ke ndɔ ke jè ra nga lé. Nè è aje jè se go kem̂kanm le’n. E tel jè ke dooge ke koje kige se koje ke Ndil-Kem̂nda tel oje jè rang.

Jacques 3:17

Nè kumkunju ke in danrán nga à ade doo unju nyang-nyang a, à ade doo à ee’n njèkem̂lom a, njè kaw lom-lom a tɔ. Kumkunju ke in danrán nga à ade doo à è njè kile koje a, kem̂kanm à taa ra’n pel-pel a, à è njè ra nyan ke maje a, à è njè kum tà go doo karé’t lé a, à è njèkede gos lé a tɔ.

1 Pierre 1:3

Bɔ Kuwe-ɓee le jéi Jésu-Krist nga, maje kade dè’n mong káng-káng. E tel oje jèi kige se go kem̂kanm le’n ke al dè loo takul kunde ke è ade Jésu unde loo tee dann njé ke koo’t. Gir’n ke nè á j’undei kem̂ jéi tchên dè ndikumgajer’t.

1 Jean 2:29

Sei geri mbak titeke Krist è Njè ra nyan se dè naje’n. Nanan ke ra nyan ke se dè naje’n se ndɔ karé-karé ɓaa, è ngonn Nube ke Nube kuwe oje’n.

1 Jean 3:9

Nanan ke Nube kuwe oje’n ɓaa à ebe ra majelé se ndɔge malang, tede ko nyan le Nube urkei kem̂n’t. E asekum ra majelé kum’n ke kété-kété lé tede è Nube kuwe á oje’n.

1 Jean 5:1

Nanan ke unde kem̂’n dè Jésu’t titeke è Krist ɓaa, doo nè nga è Nube kuwe oje’n. Nanan ke tár Bɔ jéi Nube ɓaa à tár jèi ngannenge nga tɔ.

1 Jean 5:18

Jè ger mbak titeke nanan ke Nube kuwe oje’n nga à ra kaiya se ndɔ’n-ndɔ’n lé. Nanan ke Nube kuwe oje’n ɓaa à ngonm ra’n è kuwe sêw-sêw. Njè kem̂ majelé asekum tee rann’t lé.

1 Jean 5:4

Oiyo, nanan ke Nube kuwe oje’n ɓaa à tête rɔ dooge ke ei le nang nè. Rɔ ke jè têti dooge ke ei le nang nè nga, è kundekem̂ le jéi.

Lookilera’n 3:14

Doo ke m’an’n nga tam ede nè: «I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Laodicée. Doo nè nga dé ɓar’n «Amen», maje kade è titeke bè kuwe. E ke njèkɔrgo tà ke get ke dooge undei kem̂ de dènn’t. E kuwe è ngire gir nyankundege le Nube malang. E tam ede nè: