Jean 3:10 - Nouveau Testament en Gulay 2004

¹⁰ Jesu tel ile Nicodème dè’t ede nè: – I ke njèndó dooge nyan ke kɔbi oso se loo mbit-mbit kêm ɓeekon ke Israel’t nga, ké i ger nyange nè lé taɓai wa?

Jean 3:10 ပူးပေါင်းရင်းမြစ်များ

Matthieu 11:25

Kêm ndɔn’t nè nga, Jésu ɔje tà se Nube ede nè: – Bɔ’m Kuwe-ɓee ke danrán se nang nè, m’tɔyi tede ribe ke i ribe dè nyange nè ade ngannge ke ndêin. Nè njékumkunjuge se njégos nyangerge ɓaa i ɓɔyɔ se de dè nyange nga kák .

Matthieu 15:14

Inyei de! tede dé njékumtɔge ke njékɔr non njékumtɔ made dege. Ke nè á njèkumtɔ ɔr non njèkumtɔ made’n ɓaa, ei joo mbak à osoi kêm bolè’t.

Matthieu 22:29

Jésu tel ile de dè’t ede nè: – Sei ndemi uri walé ɓá ta, tede sei geri magtubge ke tooi se ninn de nga lé a, tɔgmong le Nube géa sei geri lé a mbak.

Tà ke Maje ke Luc ndang 2:46

Ndɔ ke njèkon’t mute ɓita d’inge’n kêm kei le Nube. Jésu ndi dann njékɔrgir gute-nduge ur mbi’n oo tà ndó le de a, tel deje de tà dè’t a tɔ.

Tà ke Maje ke Luc ndang 5:17

Ndɔ karé bè Jésu ndi ndó dooge nyan. Pharisienge se njékɔrgir gute-ndu Nube ke Moise ndang reei ra Jésu’t. Dooge in-in se kêm ɓeege gai-gai ke ɓeekon ke Galilée, se ɓeekon le Juda a, se ɓee-bò ke Jérusalem géa reei rann’t a tɔ. Tɔgmong le Nube nain se Jésu ade aje’n njératurge.

Jean 3:9

Nicodème tel deje Jésu ede nè: – Ké doo asekum ra nyange nè nga titeke bain wa?

Nyanra Njekawkulege 5:34

Nè Pharisien karé bè è njèndó dooge gute-ndu, ri’n nè Gamaliel. E doo ke kosdooge malang ilei koje dènn’t. E ɔse nang in dɔ dann njégangtàge’t. E unn ndun’n le kade d’ade njékawkulege undei loo teei nata ndêin ɓita.

Nje Ke Rome 2:28

Kuje tà mɔte ke danra’t nata nga à ade doo ee’n ngarankum Juip lé. Ngarakum kuje tà mɔte nga, è kuje tà mɔte ke danra’t nata lé.

Nje Ke Philippes 3:3

Kerɔte kuwe, è jèi á jèi njékuje tà mɔtege ke get tede jè ɗɔyi Nube se go Ndil’n. Jè ti ra jé se ri Jésu-Krist m j’unde kem̂ jé dè danra’t lé.

Nje Ke Colosses 2:11

Takul Krist á d’uje’n tà mɔte si. E ji doo á uje tà mɔte si nga lé, nè è Krist á goré nyan le danra ɔr ra si’t kɔke.