Jean 3:16 - Nouveau Testament en Gulay 2004

¹⁶ Nube tár dooge malang ke dè nang nè, gir’n ke nè á ule’n Ngonn’n ke dagi le kade nanan ke unde kêm’n dènn’t ɓaa à udu lé nè à ndi kumgajer se non.

Jean 3:16 ပူးပေါင်းရင်းမြစ်များ

Matthieu 9:13

Kêmkanm á m’ndige m m’aw ndoo nyankuje-mese lé. Awi, i giri tà dè tà’t nè nga an-in. Oiyo, man m’ree le ɓar njé ke an-in ra de ke njé ra nyan se dè najennge lé, nè le ɓar njé ke an-in ra de ke njé ra majelége.

Marc 12:6

Kuwe-ndɔr nduu nè aw se ngonn ke dingem ke dagi. E tár’n ngain. E nè kuwe karé luk-luk á nain. E ule’n ke ngei njékulege le’n ra njéra kule kêm ndɔr nduu’t ede nè: «D’a ɓel ndil ngonn kêm’n.»

Tà ke Maje ke Luc ndang 2:14

– Maje kade dooge ulei ndubra dè Nube ke njèndi sêm danran’t. Maje kade kêmlom le Nube nain se dooge ke taai kêm’n dè nang nè a tɔ.

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Jean 1:18

Doo karé bè géa an Nube se kum’n ndan lé ɓai. Nè Ngonn kêm’n ke dagi á ɔr gir’n ke nata ade jè geri.

Jean 1:29

Barè lookar’n, loo ke Jean an Jesu à ree ke rann’t ɓaa, è tam ede nè: – An-in! Ngonn Bate le Nube ke njèkɔr kaiya dè dooge’t dè nang nè nga.

Jean 10:28

Man m’ade à ndii kumgajer se non m à weii ndan lé sár doo karé bè géa asekum kuwe de hont kɔr de jim’t lé a tɔ.

Jean 3:15

D’a ɓer’m dɔ le kade nanan ke unde kêm’n dèm’t ɓaa à ndi kumgajer se non.

Jean 3:18

Doo ke unde kêm’n dènn’t ɓaa, dé gangtà dènn’t lé. Nè doo ke unde kêm’n dènn’t lé ɓaa, dé gangtà dènn’t ɓá tede è unde kêm’n dè Ngonn Nube ke dagi’t nga lé.

Jean 3:36

Nanan ke unde kêm’n dè Ngonnenn’t nè nga ɓaa, à ndi kumgajer se non. Nè nanan ke unde kêm’n dè Ngonnenn’t nè nga lé ɓaa à ndi kumgajer ndan lé, nè wong le Nube ndi dènn’t ndeĵ ɓá ta.

Jean 6:40

Nyan ke kêm Bɔ’m ndige á tò nè: Nanan ke oré kum’n dè’m man Ngonnnen’t a, unde kêm’n dèm’t a tɔ ɓaa, è à ndi kumgajer se non. Taɓai man m’ade à unde loo tee dann njé ke koo’t ndɔ ke ngeinn’t a tɔ.

Nje Ke Rome 5:10

Kerɔte kuwe, kété jéi njébange le Nube. Nè ɗarinè, Nube um jéi nan’t se’n takul kwei le Ngonn’n. Ke nè á j’um nan’t se Nube ɓá ɓaa, Nube à aje jéi takul ndikumgajer le Ngonn’n nga tɔ.

Nje Ke Rome 5:8

Nè Nube tɔje jéi ngarankêm’n titeke n’tár jéi takul kwei le Krist: Loo ke ndɔ ke jè nain ke njé ra majelége ɓai nga, Krist wei tede tà le jéi.

Nje Ke Rome 8:32

Ngonn kêm’n géa, Nube ngonm’n rann’t lé, nè è inye’n ade dé tɔl’n tede tà le jéi malang. Nube à ade jèi nyan malang takul Jésu kerɔte kuwe.

Nje Ke Ephese 2:4

Nè Nube ke è baw kem̂kanm nga, tár jèi ngain.

2 Nje Ke Thessalonique 2:16

Bɔ jéi Nube tár jéi, è sɔl kem̂ jéi sár se non ade jèi kundekem̂ tchên ke maje ngain. Jè deje Bɔ jéi Nube a, jè deje Kuwe-ɓee le jéi Jésu-Krist a tɔ,

Tite 3:4

Nè né è bè géa, Nube Njèkaje jèi kile kem̂-maje se tár le’n ke nata tede dooge malang.

Hebreuge 2:9

Nè jè tɔse kum jé dè nyan ke nè’t: Jésu, è ke dé tel se’n d’ade tɔgmong le’n nain go le dooge ke danrán ndêin bè, ɓita go’t gugu dé tel d’ule ndubra se riɓar dènn’t tede nyankem̂konge ke inge ji yo’t. Takul kem̂noje le Nube, è á Jésu inge’n yo weii’n tede dooge malang.

1 Jean 3:1

An-in! tár ke bò ke Bɔ jéi Nube tár jèi á ɓar’n jèi ke ngannenge. Jèi jèi ngannenge kerɔte kuwe. Gir’n ke nè á dooge ke dè nang nè geri jèi ke ngann’n lé. Dé ger jèi ke ngann Nube lé tede Nube géa dé ger’n lé.

1 Jean 4:19

Jèi ɓaa, jè tári Nube tede è kuwe á tár jèi kété.

Lookilera’n 1:5

Maje kade Jésu-Krist njèkɔrgo tà ke get-get ade sei kem̂noje se kem̂lom. Jésu-Krist nga è kuwe karé bere á è doo ke desêin sàk-sàk ke unde loo tee dann njé ke koo’t. E nga è ngar ke on ɓee dè ngarge ke dè nang nè. Jésu-Krist nga tár jèi a, ɔr jèi dann kaiya’t le jéi takul mese’n a tɔ.