Jean 3:28 - Nouveau Testament en Gulay 2004

²⁸ Sei kuwe géa asikum kɔrgo tà le’m titeke dɔ-dɔ m’tam’n m’ede nè: «Man m’ee Krist nga lé ɓai, nè d’ule’m kété nonn’t ke kule karè.»

Jean 3:28 ပူးပေါင်းရင်းမြစ်များ

Matthieu 3:3

Esaie njèribe-dè-tà ke tà Nube’t tam tà ɔje’n dè Jean kété ede nè: «E ndu è ke njèkile mber kêm dile’t: I gɔli rebe le Kuwe-ɓee, i rai ngann rebege le’n adi asinan lêtêt-lêtêt.»

Tà ke Maje ke Luc ndang 1:76

Ngonn nè nga d’a ɓar’n njèribe-dè-tà ke tà Nube’t ke njè dum dè nyange malang. Ngonn nè nga à njiye non Kuwe-ɓee’t le gɔl rebege le’n ke à ree’n.

Jean 1:20

Jean ede de ndàt ede nè: – Man m’ee Krist nga lé ɓai.

Jean 1:23

Jean ede de ede nè: – Man ɓaa m’ee ndu njèkile mber kêm dile’t. «Njèkile mber kêm dile’t nga tam ede nè: I rai rebe le Kuwe-ɓee adi nda danné jap» titeke ndɔ ke Esaie njèribe-dè-tà ke tà Nube’t tam’n kété nga.

Jean 1:25

Ei deji Jean njèkule dooge manné njonm tà kum de ke kété-kété edi nè: – Ke nè á i Krist lé a, i Elie lé a, éké njèribe-dè-tà ke tà Nube’t lé a tɔ ɓaa, ké bain á i ule dooge manné njonm wa?

Jean 1:27

Doo nè nga à ree goom’t non, nè man m’asekum tɔr gabang’t ke njann’t lé.