Jean 3:19 - Nouveau Testament en Gulay 2004

¹⁹ An-in! tà ke uwe dè dooge á tò nè: lookar ree dè nang nè, nè dooge ndigi tilkus tá ngain dum lookar tede nyanra dege majelé.

Jean 3:19 ပူးပေါင်းရင်းမြစ်များ

Tà ke Maje ke Luc ndang 12:47

Ke nè á ngonn njèndi ger nyan ke kuwe’n ndige kade ra, nè è uwe dè nja nyan karé lé ɓaa, d’a d’unde’n gang ra’n dàp-dàp.

Tà ke Maje ke Luc ndang 16:14

Loo ke Jésu tam tàge nè nga titeke bè ɓaa, Pharisienge ke njé kunde nar dann kum de’t an-in tà le’n ke nyan lé.

Jean 1:4

Takul’n è á nyange malang ndii kumgajer. Ndikumgajer nè nga è lookar le dooge.

Jean 1:5

Lookar nè nga ade loo ar dè tilkus’t, nè tilkus ase suin tà’n lé.

Jean 12:31

Tà ke Nube à gang dè dooge ke dè nang nè nga, ɗarinè unn gir’n ɓá ta. Ngar le njé ke dè nang nè nga, Nube à sure’n kile’n nata ɗarinè ta.

Jean 12:43

Njékɔr non Juipge rai titeke bè tede undei riɓar ke in ra dooge’t tá ngain dum riɓar ke in ra Nube’t.

Jean 12:46

Man nga m’ee lookar ke m’ree dè nang nè. Nanan ke unde kêm’n dèm’t ɓaa à ndi dann tilkus’t se ndɔ’n-ndɔ’n lé.

Jean 5:44

Sei awi ndoo riɓar ke in ra nan’t dadann si sei’t kuwe. Nè riɓar ke in ra Nube’t kuwe karé nga, sei sangi nin lé. Ké sei asi kundei kêm si dèm’t titeke bain wa?

Jean 7:17

Ke nè á doo karé ndige ra nyan ke kêm njèkule’m Nube ndige ɓaa, à ger tite nyan-ndó nè nga in ra Nube’t. E man kuwe á m’in se dè’m m’ndó nyan dooge lé.

Jean 7:7

Sei ɓaa, dooge ke dè nang nè asikum kɔr sei njêt lé, nè man ɓaa dooge ke dè nang nè ɔri man njêt tede kɔr ke m’ɔr gir nyanra de ke majelé ke nata se ndɔ’m-ndɔ’m.

Jean 8:12

Jésu tel unn tà tam ede doobulege ede nè: – Man nga m’a m’ee lookar le dooge ke dè nang nè. Nanan ke unn rebe goom’t ɓaa à njiye dann loo ndul’t lé, nè à ndi dann lookar’t. Lookar nè nga, à ɔr non’n kaw se’n loo ndikumgajer se non.

Jean 9:5

Ndɔge malang ke m’nain’n dè nang nè ɓai nga, m’ee lookar le dooge ke dè nang nè.

Nje Ke Rome 1:32

Dé ger tà ke Nube à gang dè’t mbak: Dooge ke njé ra nyange ke titeke bè nga, d’ase ndi kumgajer lé. Nè né è bè géa, dé ra nyange nè nga kum de ke kété-kété a, dé ndige se dooge ke rang dè nyanrage ke majelé’t a tɔ.

Nje Ke Rome 2:8

Nè wong se kêmkon le Nube à nder dè njé naje tàge’t se dè njé ra nyan ke se dè naje’n lé utei ngarankum tà mbeng.

2 Nje Ke Thessalonique 2:12

Dooge malang ke mbati kundei kem̂ de dè ngarankum tà’t, nè rai ranel dè nyan ke se dè naje’n lé nga, d’a gangtà dè de’t kuwe.

1 Pierre 2:8

Loo ke rang’t ɓai, Magtub le Nube ke tò se ninn’n tam ede nè: «Kuberi her nè nga tel è jig ke tuge de ade d’aw tebel-tebel. E her ke tuge de ade d’oso.» Dooge nè nga, kuberi her nè tuge de ile de tede kunn mbi dè tà’t le de. E ke nè á è nyan ke d’ɔje’n dè de.

2 Pierre 3:3

Gar-gar, maje kade i geri nyange nè kété ɓita kade ndɔ’n ree ɓai. Njé sɔke looge à undei loo teei le ringei se tà sɔke loo titeke kem̂ de ɔje,