Jean 3:13 - Nouveau Testament en Gulay 2004

¹³ Doo karé bè géa in nang nè aw danrán lé ɓai. Nè man Ngonn doo á m’in danrán m’ree nang nè.

Jean 3:13 ပူးပေါင်းရင်းမြစ်များ

Matthieu 28:20

I ndói de loo kile koje dè ndukunnge malang ke kété m’unn m’ade sei nga. An-in! man nga géa m’a m’ee der gir si se ndɔ karé-karé malang sár ndɔ ke ngeinn’t.

Matthieu 8:20

Jésu tel ile’n dè’t ede nè: – Njange géa bolè tò de tò tutu a, helge géa ndis tò de tò tutu a tɔ. Nè man ke m’ee Ngonn doo nga, m’inge loo kule dè’m tutu taa kebe lé.

Jean 1:18

Doo karé bè géa an Nube se kum’n ndan lé ɓai. Nè Ngonn kêm’n ke dagi á ɔr gir’n ke nata ade jè geri.

Jean 13:3

Jésu ger titeke Bɔ’n um nyange malang jinn’t. E ger titeke in ra Bɔ’n Nube’t a, à tel kaw rann’t gugu a tɔ.

Jean 17:5

Bɔ’m, riɓar ke m’inge rai’t nú kété ɓita unde nang nè ɓai nga, i tel ile dèm’t ɗarinè ta.

Jean 3:12

Nyan ke nang nè ke m’ede sei tà’n nga, ke nè á umi kêm si dè’t lé ɓaa, loo ke m’a m’ede sei tà nyange ke danrán nga, ké a umi kêm si dè’t titeke bain wa?

Jean 3:31

E ke in danrán nga dum dè nyange malang. E ke girkoje’n in dè nang nè tam tà ɔje’n dè nyange ke dè nang nè. E ke in danrán dum dè dooge malang.

Jean 6:33

Tede mapa ke ade dooge ke dè nang nè ndii kumgajer nga, è mapa ke in danrán ra Nube’t.

Jean 6:38

Tede man nga m’in danrán m’ree le ra nyan ke kêm’m man á ndige lé, nè m’ree le ra nyan ke kêm njèkule’m á ndige.

Jean 6:42

Dé tel d’ede nan d’ede nè: – Ké è nè nga è Jésu ngonn le Joseph ke jè geri bɔ’n se kon’n mbak nè nga lé wa? Dé tam bè tede tà ke Jésu tam kété ede nè: «Mapa ke in danrán nga, è man.»

Jean 6:46

Doo karé bè ke an Bɔ’m Nube nga goto. Nè man ke m’in rann’t kuwe karé á m’an’n.

Jean 6:51

Mapa ndikumgajer ke in danrán nga è man. Doo ke use mapa nè nga ɓaa à ndi kumgajer se non. Mapa ke m’a m’ade le kade dooge ke dè nang nè ndii kumgajer nga, è danra’m man kuwe.

Jean 6:62

Ke nè á ndɔn’t a an-in Ngonn doo loo tel kaw loo ndii’n ke kété in tutu ree nga ɓaa, ké a i tami kedi nè ri ta wa?

Jean 8:42

Jésu ede de ede nè: – Ke nè á Nube è Bɔ si kerɔte ɓaa, né ayé tári man tede man m’in ra Nube’t á m’ree. E man kuwe m’in se dè’m m’ree lé, è è á ule’m ra si’t.

Nyanra Njekawkulege 2:34

Kerɔte kuwe, David nga in aw danran lé ɓai, nè né è bè géa, è tam kété ede nè: «Kuwe-ɓee Nube ede Kuwe-ɓee le’m ede nè: I ree i ndi dè jikonm’t,

Nyanra Njekawkulege 20:28

Undei kumkunju dè ra si’t se dè bate kosge malang ke Ndil-Kêmnda unde sei ke njékan dè dege. Uli njékebe nange le Nube ke è ndogo de se mese’n ke kinge’n.

Nje Ke Rome 10:6

Nè an-in! tà ke Moise tam ɔje’n dè rebe ke tà à ɔr’n dè dooge’t takul kundekêm ede nè: «An! tá nè a kin tam kêmi’t kede nè: Ké nan à aw danrán le ree se Krist dè nang nè wa?»

1 Nje Ke Corinthe 15:47

Adam doo ke desêin nga, è nduju nang á Nube ube. Nè Adam ke njèkon’t joo nga in danrán.

Nje Ke Ephese 1:23

Njékebe nange le Nube nga, è danra Krist. Njékebe nange le Nube nga unni kagera Krist lát-lát. Krist nga dum dè dooge se nyange malang se ndɔ’n-ndɔ’n a tɔ.