Jean 3:11 - Nouveau Testament en Gulay 2004

¹¹ Kerɔte kuwe man m’edi ndàt, jè tam tà nyan ke jè ger a, j’ɔrgo tà nyan ke j’an se kum jé a tɔ. Nè sei taai tà ke j’ɔrgo j’ade sei nga lé.

Jean 3:11 ပူးပေါင်းရင်းမြစ်များ

Matthieu 11:27

Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje.

Matthieu 23:37

Sei dooge ke i ndii kêm ɓee-bò ke Jérusalem, sei ke njé tile dooge ke Nube ule de ra si’t se kuberi her tɔl de. Dɔ-dɔ, m’ndige kɔse nja si nan’t titeke kon kunje kebe’n ngann’n gir bagenn’t, nè sei ndigi kinyei man kade m’ra titeke bè lé.

Tà ke Maje ke Luc ndang 10:22

Bɔ’m tel se nyan malang um jim’t. Doo karè bè ke ger’m man ke Ngonn’n goto, nè Bɔ’m karè bere á ger’m ke ngonn’n. Doo karé ke ger Bɔ’m goto, nè man Ngonn’n kuwe karé bere á m’ger’n. Doo ke man Ngonn’n kuwe m’ndige ɓita m’a m’ribe se’n dè Bɔ’m kade ger’n ke doo ke bè ɓai.

Jean 1:11

E ree ɓéee le njé ke le’n, nè njé ke lé’n uwei nin ke ra de’t lé.

Jean 1:18

Doo karé bè géa an Nube se kum’n ndan lé ɓai. Nè Ngonn kêm’n ke dagi á ɔr gir’n ke nata ade jè geri.

Jean 12:49

E man kuwe á m’in se dè ra’m m’tam tàge nè nga lé, nè Bɔ’m ke njèkule’m kuwe á unn ndu’n ade’m ɔje dè tàge ke kum tam se kile mber’n a tɔ.

Jean 14:24

Doo ke tár’m lé nga an dè tà le’m sêw-sêw lé. Tà ke sei ooi nè nga in ra’m man’t lé, nè in ra Bɔ’m ke njèkulem’t nga kuwe.

Jean 3:12

Nyan ke nang nè ke m’ede sei tà’n nga, ke nè á umi kêm si dè’t lé ɓaa, loo ke m’a m’ede sei tà nyange ke danrán nga, ké a umi kêm si dè’t titeke bain wa?

Jean 3:13

Doo karé bè géa in nang nè aw danrán lé ɓai. Nè man Ngonn doo á m’in danrán m’ree nang nè.

Jean 3:3

Jesu tel ile Nicodème dè’t ede nè: – Kerɔte kuwe, man m’edi ndàt, ke nè á dé tel d’oje doo gugu kige lé ɓaa, è asekum kan Konɓee le Nube se kum’n lé.

Jean 3:5

Jesu tel ile Nicodème dè’t ede nè: – Kerɔte kuwe, man m’edi ndàt: ke nè á d’ule doo manné njonm d’ade Ndil oje’n lé ɓaa, è asekum kule dè’n kêm Konɓee’t le Nube ndan lé.

Jean 5:43

Man m’ree se ri Bɔ’m nè sei uwei man ke ra si’t lé. Nè ke nè á doo karé ke rang kuwe in se dè’n ree ɓaa, è nè tá uweii ke ra si’t.

Jean 7:16

Jésu tel ile de dè’t ede nè: – Nyan le’m ke m’ndó dooge nga in ram’t lé, nè in ra è njèkulem’t nga.

Jean 8:14

Jésu tel ile Pharisienge dè’t ede nè: – Né m’tam tà m’ɔje’n dè ra’m man kuwe géa, kɔrgo tà le’m man nga, è ngarankum kɔrgo tà kuwe tede m’ger loo ke m’in tutu á m’ree a, m’ger loo ke m’a m’aw ke tutu a tɔ. Nè sei ɓaa, i geri loo kin-in’m éké loo kaw’m lé a tɔ.

Jean 8:26

M’aw se tàge ngain ke ɔji dè si le tam a, m’aw se tàge ngain le gang dè si’t a tɔ. Nè njèkule’m nga tam ngarankum tà. Tàge ke m’oo tann’t á m’ede dooge ke dè nang nè.

Jean 8:38

Man m’ede sei tà nyange ke m’an ra Bɔm’t, nè sei ɓaa, i rai nyange ke an-in ra bɔ si’t.

Nyanra Njekawkulege 22:18

«I tee kalang kêm ɓee-bò ke Jérusalem kɔke. Dookêmɓeege à taai tà le’m ke a ede de nga lé.»

2 Nje Ke Corinthe 4:4

Ke nè á Tà ke Maje le jé tò putru ɓila ɓai ɓaa, tò putru tede le njé kunn mbi dè tàge’t. Dé nè nga, Sú ke njèkonɓee dè nang nè tɔ kum de ɔge de kunde kêm de dè Krist’t. Gir’n ke nè á d’ase kan’n lookar le Tà ke Maje nga lé. E lookar le ndubra le Krist ke è kum gute tà Nube nga.

Lookilera’n 1:5

Maje kade Jésu-Krist njèkɔrgo tà ke get-get ade sei kem̂noje se kem̂lom. Jésu-Krist nga è kuwe karé bere á è doo ke desêin sàk-sàk ke unde loo tee dann njé ke koo’t. E nga è ngar ke on ɓee dè ngarge ke dè nang nè. Jésu-Krist nga tár jèi a, ɔr jèi dann kaiya’t le jéi takul mese’n a tɔ.

Lookilera’n 3:14

Doo ke m’an’n nga tam ede nè: «I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Laodicée. Doo nè nga dé ɓar’n «Amen», maje kade è titeke bè kuwe. E ke njèkɔrgo tà ke get ke dooge undei kem̂ de dènn’t. E kuwe è ngire gir nyankundege le Nube malang. E tam ede nè: