Jean 3:29 - Nouveau Testament en Gulay 2004

²⁹ Doo ke dinye njè ngaw kige ɔje dè’n nga, è ngaw’n. Nè made njè taa dinye kige nda kɔtenn’t oo tà le’n. Ndu njè taa dinye kige ke made’n oo nga ade’n made’n ranel ngain. Man géa, m’ɔr son ranel le’m ɓila titeke bè tɔ.

Jean 3:29 ပူးပေါင်းရင်းမြစ်များ

Matthieu 22:2

– Konɓee ke danrán nga tò asenan se ngar karé bè ke ade dé koré mur tête tà ɓee le ngonn’n ke dingem.

Matthieu 25:1

Konɓee ke danrán nga tò asenan se sertà le ngamandege ke dɔg ke anji geri dingem ɓai. Ei otoi lampege le de ji de’t teei awi tilei non njè taa dinye kige.

Matthieu 9:15

Jésu tel deje de ede nè: – Njètaa dinye kige nga, loo ke madennge ei se’n ɓai nga, ké asi ndii dann nyantosowur’t wa? Nè ndɔ ke d’a d’uwe njètaa dinye kige nè wont kɔr’n dann de’t ɓita d’a kɔge kêm de ɓo ɓai.

Tà ke Maje ke Luc ndang 15:6

Loo ke è ree se’n ɓéee ɓá ɓaa, è ɓar madennge se njémade-tà-keige le’n ɔse nja de nan’t ede nè: «Ade jè rai ranel tede bate le’m ke ndɔ ke ndem nga, m’inge’n ɓá ta.»

Jean 15:11

Man m’ede sei tàge nè nga tede kade ranel le’m ur’n kei kêm si’t a, tede kade dè ranel le si ɔr’n njêt a tɔ.

Jean 16:24

Sár ɗarinè sei deji nyan karé bè se ri’m lé ɓai. I deji nyan ɓaa a ingei, titeke bè á dè ranel le si à ɔr’n njêt.

Jean 17:13

Ɓɔ’m ɗarinè m’ndi m’a m’aw ke rai’t nú. Nè m’tam tà nè titeke bè loo ke m’nain dè nang nè ɓai tede kade d’inge’n ranel le’m se girson’n bere mbak.

Jean 3:30

Gar-gar maje kade riɓar le’n oso se loo mbit-mbit ke kété-kété, gar-gar maje kade man ɓaa, riɓar le’m ger gugu.

2 Nje Ke Corinthe 11:2

M’tár sei ngain. Tár ke m’tár sei nga, ngire’n in ra Nube’t kuwe. Gir’n ke nè á m’ra’n jang dè si’t. Sei i tooi asinan se ngomande ke nal ger dingem ɓai bè. Krist kuwe karé bere luk-luk á è ngaw ke m’uwe dè’n m’ɔje’n dè si. M’tɔje’n go si kade an sei ke neennge.

Nje Ke Philippes 2:2

umi nan’t adi dè ranel le’m ɔr’n njêt. I tári nan se kem̂ karé a, umi nan’t bɔk adi tàgir le si è karé a tɔ.

1 Jean 1:4

Jè ndang tà nyange nè nga j’ade sei tede kade dè ranel le jéi ɔr’n njêt.

2 Jean 1:12

M’aw se nyange bule ngain le ndang kade sei. Nè m’ndige le ndang tà’n kem̂ magtub’t lé. Nè m’unde kem̂’m tchên le kaw ra si’t kɔje se si tà se tà’m njan-njan. Titeke bè á dè ranel le jéi à maje kɔr’n njêt.

Lookilera’n 21:9

Dooge ke danrán ji sejimute uwei baige ji sejimute ji de’t ndai. Bai wong nè nga, nyantosowurge ji sejimute rusi kem̂ neĵ-neĵ. E karé dann de’t ree tam se’m ede nè: «I ree laa ade m’tɔji njènong ke è dinye le Ngonn bate ke taa’n ke kige nga.»