Jean 21:7 - Nouveau Testament en Gulay 2004

⁷ Njèkuwe-gir-Jésu ke Jésu tár’n ngain ede Pierre ede nè: – Doo nga è Kuwe-ɓee le jéi Jésu! Loo ke Pierre oo titeke è Kuwe-ɓee ɓaa, tel ule kubu le’n ke bòi yul rann’t, al bal oso dann ba’t gugu gɔbong tede kété ndi ra’n karè.

Jean 21:7 ပူးပေါင်းရင်းမြစ်များ

Marc 11:3

Ke nè á doo karé deje sei ede nè: «Ké bain á sei tutii wa?» ɓaa, edi nin edi nè: «E Kuwe-ɓee lei Jésu á aw ndoo kin dènn’t.» Ke loon’t nè kuwe à inye sei kade i reei se ngonn koro nga.

Tà ke Maje ke Luc ndang 12:35

– I ndii se kubu ra kule ra si’t. Umi mine ɓede si’t a, adi lampe le si ndogó kotong a tɔ.

Tà ke Maje ke Luc ndang 2:11

Ɓila d’oje njèkaje sei kêm ɓee’t le ngar David. E nè nga à è Kuwe-ɓee a, Krist a tɔ.

Tà ke Maje ke Luc ndang 7:47

Simon, man m’edi ndàt titeke Nube ade kêm’n sɔl lom dè bò kaiyage’t le dinye nè, gir’n ke nè á è tár’m ngain. Doo ke nè á Nube ɔr kaiya dènn’t ndêin bè ɓaa, à tár’m ndêin bè tɔ.

Jean 13:23

Njèkuwe-gir-Jésu karé ke è tár’n ngain ndune ra’n kàdenn’t.

Jean 19:26

Jésu tête kum’n an kon’n. Kon’n nda ngɔr se njèkuwe-gir’n ke è tár’n ngain. Jésu ede kon’n ede nè: – Dinye, an ngonni.

Jean 20:2

Marie ɔse wan tel se ngɔde ree ra Simon Pierre’t se njèkuwe-gir-Jésu karé ke rang ke Jésu ndige’n ngain. Marie ede de ede nè: – D’ɔr ninn Kuwe-ɓee Jésu kêm bolè mbal’t nga kɔke. Nè jè ger loo ke d’ile tutu lé.

Jean 20:20

Loo ke è tam tà nè nga bè ɓá ɓaa, è tɔje dè jinnge se kêl kàde’n ade d’an. Ra njékuwegir Kuwe-ɓee Jésuge nel de ngain tede kan ke an-in nin.

Jean 20:28

Thomas tel ile Jésu dè’t ede nè: – Kuwe-ɓee le’m, Nube le’m.

Jean 21:20

Pierre tel mer goo’n. E an njèkuwe-gir-Jésu ke ndɔ ke tò kàde Jésu’t tá use’n nyan. Pierre an’n njiye go de’t se Jésu. Njèkuwe-gir-Jésu nè nga, Jésu tár’n ngain. E è nè á ndɔ ke deje Jésu mêt ede nè: «Kuwe-ɓee, ke nan à ulei ji dooge’t wa?»

Jean 21:24

E njèkuwe-gir-Jésu nè nga kuwe á ɔrgo tà nyange ke ndɔ ke an se kum’n a, se tàge ke ndɔ ke oo se mbin’n a tɔ. E ndang de kêm Magtub’t nè. Jè ger titeke tà ke è ɔrgo nga è ngarankum tà kerɔte kuwe.

Jean 21:8

Njékuwe-gir-Jésuge ke rang teli reei se ngonn bato nga, ei tɔi bure ke kanjege rusi neĵ nga tutu ndɔri à reei ke kàde kong’t. Hebi ngain se kàde kong lé, nè ei ngɔr asenan se kum kil ji doo aru joo.

Nyanra Njekawkulege 10:36

Jésu-Krist nga, è Kuwe-ɓee le Juipge se dooge ke rang malang. E è kuwe á ndɔ ke Nube ule’n ra kosdooge ke Israel ade ile mber Tà ke Maje le kêmlom ade de.

Nyanra Njekawkulege 2:36

Pierre ede kosdoo-bulege ede nè: – Maje kade sei kosdooge ke Israel malang, i geri tà nè maje: Jésu nè ke sei ɓeri nin kàde kage-ke-dese’t nga, Nube tel ade è Kuwe-ɓee a, Krist a tɔ.

1 Nje Ke Corinthe 15:47

Adam doo ke desêin nga, è nduju nang á Nube ube. Nè Adam ke njèkon’t joo nga in danrán.

2 Nje Ke Corinthe 5:14

Tár ke Krist tár jè nga ɔse jè balang-balang. Ke nè á doo karé inye ra’n ade yo tede dooge malang ɓaa, dooge malang kuwe weii se’n tɔ.

Jacques 2:1

Ngakonmge, sei undei kem̂ si dè Kuwe-ɓee’t le jéi Jésu-Krist ke d’ile riɓar dènn’t ɓá. Ɔri kum dooge lé, tede kɔr kum dooge nga uwe made nan se kundekem̂ dè Krist’t lé.